吳雨霏8個月大B仔首次曝光 兩公婆親自湊金叵羅

吳雨霏8個月大B仔首次曝光 兩公婆親自湊金叵羅

經歷過小產的 Kary 吳雨霏,去年6月誕下兒子 Asher,即變成緊張媽媽,遲遲未願復 工,要親力親為照顧金叵羅。日前她與老公洪立熙(Brian)帶囝囝閒逛銅鑼灣,8個月大的 Asher 終於首曝光,眼大大頭仔圓碌碌,盡得父母真傳!

撰文:東方新地|圖片:東方新地、吳雨霏ig

吳雨霏產後家庭第一

由Cookies的少女到現在的人母,Kary吳雨霏成熟了不少,產後已8個月長期餵人奶迅速回復纖瘦身段,已習慣全職湊仔的生活,更有意煞停演藝事業,除了演唱會無了期押後、出埠工作亦耍手擰頭,實行家庭第一,事業第二 。

2015年,吳雨霏(Kary)同老公洪立熙(Brian)終於在意大利舉行浪漫草原婚禮!

據知情者透露:「吳雨霏依家有仔萬事足 , 公司同佢傾叫佢開埋之前欠落嘅幾場內地巡演,佢話暫時唔開住,因為仲餵緊人奶好困身,唔方便離開個仔咁耐,總之出埠過夜就一定唔接。」

知情者續指:「長時間嘅都要諗諗,所以產後佢只係出席吓活動,影吓時裝硬照,其他稍為辛苦嘅工作都推晒,佢只係想全天候都黐實個仔,老公話同佢去旅行鬆吓佢都堅持要帶埋囝囝去,而且仲緊張大師上身,凡係關於個仔嘅起居飲食,佢都絕對唔會假手於人。」

減產做全職媽咪的吳雨霏,一直堅持餵母 乳讓 BB健康成長,她曾貼出在候機室餵母乳照片,用行動支持餵母乳!

早前吳雨霏一家三口去澳洲旅行,在當地入住5星級酒店時卻發生不快事,令吳雨霏忍不住在社交網發文炮轟,力數酒店多宗罪。吳雨霏指酒店房間清潔情況差、最錯是把囝囝衣服攤在地上非常不衞生,當她要求服務時竟然半 小時才有工作人員前來收拾。

吳雨霏話佢哋間房囝囝啲衫攤晒喺地,紙巾鋪晒喺枱,拖鞋就四散!
就連包裹簽收上都出現問題。

拒讓囝囝出鏡

出名脾氣好的吳雨霏,產後已變成緊張媽媽,只 要影響到囝囝都會觸動她的神經,而在整個旅程中,吳雨霏貫徹不讓囝囝曝光的宗旨,所有抱住Asher 的合照都是大背面與大側身。

吳雨霏對兒子非常保護,在 IG Po 相都會遮遮掩掩,未有讓兒子全相曝光。

同 Sammi同為虔誠基督徒,因信 仰成好友,早前 Kary抱埋囝囝同好友飯敍。
不時約 Cookies好姊妹Gathering ,不過放相時,囝囝都係唔見樣。

B仔首次曝光

日前本刊記者終於一睹吳雨霏囝囝風釆,當日吳雨霏一家三口在銅鑼灣鬧市現身,囝囝全程坐在BB車上做大爺,素顏戴上口罩的吳雨霏與老公輕鬆行街,得閒望吓囝囝幸福笑,Asher眼大鼻頭有肉似媽咪,但嘴仔又似爸爸,非常可愛。

8個月大的Asher,遺傳咗媽 咪的大眼睛,加上頭仔圓圓皮膚白裡透紅,超級可愛!
8個月大的Asher,遺傳咗媽咪的大眼睛,加上頭仔圓圓皮膚白裡透紅,超級可愛!

怕囝囝著涼,吳雨霏幫Asher戴上冷帽又著上羽 絨,買完麵包臨起行前,還緊張摸吓囝仔面頰,絕對係廿四孝好媽咪。

陪爹哋媽咪出巡的Asher,眼仔碌碌對四周事物非常好奇!
緊張媽媽

兩公婆專登行去買新鮮出爐的菠蘿包,吳雨霏排隊等買麵包,在旁邊的Brian就不停逗囝囝玩,父愛爆棚的他,見到得意囝囝完全忘我!

早前吳雨霏 在社交網留言解釋為何去邊都要帶住囝囝:「他提醒我們放慢腳步,我們要打破常規,記住真正重要的事情。我們不僅僅是為了建立他們的記憶,而是為了建立他們的心靈。」完全感受到吳雨霏 對兒子的愛有多深。

更多精選內容