【勁可愛！】周汶錡細仔2歲生日 吹蠟燭晒萌樣
廣告
名模周汶錡（Kathy）自從同法籍丈夫Julien Lepeu，誕下兩位可愛囝囝Jacques同Avner，Kathy更不時喺社交網站大晒天倫樂。呢日，周汶錡細仔Avner 2歲生日，Kathy當然有為寶貝大搞生日Party啦！不過，Avner因為唔夠高吹蠟燭，不斷嘗試之時，唔覺意擺咗個萌樣出嚟，唔少網民大讚超可愛！
撰文：Kammy｜圖片來源：Instagram
周汶錡細仔2歲生日 吹蠟燭晒萌樣
今個月20日就係周汶錡細仔Avner嘅2歲生日，Kathy就提前幫囝囝搞生日Party，仲幫Avner搵嚟好多朋友仔出席添！
從相中仲見到壽星仔Avner滿場飛，玩得勁開心！
周汶錡幫囝囝特意訂製咗個恐龍造型嘅生日蛋糕，喺吹蠟燭嘅時候，可能因為Avner唔夠高，所以吹極都吹唔到。不過，Avner都有好努力咁嘗試，期間仲唔覺意露出個萌樣，唔少網民見到都粉粉留言話Avner勁可愛！
