【應付回南天】8大簡易防潮方法

【應付回南天】8大簡易防潮方法

近日天氣回暖兼潮濕,呢種天氣真係好辛苦,個人又攰,啲嘢又好似長期都濕濕哋咁!唔少人都會想盡辦法去防潮,要應付家中潮濕問題,其實一啲都唔難,依家就教大家多個防潮方法去應對回南天啦!

撰文:Sunday Kiss|圖片來源:新傳媒資料庫、Instagram

8大簡易防潮方法

1.用酒精抹牆身

喺回南天嘅時候牆身都特別容易發霉,有時牆身仲會黑得好勁,可解決呢個問題,大家可以試下用乾布把牆身抺乾,再用酒精抺牆就可以解決啦!

防潮

2.蠟燭

點燃蠟燭其實有除潮同除霉嘅作用,佢有助令水氣無法凝結,更可以降低空氣濕度。大家可以試下用蠟燭抺牆壁縫隙,以形成保護膜,有助減低霉菌滋生,如果用有香味嘅蠟燭,更可辟走霉味。

rule of thirds photography of lit candle

3.舊報紙

大家千奇唔好睇少舊報紙嘅作用,報紙其實係天然嘅吸濕好工具!只要放報紙喺衣櫃入面,就可以防止昆蟲走近,亦可以加快晾乾衣服。另外,如果將舊報紙貼喺窗上更可防止霧水結聚!

Business newspaper article

4.粗鹽

粗鹽有助令水氣快啲吸乾,如果再以30-40溫度嘅水去拖地,仲會令地板更乾爽同有效地殺菌。

brown wooden spoon

5.梳打粉

最低成本嘅防潮方法,莫過於用梳打粉,而且係一種較天然嘅清潔方法。如果流衫時加梳打粉入去洗衣機內,有效杜絕霉菌積聚。另外,將白醋加梳打粉混合後倒入排水口或馬桶,都可以防止霉菌滋生!

6.漂白水

潮濕天氣最容易滋生細菌,大家其實可以用1:50嘅稀釋漂白水抺牆身,不但可以清除牆身上嘅霉菌,更可以有效將所有昆蟲殺死。

7.抽濕機

唔少家庭都用抽濕器抽濕,可以抽走屋內嘅濕氣,亦可幫手抽乾衣服。不過,大家記得要留意放置嘅位置、使用時間、清洗方法等,如果唔係就好容影造成短路引致火警!

抽濕機安全

8.防潮珠

大家買嘢嘅時候成日都會見到防潮珠,話明「防潮」咁就緊係對吸濕好有功效啦!雖然防潮珠吸濕能力唔算強,但就勝在夠平同易買到,最適合放入衣櫃或鞋盒內。

防潮小錦囊DIY

吸濕 防潮 的小包包,雖然唔算太貴,但其實日常生活中有好多可以自製吸濕小錦囊的材料!

1. 破舊襪或不織布袋

首先可以把已清潔的舊襪或不織布袋製作小包包待用,只要不穿窿就可以當作小錦囊袋以下材料!

防潮
舊襪除了回收外,也是的好材料。

2. 咖啡渣

咖啡渣其實有好勁嘅乾燥及除味功能!大家可以打去星巴克分店同店員講聲,第二日就可以去店面自取啦!

防潮
能到連鎖咖啡店免費收集咖啡渣。

3. 洗衣粉或梳打粉

洗衣粉除咗洗衫之外,同時可以吸水氣!打開洗衣粉時不時會見到一嚿嚿嘅洗粉出現,其實就係濕氣重所致,但就不影響洗衫!另外,梳打粉同樣亦有吸濕功效,結塊後就不建議再製作食物,但仍可作清潔霉菌之用。

防潮
將洗衣粉或梳打粉變成你的家居必備。

4. 舊茶包

茶包吸濕方面未必有顯著功效,但係吸味除臭方面表現亦唔錯,除鞋臭味一流!

防潮
舊茶包是除臭好幫手。

更多精選內容