潘姿善

《鐵探》晴晴似足「媽咪」王君馨 童星潘姿善超搶鏡!

娛樂

廣告

近期有睇開電視嘅,一定有留意劇集《鐵探》!《鐵探》呢套劇喺開拍嘅時候就已經備受矚目,劇中有一班演技出眾嘅藝人坐鎮,包括三屆金像影后惠英紅、金像獎「最佳男配角」姜皓文等,加上強勁嘅製作班底就已經好有追看性。不過,其實劇中飾演袁偉豪同王君馨嘅囡囡尚晴(潘姿善飾)都十分搶鏡,演技同樣出眾!

撰文:Kammy|圖片來源:Instagram,Facebook,節目截圖

《鐵探》童星潘姿善超搶鏡

《鐵探》不論係開拍時定拍映中都極具話題性,正當大家都喺度欣賞惠英紅、袁偉豪等人嘅演技時,唔知你哋有冇留意到劇中飾演王君馨(飾楊曉怡)同袁偉豪(飾尚垶)嘅囡囡尚晴呢?

尚晴一角由童星潘姿善(Vincci)飾演。Vincci現年6歲,佢眼大大,笑起上嚟仲好甜好可愛,有唔少人都讚Vincci同劇中嘅媽咪王君馨好似樣,仲大讚選角相當用心!

除咗同王君馨似之外,作為「小演員」嘅Vincci,佢嘅演技絕對唔會輸畀一眾好戲之人,其中一幕講Vincci畀歹徒脅持後驚到瀨尿,但都依然喺媽媽面前扮作鎮定,做得非常自然。

Vincci演技咁自然,事關佢一早已經有唔少嘅演出經驗,包括電視廣告、歌曲MV拍攝等。

從怕羞妹到自信演出

喺熒幕上會見到Vincci活潑可愛嘅一面,但其實佢本身性格內向,係個「怕羞妹」嚟,一度好怕面對陌生人,甚至連同親戚朋友接觸都抗拒。Vincci媽媽試過用唔同方法去令囡囡唔再怕羞,後來發現Vincci對跳興趣就安排相關訓練。

隨住有唔同表演經驗,Vincci成功建立自信,最終亦成功得到「尚晴」一角。

《鐵探》播出之後,唔少人都大讚Vincci好可愛!而Vincci拍攝期間仲同劇中演員混熟,備受寵愛!

Vincci仲教王君馨跳舞添!