馬灣復活節採蛋節

【親子好去處】馬灣復活節採蛋節2019

親子好去處

廣告

一年一度嘅復活節又就嚟到啦,相信唔少家長都喺度煩惱緊有個咁長嘅假期,可以帶小朋友去邊度放電呢?依家就同大家介紹喺馬灣舉行嘅復活節活動!馬灣復活節採蛋節,唔只可以去採蛋,仲可以玩攤位遊戲,啱晒小朋友放足一日電,唔使擔心佢哋悶親啦!

撰文:Kammy|圖片:相關機構提供、Facebook

馬灣復活節採蛋節2019

復活節期間,喺馬灣會有採蛋節,活動將於4月19及20日舉行,兩日都會有10個採蛋時段,小朋友可以喺時段內掘出唔同彩蛋,可即場換領朱古力、糖果、餅乾、飲品等豐富禮物,及其他特別大獎!

多個攤位遊戲

活動期間更設有攤位遊戲,包括臉部繪畫、扭氣球等。完成所有攤位遊戲後,都可獲得印章一個,收集所有印章後,更可以換領禮物!另外,入場票持有者,均有資格到挪亞方舟陽台,獲得挪亞方舟各個景點門票嘅折扣!

 

參加方法

每名參加者需付$150,而以八達通購票,則可享優惠價$120,所有一歲或以下兒童免費入場 (必須有已購票成人陪同入場)。大家記住留意啦!

另外,馬灣採蛋節主辦團體會將扣除必要開支後嘅收益,全數撥捐本地慈善機構「希望枝子」,用於支持本港弱勢社群嘅服務,真係好有意義呀!

馬灣復活節採蛋節2019 活動詳情

日期:4月19及20日(星期五及六)

地點:馬灣東灣泳灘

參加辦法:www.mawaneasteregghunt.hk