【親子好去處】長洲露營體驗祭 野炊+歷奇工作坊
撰文：大仁生活 ｜編輯：Sunday Kiss
長洲露營體驗祭
Camperism負責人David:「依家露營不論硬件，環境，設施，已經唔同晒，我哋就係想改變大家對露營嘅睇法，所以就攪咗呢個活動」
今次，我們就是跟 Camperism+宇宙火食去長洲西園參觀「BE A CAMPER! 春分露營體驗祭」的預覽活動，SY最高興:「梗係啦，我可以同子子玩…爸爸…快D去啦!!」
西園就是在長洲的張保仔洞附近，我們可以在碼頭前一點的位置乘$10「街渡」，大約8分鐘便到逹。
魚子媽:「行都得㗎，20分鐘左右…黃昏5點後就無街渡，我成日都係咁行㗎」
如果乘街渡，落船後沿贊端路走，不用3分鐘，便已經到逹西園的大門口，距離十分近。
一走入西園，我已經目瞪口呆，我心目中的營地就如正長洲正灘的小小長長沙灘…
原來西園的營地大得如同一個大山頭，SY:「嘩! 爸爸，我哋係咪可以揸車(平衡車)?」
我:「係喎…好似仲有得放船仔，玩吹氣泡泡足球」; 魚子媽:「每樣活動都係另外收費㗎….」SY:「咁我去搵子子玩就得Lu」
魚子媽是露營逹人，她自備了兩個示範單位，給我們觀看…我:「嘩! 乜依家D帳篷咁靚嘅? 係我心目中，露營係迫迫狹狹，仲要瞓睡袋喎」
Erie與Raymond 走進的淺黃色帳篷很小清新感覺，原來兩邊就是睡房，中間就是客廳…
小情侶自得其樂，而我心諗:「洗唔洗靚得咁緊要呀?」
之後另一個大大三角白色帳篷傳來子子的聲音:「SY…快D入嚟玩啦」
其實，這個似真的示範單位，多於一個帳篷喎，我房間面積可能同這個帳篷面積也是差不多….我:「係咪傻㗎? 有床，有梳化，有茶几」
Erie:「唔知一個帳篷要幾多錢呢? 真係好靚呀」; 我:「車! 淘寶大把啦，好平嘅啫…我諗」Raymond不停找淘寶:「無喎…淘寶都無咁靚㗎喎，幾千蚊貨色都係老老套套款…」; 物主魚子媽:「咩淘寶呀? 我專登外國訂返嚟㗎….2萬蚊㗎」(吓? 2萬蚊? 嘩? 我有2萬蚊，我會買Bearbrick同超合金好過)
今日，我們有幸得到宇宙火食Andy為我們來一個火焰阿拉斯加三文魚，野炊的製作，果然連食物味道也變得非常美味.
Andy:「今次我哋用原始做法，將魚連皮固定係木板上，灑鹽用柴火慢慢燻熟，食嗰時再點一D乳酪沾醬，已經好好」魚又香，又夠滑，更加多汁…原來三文魚可以如此好味道.
同時還有天然酵母做出來的酸麵包，Andy特別造出三款不同醬汁….我愛蕃茄粒粒的甜及清新.
Erie:「點呢個手撕雞仲正呀! (係呀! ) 」
Chocolate Brownie 在進食前，更加即場以火槍將表層的棉花糖燒一燒…一邊切，大小朋友一邊已經口水不其然忍不住想流出來.
今日發現, 原來在郊外BBQ，和真野炊，感覺，味道簡直兩個層次，忽然愈食愈有幸福感覺.
吃飽飽我們今日還有真非洲導師教授非洲鼓.
還有環保工作坊，本來是製作掛飾，但不知為何兩位小朋友最終會造出兩把木槍出來….
SY:「我覺得做把槍仲靚」
每日西園有指定時間會放羊出來自由活動….原來，羊真的是「咩咩叫」喎 (SY: 梗係啦…唔係Pokemon點會叫佢咩利羊喎…)
之後，我們還去參觀不同的營地，原來這裡有不同區域，就有不同的主題營區…
魚子媽:「呢兩個觀星營就係全個西園最靚景觀嘅營啦，夜晚睇星一流，而且仲有USB，冷暖氣，獨立廁所…」
有朋友還大叫:「仲有埋風筒提供添㗎」; 我:「咁要幾多錢一晚?」
魚子媽:「平日可能平D，平均大約$1900 至$3000一晚」(嘩!! 原來露營真的不是普通人玩意)
還有印第安風的營地…不過，因為有人入住，所以不能入內拍攝.
當日，還有朋友在紮染帳篷，大家很努力的紮紮縛縛，我:「係米好難㗎?」
正在努力的朋友答:「隨心，求其就得，因為我哋想得出一個自然嘅效果」
(其實，無端端點解要紮染呢?) 朋友答:「因為之前白色帳號用舊咗，所以就想整返靚佢又可以繼續用囉」
紮好的帳篷，要放在一大桶染料內，不停攪動一小時，之後就可以放乾…
SY很樂意的幫忙攪動帳篷，而結果出來的黃色帳篷也非常之有民族風喎.
我們臨走前發現，原來現在露營竟然是有更衣室的，阿太:「你䏲，有獨立沖涼，有熱水，最好係有個架，可以攞衫」
我:「乜依家露營真係好似宿營咁方便，我仲以為幾日幾夜醃鹹魚添」
而在我背面的Erie 正在忙於照鏡，我說:「嘩! 沖完涼仲有咁大塊鏡，真係方便晒你哋D女士們啦」
離開西園前，我同David說:「今日我睇到嘅露營，同我想像中真係好唔同，原來咁先進，難怪你哋咁鍾意露營啦…話時話，你覺得露營最重要係咩呢?」
David一邊用自製火箭爐煲水一邊說: 「露營最重要就係同朋友，同屋企人一齊分享先係最重要」(啱! 分享真係最重要)
「BE A CAMPER! 春分露營體驗祭」
日期：2019 年 3 月 23 日至 24 日(星期六及日)
時間：上午 10 時至下午 6 時
地址：長洲西灣，西園 – 特色露營歷奇樂園
FB ：https://www.facebook.com/camperism/
1) 日營門票(1-day Pass)
成人 HKD$150
小童^ HKD$75
2) 日營門票(2-day Pass)
成人 HKD$250
小童^ HKD$125
3) 露營門票(2D1N)
成人 HKD$350
小童^ HKD$175
帳篷自備, (3米X3米) , 或留意「Camperism專頁」稍後有詳細說明帳篷租借服務
