【幾時到你生?】父愛出晒嚟!黃子華抱B露出一臉慈父樣

【幾時到你生?】父愛出晒嚟!黃子華抱B露出一臉慈父樣

黃子華自從上年完成最後一場棟篤笑之後,就已經好少公開露面。不過,近日佢就已經重出江湖。子華最近上載咗一條湊仔短片,片中子華一手抱住BB,仲抱到好熟手咁,成個慈父樣出晒嚟!餵奶嘅時候,子華一知道支奶溫度唔啱BB飲,即刻叫人再沖過添,真係成個爸爸咁呀!

撰文:Sunday Kiss|圖片來源:Instagram、Facebook

黃子華慈父上身

現年58歲嘅黃子華一向感情生活低調,不過近日佢就忽然變咗湊仔公,仲抱住個BB一齊上鏡!片中,子華好熟手咁抱住個BB,仲變晒聲氹個BB食奶嘴,望住BB個時仲流露出一臉慈父樣,Sweet到爆呀!

黃子華
黃子華抱B嘅時候不停甜笑,Sweet到呢

不過,眼利嘅網民見到子華身後嘅相就一定問「點解會有蘇永康同佢囝囝Jazz嘅?」其實子華係幫蘇永康拍緊演唱會宣傳短片,子華抱住嘅BB其實都係假㗎!條片喺由子華自編自導自演,片名仲以「契爺的禮物」嚟上載到Faebook,真係出心出力呀!

黃子華
子華一知道支奶溫度唔啱BB飲,即刻叫人再沖過添
黃子華
子華喺片入面親自幫BB「試奶」嘅溫度,超搞笑

問到點解會幫蘇永康拍宣傳片,子華就笑住話:「因為佢(蘇永康) 買咗間樓畀我,講明我一直可以住,住到第日個仔大再畀返佢!講真我哋真係好朋友,十幾年前喺橫店一齊開工拍戲,日對夜對,我到依家都仲記得有晚係中秋節,大好佳節得我同佢兩個人孤單度過,兩個人坐喺架黃包車上面賞月傾偈,嗰一刻我已經覺得我哋兩個應該喺埋一齊㗎啦!但係我唔能夠,所以依家咪當咗佢個仔係我個仔囉!」

黃子華
子華同蘇永康其實真係好老友㗎!

子華喺片入面同現實一樣飾演契爺角色,蘇永康話子華十分錫囝囝Jazz,上契時送上富格林金幣,平日又成日送好多玩具,仲話只有子華抱Jazz先唔喊。另外,蘇永康話子華會喺佢演唱會期間代佢湊仔,問到蘇永康會唔會唔放心,佢就直言:「放心,我驚我個仔玩謝個契爺多啲。」

黃子華送金幣與「蘇康子」上契

蘇永康同太太Anita於2017年誕下囝囝蘇展弘(Jazz)。因拍劇而跟蘇永康結緣的子華神黃子華,一到訪蘇永康家中,為的當然是探下老友個仔Jazz啦! 黃子華愛心爆棚一副慈父樣,更備厚禮,與Baby Jazz上契,sweet到漏!

18192523_10155422044505209_9088164801026545882_o

蘇永康早前喜獲麟兒,昨日在社交網大晒好友 黃子華 探Baby Jazz的溫馨片段,片中見到 子華 慈父相盡現,情深款款望實Jazz,就如自己親生子一樣,子華一邊抱一邊微微笑謂:「見到啲BB要好忍住唔好啜埋去。」語畢便哄到Jazz面仔扮錫錫,相信子華神如果有子女定必幸福無比。

18193835_10155422044020209_5874878183356114811_n

子華 與Baby Jazz上契,榮升契爺,子華除了送上一套衫仔作賀禮,更大手筆送上「富格林金幣」一枚。連蘇永康亦寫道:「乜契爺咁重手?連我都未見過富格林金幣…」可見子華對契仔的厚愛。

18192280_10155422044490209_7259978694193569921_o

18156648_10155422044555209_9136947870532365313_o

黃子華 一抱Jazz就唔喊

當年Jazz百日宴,蘇永康則指契爺黃子華在百日宴上,擔當了非常重要的角色。只要Jazz一喊,就會抱佢去子華度,當子華一抱起Jazz,Jazz就立即唔喊。仲話在場任何人都唔得,包括自己。睇嚟真係得契爺先搞得掂Jazz!眼見此狀,蘇永康都忍唔住話好懷疑子華係咪每星期去一次母親的抉擇幫手,非常搞笑。

黃子華:我兼職係做陪月

對於蘇永康指黃子華一抱Jazz,Jazz就唔喊。子華自己都話實情真係咁,仲話因為自己嘅兼職係陪月。他指:「近來冇咩做,就係做陪月!」送咗揹帶嘅子華就話,因為Jazz大得好快,依家已經有成16磅,單手,甚至雙手抱住佢,都會好攰,所以就決定送揹帶,夠晒實用。當問到依位契爺會唔會想生返個嘅時候,佢就話見到Jazz已經好開心,亦都好渴望可以得閒上去湊吓Jazz。相信爸爸蘇永康一定非常歡迎!

帶囝囝支持契爺

早年黃子華繼續在紅館演出棟篤笑,蘇永康更拉大隊,一家三口一齊捧場,不過由於子華個騷講明兒童不宜,所以子華連契仔Jazz都冇得傾,Jazz唯有早點入紅館跟契爺打氣。蘇永康更留言:

因為個Show 講到明‘兒童不宜’所以契仔都無得傾. 唯有早啲到紅館契爺化妝整頭時Jazz 可以週圍玩!一開Show 守規矩地立即上車回家!ps:老友第十場你仍然狀態大勇!堅佩服👍👍

契仔Jazz請子華食檸檬

蘇永康早前在Instagram上公開黃子華同囝囝Jazz玩樂的影片,片中見子華以玩具引Jazz玩,更指玩具上的綠燈像恐怖片打燈一樣,令在場的蘇永康大笑起來。雖然如此,主角Jazz卻沒給予反應,正在「扭眼瞓」的Jazz連「子華神」都冇面畀!

子華以玩具引Jazz玩,更指玩具上的綠燈像恐怖片打燈一樣
子華神契爺都無符

黃子華同Jazz上契「緣」於友誼

黃子華 獲蘇永康邀請,當Jazz的契爺。子華跟蘇康早年因在內地合作拍電視劇(《棟篤狀王》)而結緣,自此成為老友,蘇永康接受報章訪問時解說,指與子華係「人夾人緣」,他亦從未將與子華的友誼「擺上枱」,有時跟對方食飯,知道子華不喜歡曝光率太高,都會尋找一些較穩密的地方,而蘇康大讚子華是「交得過又關心人的朋友」。

dfeo6ulu

《棟篤狀王》劇照
《棟篤狀王》劇照

關鍵詞
黃子華

更多精選內容