囡囡偷買寫字機器人做新年功課 2日完成抄寫作業被母揭發

撰文：新假期| 圖片：淘寶 |編輯：Kamen

女生買寫字機器人幫做新年功課

黑龍江省哈爾濱市一名中三女學生，因為唔想做假期功課，居然花咗800幾蚊人民幣（約940港元）利是錢，喺淘寶買咗部聲稱「可以模仿各種筆迹抄寫文字」嘅「寫字機器人」幫忙做功課。

呢名女學生喺新年假期有好多功課，包括抄課文、作文、背單詞同做數學練習卷等，而佢嘅媽媽日就訂好「寒假作業計劃」，目標係喺2月24號前完成所有功課，點知喺2月13號時，媽媽就發現個女竟然用兩日就做好晒抄課文嘅功課，仲要無錯別字添！

點知媽媽之後幫個女執房時就發現「寫字機器人」包裝盒，於是馬上追問阿女，最後阿女承認事件，嬲到阿媽掟爛呢部咁偉大嘅發明！

原來淘寶真係咩都有，只要搜尋「寫字機器人」，就即刻出咗各款產品，價格由85至2300人民幣不等，寫明可以繪畫、激光雕刻、書寫等功能。

有網店表示顧客可以用手機APP做屬於自己嘅字體，軟件支持word同excel檔案導入，仲識得自動排版同分頁。每分鐘寫到30至40個字，更會隨機字體、變形，務求令效果更逼真。

同一個字都可以寫到外觀唔一樣，以製造更逼真嘅「人手書寫」。

畫圖都一樣得，得咗！

有網店向內地傳媒表示，其實機器人喺字體大小同間距都比較劃一，但係真人書寫就難以捉摸，所以仔細觀察都係會發現當中端倪。

有幾勁？即睇片！

https://www.youtube.com/watch?v=Z9oPqkd5kcg

淘寶真係無奇不有！除咗寫字機器人，仲有各種輔助機械人！例如呢個「好帥二蛋機器人」，就可以和機械人對話詢問學業問題。

其實小朋友為咗完成功課真係可以出盡法寶！外國就有小朋友做抄寫功課，就展現佢嘅「創意啦」！呢位小朋友要抄寫「I will make better choices」，只見學生抄嘅頭5行都算整齊。

跟住就開始「行捷徑」，將I、l、k、b、t和h呢啲有直線嘅字母由頭寫落尾，網民大讚呢個學生「天資聰敏」！

功課問與家人有關成語 阿仔答案震驚媽媽：「學校到底教咗啲咩」

除咗抄寫功課，一啲發揮創意嘅功課亦可以發揮小朋友嘅創意小宇宙！台灣一名媽媽在Facebook群組貼出囝囝的功課，圖中題目問形容對家人的感覺，囝囝竟回答「家人像空氣一樣」。仔細望真啲，原來阿仔的意思係「家人和空氣一樣重要，所以我要好好珍惜」，不過，把家人形容成「空氣」，讓母親哭笑不得。

而當題目要求寫出兩個和「家人」有關的成語時，兒子第一個答案係「闔家平安」，而另一個竟然寫了「家破人亡」。媽媽表示看後心情相當複雜，又開玩笑稱「是不是該換安親班（類似托兒班）了」

而囝囝充滿童心、天真無邪的答案惹笑一眾網民，有網民留言讚兒子「很可愛」，「好想認識這鬼靈精怪的孩子」，又話「寫的很好啊！作業上又沒有限制要怎麼寫、該怎麼寫」。

淘寶包裝致癌及致敏 拆完要即洗手

雖然淘寶無奇不有，不過淘寶包裝致癌及致敏，拆完要即洗手！內地有媒體指，淘寶快遞的包裝袋成分多數是由不明的「回收料」造成，當中包括醫療廢物、化工垃圾，含有二噁英、病毒及細菌等對體有害的物質和感染物，當我們把包裝拆封後，皮膚接觸這些物質會令人體出現敏感及增加致癌的風險，更有可能影響小朋友的發育成長。

在回收物料中：塑化劑、添加劑、甲醛、二噁英及重金屬等物質很常見，而這些有害物質可在我們的生態鏈停留數十年以上，導致我們人類的神經細胞、及下一代受影響。

順豐速運的回應指，他們的包裝袋經嚴格審核及向固定的供應商取貨，包裝袋成分並非採用回收物料。

建議各位親～淘寶時可選擇較有保證的快遞公司，或拆封包裝後馬上洗手！