吳彥祖

【有女萬事足】男神變廿四孝爸爸 吳彥祖型住送囡囡返學

育兒

廣告

出名有型有款嘅吳彥祖(Daniel)一直都畀人一種Mr. Cool感覺,但自從Daniel同太太Lisa S.生咗囡囡吳斐然(Raven)之後,男神就即時變咗做廿四孝爸爸。呢日,有網民就上載一條視頻,見到Daniel送Raven,佢仲一臉情深咁望住囡囡,畫面十分溫馨。

撰文:Kammy|圖片來源:微博、Instagram

男神變廿四孝爸爸

現年44歲嘅吳彥祖(Daniel),一直畀外界稱為「國際級男神」。Daniel於2010年同拍拖8年嘅名模Lisa S.結婚,婚後兩年就生咗Raven,一家三口依家返回Daniel嘅老家美國加州奧克蘭定居,家庭生活非常美滿!

吳彥祖護送「前世情人」返學

近日,就有網民上載一條短片,喺奧克蘭市野生捕獲經典男神吳彥祖送囡囡返學校,仲留言:「朋友送小孩上幼兒園偶遇男神吳彥祖,原來男神住OAKLAND市,離男神這麼近。」

片段中Daniel頭戴棒球帽,身穿黑灰色運動外套,企喺幼稚園門口,而囡囡Raven就着住件短袖衫跑入門口,非常活潑!Daniel雖然喺囡囡身後蹺埋雙手,但就一直一臉情深咁望住囡囡,對眼從未離開過囡囡,仲用溫柔語氣同Raven講嘢,畫面十分溫馨。

唔經唔覺Raven已經5歲,一眾網民一讚佢樣子甜美,愈大愈靚,真係遺傳到父母嘅優良基因。網民仲好羨慕可以見到Daniel,更話「男神看女兒一臉寵溺」、「男神就是男神,送女兒上學都特別帥」。

吳彥祖罕有晒囡囡正面照 5歲就識睇經濟雜誌!?

吳彥祖早前在社交網上罕有哋晒出囡囡吳斐然的近照,相中Raven自己一個坐在後排的兒童座椅上專心看著時政雜誌。偷拍女兒的吳彥祖笑言,5歲的女兒最近關注中美貿易戰,是因為擔心影響心愛玩具的售價。

She’s worried about these trade embargoes affecting the price of L.O.L. Surprise dolls and Shopkins.

其實Raven剛出生時,吳彥祖同太太Lisa S.仍會不時曬出女兒萌萌的溫馨照片,但隨著孩子長大,為了保護女兒,夫妻倆也逐漸減少在社交網曬B的舉動。這次吳彥祖罕見PO出Raven正面照,網友除了感到驚喜外,也忍不住大讚「年紀細細就關心經濟」、「大個女,開始擔心買唔起玩具」、「長大一定似爸爸係學霸」。

Lisa S.與吳彥祖 美國愛爾蘭兩邊走

Lisa S.和吳彥祖一家三口返回Daniel的老家美國加州奧克蘭定居,Daniel的父母亦在當地,現因他的拍攝工作關係暫居愛爾蘭首都都柏林。Lisa很享受一家三口在當地低調生活,還有馬兒的陪伴,因策騎是她的最大嗜好。早前在接受本刊訪問時,Lisa就表示「我在加州和愛爾蘭都是每日騎馬,而且無人識我,出街不用化妝打扮,與香港的生活截然不同。我在加州會參加馬術比賽,目標想奪冠軍!」

同囡囡一齊做運動,愛女心切嘅Daniel視線一直離唔開囡囡。

吳彥祖絕不是Mr. Cool

Daniel近年常在中、美、愛爾蘭三邊走,試過有兩個月在中國拍攝真人騷,接著在愛爾蘭拍攝多兩個月,非常掛念在美國的妻女!Lisa覺得作為太太最重要連繫好一家人的感情,而且小朋友需要從爸爸身上學習,尤其女兒會從爸爸學習男女關係。

出名有型有款的Daniel,予人Mr. Cool感覺,Lisa為老公澄清,他實際是非常熱情和謙遜,是他見過最搞笑的人之一。「他對朋友非常開放,喜歡高聲說話。但面對不熟悉的人,他顯得較怕醜,而且他不喜歡談及自己,因他從不覺得自己特別出色,所以他每次上台成為焦點仍感到不習慣,令外界誤會他為人冷漠。」

女兒樣子似爸爸 性格似媽媽

Lisa形容他們兩夫妻的性格一凹一凸,彼此互補不足,「他平衡了我,我亦令他的生活變得有趣。我們的性格相反,亦因此夾得來,他很努力工作,態度專業、專注;我就比較瘋狂、傻氣及健談。」Lisa覺得女兒Raven性格比較似她,樣子則像爸爸多一點。「她個性親切、開朗,可以和任何人說話,好容易結交朋友,還有她個人好有態度,這點最似我!」Lisa笑稱不介意囡囡個樣似Daniel,「我喜歡他的樣子才嫁給他呢!她有著我們的結合,所以她長得好看!」

Lisa又形容自己是一名辣媽,相反Daniel對著女兒卻融化成一攤水,「個女對他說甚麼,他就全身軟了。」Lisa指Raven的「小辣椒」性格似足她,但她不是做Model的材料,對鏡頭興趣不大,喜歡我行我素,不喜歡聽指令。