【又放閃】行207級樓梯突恐懼症發作 陳豪一個舉動令陳茵媺克服困難

【又放閃】行207級樓梯突恐懼症發作 陳豪一個舉動令陳茵媺克服困難

藝人陳茵媺同老公陳豪去咗西班牙旅行,兩公婆仲連日邊玩邊上載靚相。呢日陳茵媺就分享同老公去咗華倫西亞著名景點大教堂(Cathedral),佢更透露自己上緊塔頂個時,突然恐懼症發作,好彩陳豪嘅一個舉動令到佢克服困難,仲可以成功到塔頂欣賞當靚景,真係好Sweet呀!

撰文:Kammy | 圖片來源:Instagram

陳茵媺靠陳豪克服困難

早前陳茵媺撇低3名子女,老公陳豪去咗西班牙二人世界。呢日佢哋就去咗華倫西亞著名景點大教堂。大教堂樓高50.85米,如果要行到上塔頂睇靚景嘅話就一定要行二百幾級樓梯,不過上塔頂一啲都唔容易!陳茵媺喺社交平台留言,指樓梯相當狹窄,當佢哋上樓梯時亦有其他人落樓梯,而且其中一邊冇扶手,所以要同老公互相幫助取得平衡,先可以繼續行上去。

陳茵媺

不過,最令陳茵媺驚嘅並唔係條樓梯,而係佢上緊塔頂個時突然幽閉恐懼症,以及恐慌症發作,但好在全程有老公陪伴,陳豪仲唔介意係鏡頭面前扮放屁嚟紓緩老婆嘅心情,令茵媺即刻笑返,仲嚇返對方話「如果我Post呢段片上去你就死」,真係好sweet呀!。

陳茵媺
陳茵媺上緊塔頂個時突然幽閉恐懼症及恐慌症發作
陳茵媺
陳豪扮放屁嚟紓緩老婆嘅心情
陳茵媺
陳茵媺即刻笑返!

雖然登頂嘅時候發生小插曲,但結果茵媺都可以克服困難成功登頂,佢仲話能夠欣賞咁靚嘅景色,絕對值得。

成功上到塔頂超開心
陳茵媺
茵媺好彩有陳豪嘅一個舉動令到佢克服困難!
景色真係好靚呀!

陳豪扮放屁氹陳茵媺

更多精選內容