艇仔粉

【親子好去處】屯門三聖食風味足料艇仔粉

親子好去處

廣告

早前,我們都曾經到香港仔鴨脷洲到吃特色艇仔粉,食過一次令人難忘!後來,有朋友告訴我:「喂!屯門都有㗎喎,你不如去試埋啦!」所以我們今次就遠征屯門,到三聖吃風味足料艇仔粉!

撰文、圖片來源:大仁生活 |編輯:Sunday Kiss

屯門三聖風味足料艇仔粉

於是我致電屯門碩果僅存的粉艇艇主黃太:「我同我先生做咗四十幾年,依家都半退休㗎啦,所以唔係成日開,過咗年啦,不如你新年之後再打畀我睇吓,好唔好?」(好吖!! 好吖!!)

於是心急的我,新年過後就約好黃太,還約同子子,齊齊去三聖食艇仔粉!地膽魚子媽:「我住咗係屯門三十幾年…無無無…廿幾年,三聖食海鮮就久唔久嚟,但係艇仔粉就真係唔知道有喎!」

既然如此,我們便約同在三聖輕鐵站等,沿豐漁樓,青山冰廠方向,走去青山灣海濱長廊找黃太吃地道風味艇仔粉!

兩個小朋友嘻嘻哈哈,由輕鐵站走約3分鐘便大叫:「冰廠呀!冰廠呀!」再走1分鐘便已經到達長廊入口,於是我即時致電黃太。

黃太:「係就企係嗰三隻大船前面條樓梯等我啦,你食過未㗎? (我:未呀!我專登係旺角入嚟試你啲手勢㗎) 吓!你旺角入嚟?我啲嘢好咋㗎!」 (十分謙虛的黃太)

大約5分鐘,黃太的艇來了…艇仔粉$28一碗,我們選了一碗河粉, 一碗麵,黃太:「你要咩餸呀!燒味、叉燒、紅腸、雲吞、魚蛋。」

後來黃太說:「我哋啲湯用大地魚+燒豬骨煮㗎,你哋試吓睇過…好彩你打畀我,因為我哋今日先開返」(所以,大家想找黃太食艇仔粉,記得電話預約先會比較好,避免撲空!)

我們今天非常失策,因為忘記自備餐具,但沒有想到黃太的$28艇仔粉會大碗得如此抵吃。

魚子媽:「我以為佢好似街邊食豆腐花咁,食完畀返隻碗佢,原來唔係…下次我哋識自備餐具喇,不過佢盒粉真係好大碗,又多菜,好健康,好抵食!」

SY:「黃太啲叉燒仲好食過太興…」魚子媽:「雖然頭先佢話以前先係自己做燒味,依家係交貨嚟,但佢哋都揀得好正,啲叉燒係有燶邊,仲係半肥瘦添!」

我:「佢啲魚蛋都好入味喎!」魚子媽:「佢可能知我哋唔係即刻食, 所以啲粉同麵唔會煮到好腍,麵仲幾彈牙,同唔重鹼水味…講真,依家食碗車仔麵都四十幾蚊,黃太賣$28,真係超值!」

坐在海濱長廊,慢慢嘆艇仔粉,除了享受,就是舒服,好嘆…真心推介大家要來試一試充滿風味及好好味的黃太艇仔粉!

屯門粉艇

地點:三聖邨碼頭冰廠隔離

電話:9237 8244

備註 : 記得電話預約 避免撲空!