【有片】1歲B女被困私家車 服刑囚犯用專業技術撬開車窗救B

撰文：Kamen|圖片：CNN、Shadow Lantry@FB

1歲B女被困私家車

美國佛羅里達州一對夫妻Joe Lantry和Shadow Lantry在上週四（14/2），不小心將1歲B女被困喺私家車入面。

當時天氣熱氣溫約攝氏22度，但車廂經太陽長期照射，車廂內氣溫可達攝氏37度，Joe 向媒體表示，當時很怕女兒會熱死。正當B女爸爸媽媽想破窗將B女救出，就遇上警長Nocco及5個正在做緊社會服務嘅囚犯。

服刑囚犯用「專業技術」撬開車窗救B

當時警長Chris Nocco發現B女被困就主動提出幫助，其中有囚犯見到B女爸爸媽媽絕望嘅樣，喺警長同意之下「重施故技」，施展專業技術，用衣架撬開車窗，2分鐘內成功將B女救出。

B女媽媽Shadow將囚犯們營救囡囡嘅情況拍下，並放上網，成為網民熱話。警長Nocco就表示，今次「囚犯專業」派上用場非常罕見，並話其實好多囚犯都想改過自新、重新做人，並希望在生活中做正確的事。

雖然佢哋曾經犯罪，但呢種技術成功營救一條小生命！