【親子好去處】葵涌區食玩放電一日遊

【親子好去處】葵涌區食玩放電一日遊

相信每個家長都會遇到一個問題,喺香港區區都多嘢玩,但有時都唔知帶小朋友去邊好。近年葵青區成最新嘅親子好去處,除咗裝修過後嘅葵芳新都會,葵興站亦有好多放電好去處開幕,識得玩其實好多嘢玩!今次編輯為大家精選葵涌區食玩放電一日遊!

撰文:Kamen、Kammy | 攝影:Issac、Q | Model:Phoenix、子軒、子雅

葵涌區食玩放電一日遊

第一站:免費室外歷奇公園

葵涌區最出名嘅公園莫過於葵芳新都會廣場嘅歷奇公園!歷奇公園位於商場L5、佔地面積逾萬平方呎嘅戶外空間,公園入面提供多款多元化遊樂設施。雖然公園於去年8月已經正式對外開放,但採訪當日係平日嘅早上,人流都唔少,對小朋友嚟講新鮮感依然好高,小朋友一入到去就盡情放電啦!

葵涌區食玩放電一日遊

園入面嘅遊樂設施都以巨型蔬菜藝術雕塑作設計,好似青椒、南瓜、茄子等,顏色色彩鮮艷,非常吸睛,一定吸引到好多小朋友衝到去玩啦!

葵涌區食玩放電一日遊
園入面嘅遊樂設施都以巨型蔬菜藝術雕塑作設計,非常吸睛

園內有5條多樣化嘅滑梯,有直式同滾筒等款式,條條都高矮唔同,加上有一條高達3.5米嘅滑梯筒,小朋友喺上面滑落嚟一定好衝力十足,非常刺激!

更多精選內容