【復活節親子活動2019】《復仇者聯盟4：終局之戰》限時展覽登陸銅鑼灣
廣告
萬眾期待嘅《復仇者聯盟4：終局之戰》即將上映，上集《復仇者聯盟３：無限之戰》中，魁隆（Thanos）彈下手指就消滅咗宇宙一半生命，唔少人都好期待究竟一眾復仇者喺新一集嘅去向係點！睇戲之前，大家就可以先去銅鑼灣舉行嘅復仇者聯盟展，當中有一眾角色嘅1:1原大雕像、互動體驗，仲有期間限定店，真係唔可以唔去呀！
撰文：Kammy｜攝影：Morris
復活節親子活動2019 – 《復仇者聯盟4：終局之戰》展 登陸銅鑼灣
Marvel Studios《復仇者聯盟4：終局之戰》展「Team Up at Lee Gardens．Powered by Hot Toys」將於4月13日至5月13日喺銅鑼灣舉行，到時《復仇者聯盟》嘅展品將遍佈希慎廣場及利舞臺一帶。
多個1:1原大雕像
希慎廣場將變身為復仇者聯盟基地，除咗有Iron Man、美國隊長、變形俠醫、鷹眼、火箭浣熊、戰爭機器（War Machine）同獵布拉（Nebula）嘅1:1原大雕像，蟻俠更會縮細以Ant Size登場。另外，當然唔少得魁隆（Thanos）嘅1:1原大雕像啦！
4.5米高Iron Man強勢空降
除此之外，喺利舞臺個邊都有個巨型4.5米高嘅Iron Man，真係超有氣勢，係個必去嘅打卡位呀！
Hot Toys期間限定店
除此之外，仲有Hot Toys 1:6珍藏人偶。
場內3大打卡位
喺Hot Toys 1:6珍藏人偶展覽旁邊，仲有個大型嘅Iron Man可以做打卡位。
喺旁邊仲有兩個必影嘅打卡位，就係可愛造型嘅Iron Man同美國隊長。
期間限定店
另外，屆時仲有期間限定店，大家可以買限定別注商品。
全新互動體驗
除咗展出人偶，4樓更設有全新互動體驗，大家可以一嚐做超级英雄！不過記者去當日，由於場內未開放，所以未試玩到，但個個位置有一班Avengers嘅Poster，大家可以同佢哋影相！
Marvel Studios《復仇者聯盟4：終局之戰》展 活動詳情
日期：4月13日至5月13日
時間：上午 10 時至晚上 10 時
地點：希慎廣場地下啟超道入口、希慎廣場 1 樓中庭及利舞臺地面入口
