【小情侶】同林盛斌對親家被索厚禮金 陳敏之：我點會出手咁低呀
廣告
藝人林盛斌（Bob）同太太黃乙頤（Pearl）育有3女1子，一家六口十分幸福！呢日阿Bob就同陳敏之一齊打邊爐，期間陳敏之囝囝雷子樂對阿Bob三女林機兒（機機）展開頑強攻勢，阿Bob就同敏之見到咁就決定「對親家」，仲向敏之索超厚禮金添！
撰文：Kammy｜圖片來源：Instagram
陳敏之同林盛斌對親家
呢日，阿Bob一家同陳敏之一家一齊打邊爐，期間敏之囝囝子樂被安排同阿Bob三女機機坐，點知敏之突然話：「子樂好似睇中咗機機咁」，阿Bob仲叫佢哋兩對望，子樂隨即大放電眼！
子樂望完一次都唔夠，仲主動咁去望多機機一次，成班大人即時起哄，不斷「Wow！」呢個時候，呢兩位小朋友見到大人嘅目光，好似顯到有啲不知所措，怕醜嘅機機就偷笑，繼續低頭食嘢。
林盛斌：要三千萬禮金！
面對自己愛女畀人睇中，阿Bob更公開提出禮金要求：「三千萬禮金，兩層貝沙灣唔少過千五尺嘅」等，而敏之亦即時回應：「我點會出手咁低呀！閒閒地我都要機機做千億新抱啦！」
阿Bob嫂Pearl就話鍾意子樂活潑主動，仲已經得做，千億外母，睇嚟玩得最開心都係班大人！
