復活節2019

【復活節活動2019】 全港3大必玩復活節採蛋活動

親子好去處

廣告

【復活節好去處2019】一年一度嘅復活節又就嚟到啦,相信唔少家長都係到煩惱緊有個咁長嘅假期,可以帶小朋友去邊到放電呢?依家就同大家介紹3大復活節活動,唔只可以去採蛋,仲可以玩大型遊樂設施,啱晒小朋友放足一日電,唔洗擔心佢哋悶親啦!

撰文:Kammy|圖片:新傳媒資料庫、相關機構提供、Facebook

1. 迪士尼復活節嘉年華

香港迪士尼為迎接復活節,推出復活節嘉年華,其中「猜猜誰‧尋尋蛋」活動,有逾100隻迪士尼花蛋遍佈樂園及3間酒店嘅每一個角落,當中有迪士尼•彼思動畫人物、蟻俠同鐵甲奇俠等Marvel超級英雄人物嘅巨型花蛋,部分花蛋更放喺全新地點,大人同小朋友可以逐一發掘!

另外,4月19日至28日期間更舉行嘉年華,只要入住迪士尼酒店,就可以玩盡逾30款戶外遊戲同活動2-6歲嘅小朋友更可玩彈跳城堡、迷你電動車,仲有適合一家大細嘅大型充氣遊戲。

另外,可以參加奇趣工作坊同迪士尼朋友見面。

入住酒店優惠

即日起至 2019年4 月25日,市民可以以港幣$1,999 起獨家預訂「迪士尼復活節」食、住、玩酒店優惠套票,喺2019年4月19日至28日期間入住酒店,就可以玩盡嘉年華內所有遊戲同設施!

「開心齊玩復活節」詳情

日期:2019年4月19日 – 4月28日

時間:中午12時至下午6時

地點:香港迪士尼樂園酒店西翼草坪、迪士尼好萊塢酒店西翼草坪、迪士尼探索家度假酒店小海龜庭園

入場費:酒店住客 – 每位港幣$200(每間房間最多可購買 4 張嘉年華門票)

2. 愉景灣沙灘獵蛋奇兵

「愉景灣沙灘獵蛋奇兵」將於4月19及20日舉行,介乎3至10歲嘅小朋友就可以報名加入成為「獵蛋奇兵」!只要成功獵得復活蛋,就可以到「獵蛋奇獎換領處」出示獵蛋證同獵得嘅復活蛋,換領獎品。如果成功掘到巨蛋,仲有機會獲得特別大獎,禮品總值高達港幣9,000元!此外,每位參加者亦會獲贈歡迎工具包及優異證書乙張。

如何成為獵蛋奇兵

由即日起,經香港愉景灣酒店預訂「復活節住宿套票」,可保證獲得獵蛋活動入場券乙張。

多個戶外遊戲

另外,大會喺愉景廣場同大白灣沙灘設有繽「FUN」天地,包括6個充氣遊戲及多個攤位遊戲,一家大細可以玩到盡啦!

日期:4月19及20日(星期五及六)

時間:上午10時30分至下午6時30分

地點:愉景灣大白灣沙灘及愉景廣場

遊戲:6個充氣遊戲及多個精彩攤位遊戲

費用:僅供佩有識別手帶的獵蛋奇兵免費參與

詳情請到官方網站

特別交通安排及渡輪優惠

獵蛋奇兵專享免費渡輪服務(往愉景灣)
每名參加獵蛋活動的小朋友只須於2019年4月19及20日出示電子獵蛋證,便可免費乘搭由中環3號碼頭或荃灣西海濱碼頭(荃灣西港鐵站D出口)開出的指定班次渡輪往愉景灣參加活動。

同行者半價享用單程渡輪服務(往愉景灣)
經「購票通」登記獵蛋證之參加者將於登記後24小時內收到有關獵蛋證及愉景灣渡輪優惠的確認電郵,確認電郵上會列出一次性優惠編碼,同行者可憑電子版獵蛋證上的指定優惠編碼於3月14至31日登入「購票通」,以半價每張HK$23(大小同價,原價HK$46)購買由中環3號碼頭或荃灣西海濱碼頭(荃灣西港鐵站D出口)往愉景灣之特惠登船證最多3張。該3張特惠登船證必須為同日、同碼頭及同班次,逾時不候。特惠登船證名額有限,先到先得,售完即止。

免費渡輪服務返回市區
所有參加者於報到時將獲取隨「歡迎工具包」附上的「活動資訊小冊子」乙本,小冊子內頁附上四張由愉景灣碼頭往中環3號頭碼或往荃灣西海濱碼頭的渡輪優惠券,憑渡輪優惠券可於「免費交通服務台」免費換領即日指定渡輪班次返回中環或荃灣西。名額有限,先到先得,換完即止。

3. 馬灣復活節採蛋節2019

除咗愉景灣嘅採蛋活動,喺馬灣亦會舉行採蛋節,活動將於4月19及20日舉行,兩日都會有10個採蛋時段,小朋友可以喺時段內掘出唔同彩蛋、巧克力同糖果!

活動期間更設有攤位遊戲,包括臉部繪畫、扭氣球等。完成所有攤位遊戲後,都可獲得印章一個收集所有印章後,更可以換領禮物!另外,入場票持有者均有資格到挪亞方舟陽台及獲得挪亞方舟各個景點門票嘅折扣!

參加方法

每名參加者需付$150,而早鳥優惠則$120,所有一歲或以下兒童免費入場 (必須有已購票成人陪同入場)。早鳥優惠將於3月20日早上10時開售,大家記住留意啦!

日期:4月19及20日(星期五及六)

地點:馬灣東灣泳灘

詳情請到官方網站