【親子好去處】西環爆旋陀螺限定店+陀螺對戰

【親子好去處】西環爆旋陀螺限定店+陀螺對戰

雖然SY已經迷上了夾公仔這個「新屎坑」,但他對爆旋陀螺依然又有愛又有責任,所以當一聽到又港島區有商場做爆旋陀螺,即時問我:「有咩限定版陀螺買呀?!」

撰文、圖:大仁生活|編輯:Sunday Kiss

港島區爆旋陀螺限定店

我對陀螺只是被迫訓練出來,幾十萬個不同型號,名稱我又怎記得到,我:「我都唔知喎…你同我一齊去,你自己睇吓應該會好D囉」

爆旋陀螺
從前去西寶城要坐一個多小時巴士,現在過來只是30分鐘地鐵,真的方便了不少…一走入場便有兩隻大陀螺歡迎我們。
爆旋陀螺

我:「我記得..黑色呢隻你上星期啱啱買咗…叫火‧鳳‧凰吖麻」; SY:「錯!! 係死亡鳳凰呀!」

爆旋陀螺

其實,小朋友又怎會對陀螺擺設有興趣呢?他一影完已9秒9衝了去Pop-Up-Store Shopping。

爆旋陀螺

超興奮的SY:「銀翼呀!銀翼版重生鳯凰… 爸爸!銀翼呀!(點解你咁興奮?) 梗係啦,限定版嚟㗎,仲要係只賣$74~Yeah!! 」

爆旋陀螺

SY一邊望一邊念念有詞:「如果有埋黑翼,金翼就好啦…(又係玩轉顏色就賣貴好多嗰D橋…日本人真係識做生意)」

爆旋陀螺

SY繼續說:「 金翼無得買㗎,係抽獎㗎,我見有人賣要一萬蚊㗎」(嘩!! 畀我不如買超合金仲好)

爆旋陀螺

SY:「我想買埋呢個金色LR Shooter呀! (你好似有個紅色,有個藍色喎),咁金色E度平呀! $59,一定要買,我無金色呀!」

爆旋陀螺

口水不停流的小朋友…又雀躍繼續講:「我本來唔想買鳳凰色手柄 ($49),但如果買咗金LR Shooter,無理由唔買,爸爸,你覺唔覺得襯埋一對,好靚,好襯呀?」(我唔覺得喎,咪同仔屋企嗰D一樣,唔同色之麻)

爆旋陀螺

爆旋陀螺

現場還有青逆白龍同樣又被SY帶回家,SY:「真係好平,哈哈!! 今日真係好開心!」

爆旋陀螺

SY:「不如我哋即刻Shoot囉」; 我:「但我要用銀翼㗎…」(在SY不太情願的情況下…)

爆旋陀螺

銀翼果然是限定版,不負眾望…不但戰勝青逆白龍,更連它的孖生兄弟不死烏一樣不敵銀翼…我:「哈哈!! 連贏兩舖~Yes…」(SY:梗係啦…限定版吖麻,爸爸,你係咪覺得好值得買呢?)我不覺得囉:)

爆旋陀螺

爆旋陀螺 極限對戰

另外,由3月10日開始,一連五個星期日都有「西寶城‧爆旋陀螺」極限對戰,參加者有機會爭取代表香港出戰韓國《2019年亞洲盃選拔賽》的機會,而且仲有好多獎品添!香港區選拔賽嘅冠軍選手,可以贏到別注版冠軍獎座!

 

用陀螺學STEM知識

商場內更有邀請「iSTEM Ed Association」主席STEM Sir拍片剖析最強陀螺嘅秘密,屆時會向各位小朋友深入淺出各種陀螺配件嘅原理及影響,令小朋友可以透過爆旋陀螺而引發學習興趣。而同場更設有「STEM CORNER」,放有各式各樣嘅陀螺配件供隨意組裝,畀小朋友現場進行測試,學習STEM知識!

「西寶城‧爆旋陀螺」極限對戰

日期:2019年 3月 8日至 4月 28日

時間:上午 10時至晚上 10時

地點:西寶城 UG中庭

《西寶城盃》

日期:2019年4月28日 (星期日)

地點:西寶城 UG 中庭

時間:下午 1 時 30 分至下午 3 時

《亞洲盃香港區選拔賽》

日期:初賽 + 代表戰 2019 年 3 月 10 日至 3 月 31 日 (逢星期日)

決賽:2019 年 4 月 7 日 (星期日)

詳情:報名方法請留意《爆旋陀螺香港比賽聯會》Facebook 專頁;參加者出生日期必須為 2006 年 4 月 8 日至 2013 年 4 月 7 日出生

STEM CORNER

日期:2019 年 3 月 8 日至 4 月 28 日 (逢星期六、日及復活節公眾假期)

時間:下午 3 時至下午 4 時

地點:西寶城 UG 中庭

大仁生活facebook

更多精選內容