【澳門親子遊】澳門輕鬆一日遊 小車迷必到兒童電動車場

【澳門親子遊】澳門輕鬆一日遊 小車迷必到兒童電動車場

上星期我地又去澳門,不過今次真係hea遊,因為陰陰天的關係,原本想去滑草,睇大熊貓館,但原來係星期一休館。所以主要都係食,食,食,同埋飲。唔緊要啦,其他的下次好天再去啦,聽到幾個朋友話去澳門好悶,點解會同小朋友去澳門!? 其實真係唔係呀,澳門有我喜歡的朋友,而且只要一家人在一起去什麼地方都是快樂的,做什麼於我倒是沒什麼所謂。

撰文:荔枝孖媽|編輯:KM

澳門親子遊 小車迷必到兒童電動車場

澳門親子遊
講返今次我地唯一去了嘅親子遊玩地方,就係燒灰爐兒童公園,聽講佢係澳門係非常之受歡迎的兒童遊樂場之一,公園除咗有戶外遊樂場的遊戲設施外,亦設有兒童電動車場,適合3至6歲兒童。
澳門親子遊

兩個去到都仲未知有正野玩,因為當日係星期一基本上都唔算人多,到我地去問工作的姐姐,比錢姐姐拎D電動車出來,佢地先知有好野玩,之後好心急想坐上去呢。
澳門親子遊
澳門親子遊

園內設計好像真實街道地上的線條,而且仲有紅綠燈,不過唔知係唔係壞咗要維修保養呢。
澳門親子遊
當日就唔見佢有開,不過本身都已經好好玩,2個都玩得好開心,每節15Mins,都只係MOP$5,兩兄弟玩咗30Mins都唔想走呢……最後職員比佢地玩多2個圈,玩完兩個仲話下次又要來澳門玩車……哈哈~
澳門親子遊

澳門親子遊
澳門親子遊

地點:燒灰爐兒童公園

地址:澳門半島公園街12號

開放時間:燒灰爐兒童公園 – 6am – 11pm

兒童電動車場 – 8am – 8 am

入場費:燒灰爐兒童公園 – 免費

兒童電動車場 – 每15 mins MOP $5

我地玩完電動車,就走咗上主教山睇風景,之後行返落去澳門西望洋山北面的廣場嘅亞婆井前地,經過嘅亞婆井斜巷,真係隨便拍都好有味道,跟住行埋去鄭家大屋睇下,欣賞下古老嶺南風格建築大宅院。


之後慢慢遊走,一路行一路隨意食下唔到嘅地道美食,行返去議事亭前地,沿路有好多歐式建築,用來取境真係一流。



話明今次係hea遊,好多時間都係留係酒店,不過唔係去遊戲室玩,而係飲飲食食,check in個時,職員叫我地join呢個MOP $600的package,包2位大人自助早餐Buffet (6:30-10:30am),而2兄弟未夠6歲所以自助早餐都係免費嘅,個package仲包埋2位成人Happy Hour任飲的 (5:30-8:00pm),另外仲有2位成人的 High Tea set (2:30-5:00pm),都係啦兩位小朋友未夠6歲Happy Hour都係任飲嘅,佢地發達,飲咗好多西瓜汁…LOL。

而Tea Set就係fix嘅,無得加,不過佢會提供水比小朋友飲,但係2個到第日的tea time都太累,zZZz。

返到香港收到月結單,呢個package就為返港幣HK$671左右,不過都算抵,因為酒店的自助早餐食物真係唔錯,而且好多野揀。




當然如果你係飲得之人,任飲嘅Happy Hour就梗係抵啦,佢有哂Cocktail 同Mocktail,啤酒,連列酒都有。我當然係飲小小Cocktail,加Mocktail,同埋飲下茶啦,輕輕鬆鬆一家人坐底休息下,hea下。而且好像7-8pm係有live band的,感覺都唔錯架~


如果大家都係比較喜愛親近大自然嘅,唔想困係一個又一個的遊戲室內,不妨睇下澳門自然網,入面有好多唔同的活動介紹的呀~https://nature.iam.gov.mo/c/default

我和孖寶的Facebook Page:荔枝與孖寶

我和孖寶的 Instagram IG#:laichimama

If there is any question or you looking for me and the boys, please feel free to contact LaiChiMaMa via Email:[email protected]

更多精選內容