鴨脷洲

鴨脷洲美食一日遊 小店美食感受舊香港仔情懷

親子好去處

廣告

香港有港九十八區,有不少特色景點值得去!不過,就較少人走到鴨脷洲那邊,記得鴨脷洲準備通車前,我才第一次乘旅遊巴士走到鴨脷洲,之後通車後,交通當然更方便…早前,我們由香港仔坐街渡找流叔食艇粉…之後我們還繼續漫遊鴨脷洲呀!

撰文、圖:大仁生活|編輯:Sunday Kiss

鴨脷洲一日遊

第一站:陳新記

第一站就是走到市政大樓,穿過街市在一樓熟食市場,找陳新記食魚皮。

不過,招牌老闆九棍魚皮,今日無緣相遇,唯有吃住來貨的普通魚皮吧! (下次一定要預約供不應求的獨門魚皮先得)

 

不過,他們的炸雲吞又蝦又豬肉,Erie:「平時食開啲炸雲吞點會有咁足料㗎…依度真係正喎!」(足料係因為老闆娘親手每日包㗎)

這裡的炸魚片頭也很彈牙,很有魚味…不過,最吸引我們的就是甜食,一口西多。

我:「SY 你知唔知一口西多一定要一口食晒㗎? 你細細啖太私文唔得㗎」(SY:我個口太細呀!)於是,Erie 及 Raymond也跟我齊齊一口一塊西多,外層脆岳岳,一咬口腔即充滿煉奶花生醬,超滿足。

 

延伸閱讀:【室內放電】香港仔 | 冒險樂園「彈跳迷宮」

第二站:友和士多

離開市政大樓,我們便走到鴨利洲大街,尋找地膽推介我定必一定要食的友和傳統糕點…

我問地膽Jenny :「會唔會好難搵呢?」;Jenny :「鴨利洲得一條街點會難搵,更何況全條街堆滿人嗰間就一定係…你實搵到嘅」

結果,真的全條街最多人塞在門口的就是我們的目的地….

我們買了糕點4大類,分別是最晶瑩剔透的大菜糕、桂花糕、SY最愛砵仔糕、及地膽推介我必食的西米糍。

我:「你哋個大菜糕,桂花糕真係好靚喎」;阿:「唔係太甜…好啱我」; Erie:「我件糕真係好滑呀!」

我:「我件西米糍彈彈彈咁好好食, 糯米軟軟唔會黏住晒真係正,$5真係抵,等我去Encore先」PS:聞説2019年所有糕點加了一元

延伸閱讀:鴨脷洲人情味導賞團 傳統茶餐廳食彈牙魚肉下午茶

第三站金龍茶餐廳

第三站是我們即場發現的金龍茶餐廳,原因是我們離開友和向前行了數十步後,發現有姐姐在拉腸粉…我即時被即拉腸粉吸引入內。

 

這裡還有我最愛吃的豬潤腸…不懂吃的SY:「我想食我平時早餐食嘅白色,無餡腸粉…」

Erie:「吓? 豬潤腸$19,你做齋腸只係平一蚊咋喎…乜你咁齋嘅?」

所以說這位小朋友不懂吃,不是說齋腸不好吃,但滑滑即拉腸都有餡才夠配合, 又不是病,無端端吃即拉齋腸,簡直浪費了。

Erie:「熱辣辣,豬潤又爽,加埋啲蔥花,真係好食…」(吓? 我忍唔住啦,我唔影啦,我要食呀!)

步行至香港仔

吃飽後,我們便嘗試由鴨脷洲步行返回香港仔…原來, 一點也不遠,又不困難,只要走到利東地鐵站,乘電梯至頂層(U3),這便是A2出。

出口轉左沿路一直行,便慢慢步入大馬路直上,便是鴨脷洲大橋。

由MTR漫步大約15分鐘便到逹大橋中央,大家可以一望無際的俯瞰整個香港仔及鴨脷洲…我:「唔怪得知地膽Jenny話呢度睇日落一流享受啦」

完全過橋返回香港仔也只不過合共用了20分鐘時間(約)…輕輕鬆鬆我們又完成了今日的任務~Yeah!! 爽呀!!

 

陳新記

電話: 25551862

地址: 鴨脷洲鴨利洲大街鴨利洲市政大廈1樓

時間: 星期一至日 (07:00 – 17:00)

 

友和士多

地址: 鴨脷洲鴨脷洲大街110號前舖

時間: 9am-7pm

 

金龍餐廳

電話: 25537363

地址: 鴨脷洲鴨脷洲大街124-126號

時間: 下午2時至凌晨12時