【愛回家】沈可欣演活寂寞中女 戲外實為幸福人妻

【愛回家】沈可欣演活寂寞中女 戲外實為幸福人妻

有睇《愛回家之開心速遞》嘅觀眾一定認得劇中接龍集團人事部副經理Rebecca(沈可欣飾),喺最新一集更同暗戀多時嘅鐵面陳(王致狄飾)「感情大躍進」!沈可欣喺劇中飾演寂寞難耐嘅女人,演得出神入化,可能有觀眾更以為佢現實都係咁!但其實沈可欣早前已經同同為藝員嘅楊證樺結婚,婚後更育有2個小朋友,係一個幸福嘅太太同媽媽!

撰文:Kammy|圖片來源:節目截圖、Facebook

沈可欣演活寂寞中女

現年43歲嘅沈可欣係資深綠葉演員,演出劇集無數,近年喺《愛回家之開心速遞》飾演人事部Rebecca最為人熟悉。喺劇中Rebecca一直單戀保安主任鐵面陳,更對對方展開猛烈追求。

沈可欣

最新一集講到Rebecca喺美國返嚟,期間一直同鐵面陳有書信來往,以為對方對自己有意思,仲幻想將來會結婚,點知全部都只係自己心入面嘅諗法。雖然係咁,不過沈可欣喺入面嘅演出就得到唔少網民讚賞,唔少人更希望佢同鐵面陳最終可以開花結果!

不過,心水清嘅觀眾都可能記得,Rebecca其實早前喺劇中已經消失咗段時間,事關早前沈可欣同老公楊證樺再次「造人」成功懷孕,要放產假休息,喺劇中先有呢個去英國受訓嘅安排!

沈可欣
沈可欣演活中女寂寞心

沈可欣

沈可欣
Rebecca仲曾經迷戀過Terry
沈可欣
更試過幻想假公仔係鐵面陳,發夢同對方Kiss!

現實為幸福人妻

同為大台綠葉演員嘅楊證樺同沈可欣2015年結婚,二人一直恩愛,並育有2位小朋友,一家四口十分幸福。其實楊證樺同沈可欣早已認識十多年,但真正走埋一齊就只是近幾年嘅事。

沈可欣

兩人合作拍劇無數,但從來唔過電,直至幾年前timing到,兩人恰巧搬到附近居住,約食飯多見面後終於走埋一齊,對於戀情十分低調,唔少藝員同事更直至佢哋結婚才得悉,仲以為佢哋係拍緊戲添!沈可欣曾表示:「嗰日有其他同事嚟觀禮,即刻將啲相擺上facebook,有同事睇到就問拍緊咩劇?我話係真㗎!之前有人問咪講拍緊拖,冇人問就唔會講囉。」

夫妻檔拍住上

楊證樺同沈可欣喺TVB默默耕耘多年,一直安於自己位置,因為佢哋明白每套劇集都係team work,要有主角、配角同綠葉先可以成就一套劇集,正如每個家庭都會分工合作,每人都有自己崗位。楊證樺笑言大仔係佢嘅是福星,因為自大仔出世後,兩人獲得更多演出機會,甚至一齊做夫妻角色,「監製一諗起要搵人做夫妻,就會諗起我哋。」

Image may contain: 3 people, people smiling

早前無綫劇《踩過界》成為城中熱話,「盲俠大狀」王浩信固然獲得好評,但在其中一單元「疏忽照顧兒童案」中,飾演聾啞夫婦嘅楊證樺同沈可欣獲網民大讚演技出色,大家更信唔到兩人喺現實中亦係夫妻!無論戲份多少,兩人對每個角色都十分認真,經常一邊湊仔一邊刨劇本。

沈可欣

楊證樺沈可欣細仔出世

去年12月10號楊證樺、沈可欣嘅細仔出世啦,佢哋選擇喺公立醫院生BB,佢哋特別出POST鳴謝醫護人員照顧,阿Man細仔重3.27KG,都算係大碼BB,佢又透露有全程陪產同親手剪臍帶,問到會唔會追多個囡囡,佢話未必會,因為怕太太陀B辛苦,而且見到太太生B好痛佢都好心痛,所以暫時兩個都夠曬數。

沈可欣

感恩喜獲第二胎

早前楊證樺喺個人社交網公佈喜訊,表示佢哋一家三口將會增添一個新成員,變成一家四口!佢更留言指感謝上天嘅安排,呢個BB係佢哋嘅第二份禮物。

沈可欣

楊證樺留言後,亦同時Po出一張BB嘅超聲波相,唔少網友知道呢個好消息,都戥佢哋高興,紛紛留言送上祝福!

沈可欣

楊證樺沈可欣曬靚靚孕照

雖然已經係第二胎,但係可欣都係第一次影大肚相。本來陀大仔宏志嗰陣,就已經約好日子影相,點知大仔衝閘,提早出世,所以最後就影唔到,當時可欣都好失望架,仲喺產房喊咗出嚟!

第一胎影唔成,到有咗第二胎,證樺都好體貼咁為老婆圓咁呢個夢,仲同埋大仔一齊影!幾溫馨!

為咗令輯相嘅美感,楊證樺仲即興除埋上身衫陪老婆一齊影!

媽咪話曬都係港姐,靚就一定㗎啦!

媽媽嘅溫柔,完全表現曬出嚟!

呢胎都係仔,不話楊證樺就話一切都係順其自然,冇咩生仔秘方,一直同太太都想生多個,等大仔有個伴。

證樺話,知道老婆上次影唔到輯相好唔開心,今次就待登預早啲影,達成老婆嘅心願。

仲話如果唔使開工,自己都會用手機,日日同老婆影張相,為孕記做紀錄。

因囝囝抽筋暈倒楊證樺有了人生啟悟

佢哋曾喺電視節目中,提及囝囝楊宏志(Eugene)上年突然發燒,睇醫生後久久未退燒,之後楊證樺揸車去醫院途中,囝囝更突然抽筋,然後暈倒、失去知覺。

沈可欣

沈可欣

沈可欣

沈可欣

當時沈可欣已經喊到死去活來,以為囝囝咁就走咗… 幸好十多秒後囝囝有返喊聲,楊證樺個心先定落嚟少少。

沈可欣

沈可欣

沈可欣

人生最深刻一次

去到醫院,囝囝再度失去知覺,醫生馬上為Eugene進行急救,好彩最後平安無事。沈可欣憶述當時有人同佢講「頭先你個仔個嘴變咗紫色」,佢話佢寧願唔知道,嚇死佢哋。佢哋話,依一次係佢哋人生之中最深刻嘅一次。

沈可欣

沈可欣

沈可欣

楊證樺講述當時嘅心情:「去到嗰一刻,我原來所有嘢都可以唔要,我只要個仔。」

沈可欣

沈可欣

沈可欣

楊證樺《BB來了》演「人渣老竇」

大台劇《BB來了》中,楊證樺(Man)飾演嘅「阿成」唔止爛佬兼一度走佬,佢因黎諾懿放片上網而被封佢做「人渣老竇」,最後佢迫到佢被網絡公審,佢又以為徐榮勾引佢老婆楊卓娜,一時衰衝動怒斬徐榮,搞到囝囝爭啲被車撞,而佢自己都因而要入獄,下場都係最慘嘅一個!劇中衰到貼地,但現實生活不知幾幸福!

楊證樺飾演的阿成因為爛賭欠下一身街數,於是楊卓娜孭起頭家幫手還債日以繼夜打工,但阿成反誤以為楊卓娜勾佬畀綠帽佢戴,有晚攞把菜刀要斬要殺!之後仲走埋佬…
不過阿成從雜誌知道阿妙成為有名陪月員,又嚟搵番佢兩母子,又連日跟蹤佢仲知佢同徐榮往來好密,以為老婆同徐榮有路!

因為黎諾懿呢個港爸KOL走火入魔為搵錢而出賣朋友及家人,仲將佢鬧阿成唔識做人老竇嘅短片放上網,結果阿成被封做「人渣老竇」!他之後多次同徐榮起衝突,又跪求同妻子復合不果,兒子龍仔更直指「人渣爸爸,我唔要你做我爸爸,Ben叔叔至係我爸爸,楊證樺大受刺激下刀傷害徐榮,但龍仔跑出馬路時,徐榮為救佢而被車撞到入院。終於被判坐監!

阿成大受刺激下竟以刀傷害致遠,最後致遠為救出馬路的龍仔而被車撞倒送院。

曾當舞蹈員參加新秀入行

太太沈可欣喺2000年底演藝學院畢業入行,而老公楊證樺(Man)原來曾做舞蹈員,1996年喺美國紐約參加「全球華人新秀歌唱大賽」(同屆冠軍為何韻詩),取得當地冠軍後回流香港,冇參加香港舉辦嘅總決賽而直接加入TVB。問到點解唔參賽同何韻詩較量?「我知我輸梗㗎喇,諗諗吓覺得演員條路長啲,咪直接簽TVB藝員約。細個發明星夢先參加歌唱比賽,但歌星好講機遇,有機會當然都想做。」

阿Man既要拍劇,,又要打理餐廳生意,每日收工後都會抽時間陪囝囝落街玩。

阿Man入行前一直做舞蹈員,但有感舞蹈員生涯短暫,做演員卻可以做到老。「Dancer可以跳到幾多歲吖?30幾歲都硬晒啦,就算轉做排舞師都有限,做演員就可以做到80歲,演出範圍亦闊好多,我鍾意做日本人都得呀。」阿Man在默默耕耘下,終憑2010年無綫劇《巾幗梟雄之義海豪情》嘅日本人宮崎隊長,獲金牌監製李添勝及觀眾大讚,即使未必講得出真名 楊證樺 ,觀眾都一定認得宮崎隊長。

今時今日大家仍記得《巾幗梟雄之義海豪情》的宮崎隊長。

4間食肆老闆

楊證樺家庭、事業兩得意,除了演員,他另一身份是餐廳老闆,因為他現已經營4間食肆,好叻!

Image may contain: 9 people, people smiling, people sitting

更多精選內容