復活節活動2019

【復活節活動2019】天水圍酒店抵玩2日1夜 3大戶外放電Games+小童免費自助餐

親子好去處

廣告

【復活節好去處2019】下個月就是復活節,今次節目可以玩得更瘋狂,因為SY已經考完試,可以再無牽掛的大玩特玩。打頭炮節日預演的項目,便是小朋友非常期望的酒店食住玩,SY:「一諗到可以又揸車,同食自助餐就開心啦。爸爸,你幫我提提豬仔叫佢帶大富翁一齊係酒店房玩喎!」

撰文:大仁生活|編輯:Kammy

復活節活動2019 – 天水圍酒店抵玩2日1夜

跟朋友齊齊去天水圍酒店渡周末,實行平玩親子Pre-復活節遊樂團,Yeah!!

在匯合豬仔一家之前,我們當然要先CHECK-IN,走入房間放低行李,休息一回…雖然,由屋企來到天水圍也只是一小時的車程,但不知為何, 一入住酒店,不期然便有很Relax的感覺

阿太:「最鍾意呢度有個昇盤,又有微波爐,唔走入廁所洗生果,煲水,乾淨得多」

今次我們的住的房間,一邊可望到濕地公園,另一邊又見到天水圍公園…不過SY還是對房間的夾萬非常感興趣…SY:「爸爸媽媽,你哋嘅貴重嘢放晒入去,我已經Set好密碼啦」(你咪係我最貴重嘅嘢囉)

SY:「我今晚想浸浴缸呀!上次浸過又可以玩水,好好玩㗎」( 咁叫媽媽擦乾淨個缸先)

SY:「係喎…係喎…爸爸,快啲影啦,我好心急要落去玩啦」

3大戶外放電遊戲

我當然知道你想快快賽車吖…小朋友就是極度期待3大戶外放電Games…每個家庭可以有3張遊戲卷,任你玩那一款放電Game!

「極速傳說~我是小車手」 (每卷玩15mins) 這項有兩款賽車可以揀選,對於比較成熟的小朋友,建議大車速度感一流

頭搖又尾擺 飛翔境界,想不到玩具車的速度也可以如此震撼,可能連SY也未有預計駕駛得如此高速,所以小朋友也進入忘我境界

馳騁賽道又再衝衝衝, 幾乎玩到不想離開,玩完又再想玩… 我:「不如你試一玩其他啦,因為賽限每次5部車,讓一讓其他小朋友玩呀!」

於是,SY跟了豬去「彈跳天地」 (每卷玩15mins),不過SY可能已經對彈床不太感興趣,只見他跟豬仔彈彈跳跳幾下,便轉場玩「巨型充氣滾輪」 (每卷玩10mins) .

SY走入巨輪內,跑了一圈便回到起點大叫:「呢個好攰嘅… 我都係去返揸車,最好玩…」

我當然明白SY心繫賽車,因為他視線幾乎沒有離開過賽道上的車

作人員不停對SY大叫:「白車減速…轉彎要減速…唔好太快呀!」不過,其實試過在賽道飊車的朋友,也知道有時落場後又真的很難自控得到呢! 看到他連頭髮也飛起,也知一定很好玩

最後,玩到由毛毛雨變成絲絲細雨, SY無可奈何的要離開車廂了….SY:「我真係好想繼續玩~好刺激」這真的是小朋友恩物遊戲呢.

復活節甜品工作坊

之後,我們的第二個任務便是變身「復活節小廚神」自己做甜品…

由莎莉蛋糕開始,如何攪碎,再加入Cream Cheese,我們全程跟足Ken師傅的指示.

將蛋糕蓉搓成一個球體,便交給工作人員代為放入雪櫃了

SY:「我哋要開始打雞蛋做餅底,即係個草地啦!」煮食我真的不懂,打蛋,落麵粉,落糖…SY:「其實全部落晒落去就得囉」Ken師傅:「小朋友要將蛋醬打好啲呀! 唔好打到一粒粒呀!」

之後,將蛋漿注入模具中,便由助教姐姐幫忙將蛋糕底放入焗爐

而小朋友便排隊將已雪得涼透的蛋糕波放入心朱古力漿內… SY:「嘩!咁多朱古力,一定好好食」

每位小朋友都忙碌為復活雞裝飾,但不知為何SY要將本來放在草地上的甘大支插了入雞頭…

工作人員說笑的走來對SY說:「你係做復活雞,定還是做對角出嚟呢?」(係囉! 我覺得簡直如同怪獸一樣); SY:「唔係吖! 前面睇 我隻雞仔都好靚呀!」(只限前面睇,千祈唔好側䏲,後睇…因為好核突)

復活雞面世不夠2分鐘,便由阿太及SY放進肚內…SY說:「真係好食喎,媽媽你覺得呢?」(你整出嚟,你媽媽一定話好食啦,唔~點解我無份食嘅呢?)

抵食自助餐

當擔任完地獄廚神後,稍作小休半小時,又到SY最渴望的自助餐時間…

一如以往,SY第一時間只會留意甜品,眼球已被黑森林蛋糕,馬卡龍,雪糕吸引了過去,我:「小朋友…唔該你哋食完鹹先好去食糖品呀」

食自助餐一定要第一時間影影影,因為現在不拍攝,之後食物被清光就不用拍攝…阿太:「我最鍾意食蟹腳, 一定要食….夾埋啲龍蝦先,係海鮮我就鍾意㗎啦~」

啖啖肉的蟹腳,鮮味又彈牙,阿太食到㗳㗳聲,真的很滋味 ( 回本位1: 松葉蟹腳)

同一時間,豬仔爸已經KO了半打生蠔,並說:「美國蠔肉地真係厚啲」

5分鐘左右,豬仔爸及豬仔媽已經吃了各6隻… 我:「你哋兩公婆真係功力深厚!!」

我推介的回本位3: 即烤印度餡餅,現場即點即烤,外層薄餅熱辣辣,內裏又有青瓜,又有牛,又有蝦及雞,好香口,好好食呀!

SY:「辣辣地…辣㗎…」(少少辣先夠醒神,好味道!!)

阿太:「我鍾意飲隔離師傅即煮嘅馬賽海鮮湯呀!我開頭以為係羅宋湯,原來又有蝦,又有龍蝦、多菜,無羅宋湯咁酸…好足料,好飲呀!」

回本位5 : 川歸蝦湯 – 阿太:「隻蝦夠晒入味,又補身,我鍾意」 (如果要我推介,我會力薦「螺頭中湯」,好飲到我添了兩次)

本來阿太對黃金蝦滿懷期望,不過可能期望過高,阿太:「好似唔夠鹹蛋黃味咁…」

回本位6: SY:「爸爸你要食呢個飯,好食呀!」這個是細細盅的黑毛豬意大利飯.

我:「黑毛豬真係好食」; SY:「係呀! 一個盎仔內面,仲有兩粒冬菇,兩舊黑毛豬添」

兩位阿太轉頭手捧一碟非常精美的甜品回來,我:「嘩! 好靚喎,咩嚟㗎?」

豬仔媽:「日式和果子呀! 好靚! 」; 阿太:「幾好食喎,唔會好似日本和果子咁甜,煙煙韌韌,細細粒」回本位7

而每晚有兩輪琴聲會響起,因為工作人員提示大家,火焰朱古力慕絲蛋糕登場啦!

回本位8: 大小朋友簡直當製作火焰蛋糕的過程,如同大廚表演一樣,暗暗的環境,黃黃藍紅的火光,小朋友們都不停「眼甘甘」被吸引著.

我:「曾經食過火焰蛋糕,食到成口火酒,好驚…呢個無火酒之餘,仲要唔太甜,我鍾意食慕絲多過海棉蛋糕多多聲」

阿太:「係喎,朱古力仲要係高濃度,最驚甜爺爺嘅蛋糕,呢個好食,,唔知仲有冇下一輪呢?」(無錯,這一輪一霎那便被派光,要食就要等下一輪了)

玩完一整天,真的累到一個點,不過,只是我一個人累,小朋友們與豬仔爸繼父在房間「大富翁」大作戰, 嘻嘻哈哈。豬仔真的很鍾情大富翁,因為一看到他接觸大富翁雙眼頓時變得炯炯有神,便知道他有多愛了!

阿太們便走了去健身房焗桑拿…而我當然不理她們,我要健康甜睡12小時…

而這裡房間可以一直至中午12時才退房,不要問我, 他們星期日早上除了吃自助早餐外, 還做了甚麼,因為我與周公有個約會…聞說女士們又再去焗桑拿,小朋友們又再大富翁,哎呀! 即是和我未睡之前一模一樣?? Yeah!

嘉湖奇趣復活節 – 家庭繽FUN樂住宿計劃

13-14, 19 – 22/04/2019
凡於4月7日或之前預訂可享85折早鳥優惠 (名額有限,先到先得)
優惠:
‧豪華客房住宿一晚
‧自助早餐2位成人及1位小童
‧神秘復活節小禮物(乙份)
‧復活小雞杯子蛋糕製作班 (一堂)
‧三項復活節户外活動 (我是小車手、巨型充氣滾輪、彈跳天地)
‧免費無線上網
三人同行$1,142 (2019年4月14日 或 22日 入住) (早鳥價: $971)
三人同行$1,362 (2019年4月13日 或 19-21日 入住) (早鳥價: $1,158)

備註:
‧小童價目只適用於3至11歲之小童
‧額外一位小童需另加港幣$300 (已包括自助早餐、神秘小禮物(乙份)、復活小雞製作班及特備户外活動)
‧每間客房最多可額外多加一位小童
‧以上價格已包含10%服務費及適用之政府稅項
訂座:2180 6688
電郵:[email protected]

Website: https://www.harbour-plaza.com/resortcity/SpecialOffer-easterfamilyfunrmpkg2019-tc.htm

Facebook: https://www.facebook.com/HarbourPlazaResortCityHK/

自助晚餐​ (18:30 – 21:30​ )
星期六 成人$508 小童 $350
星期日 成人$488 小童 $330

***小童免費自助晚餐(2位成人正價,1位小童免費)***
***參與住宿計劃可以7折進食自助晚餐***

大仁生活facebook