【親子好去處】大浪村上農耕課 + 行竹棚隧道 + 睇營火蟲

【親子好去處】大浪村上農耕課 + 行竹棚隧道 + 睇營火蟲

有日Pok Da嘅契媽叫我哋參加一個親子一日遊,我乜都冇問就報咗名喇!因為呢個小島Pok姐兩年前曾經跟「小島學園」嚟過,當時係一個七日六夜嘅camp!(勁呢!)今次我地再重臨舊地, Pok Pok都有好多「愉快」回憶,包括:當時三十幾度玩到身水身汗都隔日冲涼,7日冇去便便,10號風球橫風橫雨同d friend 喺屋仔渡過⋯⋯呢個小島就係大浪村,喺大嶼山,零污染,要喺長洲book街渡先至去到。呢個 親子好去處 喺香港已所剩無幾,最重要嘅係⋯⋯喺呢個收唔到電話又冇得shopping嘅地方,遊客對呢個島冇乜興趣!
親子好去處

親子好去處
到埗後跟住小徑行,就會去到我哋嘅目的地喇!首先歡迎我哋嘅係一大片小花田同埋農地。
親子好去處

雖然當日天氣麻麻, 亦無損Pok & Da嘅雅興!一開始就由島主炳嫂帶領我哋上農耕課,有機會畀小朋友親自收割有機農作物,等佢哋知食物得來不易!最開心係摘紅蘿蔔,由啲泥入面掹個紅蘿蔔出嚟,真係好爽好治療呀!
親子好去處
親子好去處


親子好去處

仲有得剪翠玉瓜,又肥美又大個,陣間晚餐仲可以食番親手摘嘅瓜菜添!

靚到好似道具一樣嘅羅馬生菜!
親子好去處

呢棵翠玉瓜開咗花,生緊翠玉瓜BB出嚟!
親子好去處
親子好去處

拔紅菜頭,紅菜頭都好大個下!炳嫂講解各類農作物嘅特性,生長期, 採摘方法,小朋友都長知識喇!
親子好去處
估下呢棵係乜花?望下周圍嘅葉可能會有啲頭緒! (開估: 皇帝菜)
親子好去處

遠離電子奶咀嘅小朋友幾咁可愛呢!
親子好去處
上完農耕課,大家都自由活動周圍玩!上次嚟都未有嘅竹棚隧道起好喇!
親子好去處

竹棚係陳葒校長為紀念佢太太而起嘅,用竹依住呢棵樹搭成(好似樹屋咁),由非常有經驗嘅搭棚師傅所造,起得好實淨,上年經過颱風「山竹」嘅洗禮都冇事!真正係香港獨有嘅傳統手藝!
親子好去處
親子好去處

Pok姐與契媽
親子好去處
Pok姐 & friend!當日落雨,竹棚容易跣腳,拖住手行互相照應!
親子好去處

之後我哋就去咗大浪村獨有嘅營火蟲博物館大浪村喺香港少數仍然有營火蟲嘅地方之一,炳嫂無意中發現原來島上有營火蟲,於是就搵咗香港致力研究營火蟲嘅人員,起咗呢個營火蟲館。

親子好去處

親子好去處
入面有間黑房, 工作人員畀我哋睇咗營火蟲,因為營火蟲好怕光,所以影唔到相,要大家親自去睇!
親子好去處

重遇小島學園陳葒校長,仲送咗佢哋新作嘅我哋!陳校長見番Pok姐,當然係話佢大個咗好多啦!由當時怕醜女變成咗⋯⋯大個咗嘅怕醜女!
親子好去處
差唔多要食晚飯喇!一定要試下炳嫂嘅私房農家菜!炳嫂嘅半露天灶頭重點係柴火!!
親子好去處

親子好去處
當天Menu:
五菜湯
當然係用新鮮摘落嚟嘅五種蔬菜煲成,好有益!
親子好去處

親子好去處
生菜包/紫菜包最受小朋友歡迎
親子好去處

Pok姐自創的韮菜煎蛋手卷!
親子好去處
其他鮮味菜式, 翠玉瓜咪就係我哋啱啱摘嗰啲!仲有豬腩肉、檸檬魚都好食到暈!
記得兩年前嚟,炳嫂教小朋友做茶粿! 出面已經好少搵到,真係好好味,而家都仲記得!鍾意食甜品嘅話, 訂菜嘅時候記得問吓炳嫂喇!
親子好去處

夜喇! 臨走前⋯⋯炳嫂&friends帶我哋去搵⋯⋯.營火蟲呀!!!
原來營火蟲只會喺剛剛日落嘅10分鐘之內出沒,所以大家都要把握時間,唔遲唔早去到佢哋出沒嘅小徑!仲有就係,佢哋非常怕光同埋聲音,所以唔可以開電筒、唔可以開電話、唔可以影相、唔可以出聲!大家都好合作,真係搵到營火蟲呀!真係有呀!有啲激動!有機會一定要帶小朋友去親身體驗呀!
我哋一日遊only,原來大浪村有屋仔租,可以自己組團去camp,種下田,食下風味農家菜。網路只收到smartone,係smartone嘅, 唔通山長水遠入到去仲睇手機咩? 放低個電話啦朋友!小朋友亦可以暫時遠離電子奶咀!唔係Smartone嘅就恭喜你,真真正正遠離繁囂!

想自己組團入去大浪村,可以自行聯絡炳嫂,以下是聯絡方法:
http://islandclubhk.weebly.com/32879320972510520497.html
點樣去大浪村? 可以睇吓呢度:
http://islandclubhk.weebly.com/21069244482604127861.html

更多精選內容