【趙Sir教室】升中提早「放榜」縱橫談

【趙Sir教室】升中提早「放榜」縱橫談

自從教育局於3月初建議升中「自行分配學位」提早放榜,家長、直資與官津校長紛紛提出意見。有一家長走來和我討論這個等了20年才「爆」出來的改革,他同時意會到「放榜」方式一家會有新的策略,要我一起介紹新的選校策略,以下為我們的討論內容:

撰文:趙榮德|圖片來源:新傳媒資料庫|編輯:Kayla

趙為本人 家為家長

家:趙Sir,點解你用括號把「放榜」兩個字括住?

趙:因為教育局這次是「真通知,假放榜」,所以要把「放榜」兩字加括號。「真通知」,是在3月底,教育局會用電話或書面方式,「通知」正取生家長已被取錄。「假放榜」是因為中學自行分配申請者可以選兩間中學,教育局於3月不會通知申請者被哪一間取錄。

叩門

家:「幫人幫到底,送佛送到西」,為何教育局唔索性於3月講畀申請者兩間中學之中,哪一間收佢?

趙:這是技術問題了!原來好多中學校長,在甄選自行分配學位時,都會用「面試」以及參考「教育局成績次第名單」,但這張「次第名單」卻要用到小六上學期的「呈分試數據」,如果整個程序提前進行,無形中便要強逼小六生返學冇幾耐便要考試,咁樣會增加佢哋嘅壓力,教育局於心不忍,所以唯有「真通知,假放榜」!

【趙Sir教室】升中提早「放榜」縱橫談

家:明白,教育局似乎用心良苦。不過3月「放榜」都好過7月放,至少,政府慳返15,000張紙,唔係咩?每年有5萬多人申請中一,三成參加自行分配,即係用咗15,000張紙未申請,這制度行了20年,共用咗30萬張紙,而家3月放榜,無形中慳咗好多紙,砍少咗好多棵樹,有利環保!

趙:除咗慳紙,於3月自行分配「放榜」仲幫家長慳咗讀直資嘅學費,對嗎?

家:對,喺7月放榜時,我哋家長見到個仔有直資收,就一家註冊兼畀學費,原因係直資大部分於3月放榜,而官津7月才放,無論個仔幾叻,都唔夠膽喺3月唔註冊交幾千蚊學費,因冇人知道7月間官津收唔收個仔。其實我哋做家長嘅好無奈,明知個叻仔可以讀到喇沙、皇仁、聖若瑟,但3月Level差少少嘅直資話收個仔,我點敢唔「奉上學費」。

【趙Sir教室】升中提早「放榜」縱橫談

但係一報咗直資,就與喇沙、皇仁、聖若瑟緣盡了,趙Sir,呢個提早「放榜」我哋唔使任人魚肉,是否可用新嘅選校策略。

趙:可以,以前有啲家長將最心儀中學放第一選擇,次心儀放第二選擇,把希望寄託於自行分配。而家提早放榜就最好放棄次心儀,一係就第一同第二個選擇都揀最心儀,一係就只揀一間最心儀,放棄第二選擇。

咁樣當3月接到教育局通知話個仔或女考到,你就知道被派那間一定係最好,而喺3月直資放榜時,你就可以將直資那間同你心儀那間官津作比較,如果官津那間好啲嘅,就放棄報直資。咁樣做一來慳返好多錢,二來真正幫到子女搵間啱佢讀嘅中學,三來唔使心大心細,唔知7月放榜那間中學,係最心儀還是次心儀也。

【趙Sir教室】升中提早「放榜」縱橫談

家:一早揀最心儀就唔使咁多焦慮,驚幫個仔揀錯學校,就算3月接唔到通知,都可以去直資註冊,多謝趙Sir介紹呢個新策略!

趙:不用客氣!策略不用多,最緊要實用!

趙榮德

趙榮德
前喇沙書院副校長,現任社工註冊部紀律委員會會員,香港輔導教師協會榮譽顧問。曾任教育局家庭與學校事宜委員會副主席,熟識香港教育及香港升學制度,同時為香港大學專業進修學院之客席講師,亦為升學指南作家,現有著作多達廿二本。

更多精選內容