姜皓文

【鐵探】演技備受讚賞 姜皓文與太太同甘共苦19年

娛樂

廣告

近期一定有留意劇集《鐵探》!《鐵探》呢套劇喺開拍嘅時候就已經備受矚目,劇中有一班演技出眾嘅藝人坐鎮,除咗有三屆金像影后惠英紅,更唔少得金像獎「最佳男配角」姜皓文!姜皓文(黑仔)入行33年,由茄哩啡做到配角王,再到之前被提名金像獎影帝,但其實佢背後嘅女人、老婆殷寧都付出唔少努力,去支持老公嘅演員夢。

編輯:Sunday Kiss|原文:東方新地|圖片來源:Facebook,Instagram,節目截圖

姜皓文捱足33年終苦盡甘來

今年53歲、花名黑仔嘅姜皓文出身於亞洲電視,入行33年,由茄哩啡做到配角王,再做到今時今日男主角位置,今年甚至首次獲提名金像獎「最佳男主角」,雖然最終都輸咗畀黃秋生,但其實一切得來不易。

姜皓文
姜皓文今年首次獲提名今年金像獎「最佳男主角」

姜皓文喺《翠絲》中,飾演從小就內心女性化嘅佟大雄,直到大個已經結婚生仔後,畀朋友喚醒「內心嘅自己」,決定做跨性別手術,成為翠絲。

姜皓文
姜皓文喺《翠絲》中飾演變性人

延伸閱讀:【香港電影金像獎2019】黃秋生演活半癱病人 再奪影帝寶座

姜皓文被激讚勁好戲

近年幾乎套套港產片皆有姜皓文其影,而最近播出的新劇《鐵探》他亦有份擔演,首次為TVB拍劇的黑仔於劇中演技大爆發,尤以於監獄中Bingo(姜皓文飾)與患有腦退化症的嫻姐(盧宛茵飾)相認一幕最為深刻,亦感動不少觀眾!

姜皓文
Bingo(姜皓文飾)於監獄中與患有腦退化症的嫻姐(盧宛茵飾)相認。
姜皓文
嫻姐(盧宛茵飾)兒子Bingo(姜皓文飾)

由電視圈跳到去電影圈,再由電影圈首拍TVB電視劇,多年於演藝圈的浸淫,實力當然無可置疑,難怪黑仔都被網民大讚該幕對手戲非常好戲,令人催淚!而且,有網民指黑仔的內心戲、感情戲比同劇演員,甚至同樣飾演過警隊臥底的謝天華(《潛行狙擊》的Laughing哥)更動人!

姜皓文

面對網民讚賞,黑仔謙虛澄清《鐵探》的Bingo與《潛行狙擊》的Laughing哥是兩個不同的卧底角色,並解釋獄中相認一幕之所以如此入戲,原來是想起過往與婆婆相處的畫面,皆因其婆婆都同樣患有腦退化症,曾試過食飯途中突然不認得黑仔。

延伸閱讀:【鐵探】「老戲骨」許紹雄大晒演技 戲外實為廿四孝爸爸

與太太同甘共苦19年

姜皓文與殷寧(原名金慧英)結婚19年,人前人後表現恩愛,去年結婚周年紀念日,黑仔更送上檳城一層樓給殷寧,揚言要與摰愛「牽手相伴甘苦與共」。黑仔對於老婆多年來的遷就更是感恩,雖然時有嘈交,不過二人很珍惜這段關係。

姜皓文

希望毎年同太太行紅地氈

黑仔為香港電影有巨大貢獻,每年都接拍多部電影,幾乎年年都被提名金像獎。今年黑仔首次被提名「最佳男主角」,雖然最終落敗,但仍對外大方回應「再接再厲」,更表示最希望其實係「毎年都能夠和太太在這紅氈上奔跑」,真係好Sweet呀!

姜皓文

姜皓文:我哋成日嗌交

二人結婚已經19年,姜皓文笑言佢哋成日嗌交:「初初結婚唔識得點去珍惜,唔識點去處理婚姻生活,兩個人生活,唔係咁簡單,唔係話住埋一齊,你就我、我就你,真係有種節奏喺度,大家要配合得好好。我覺得最忌一樣嘢,兩口子點樣發脾氣、點樣惡都好,唔好講啲真係太傷人嘅說話,一次就你、兩次就你,三次就真係唔得㗎嘞,唔可以郁啲話離婚、分開,千祈點嬲都要忍住唔可以講,除非你唔想段婚姻長久落去啦!老土啲講句人氹人係OK嘅,個節奏咪大家盡量去配合囉!」

姜皓文

愛玩煮飯仔

問佢閒時同太太做咩多?黑仔回答:「我有我,佢有佢,哈!佢鍾意啲花花草草,好鍾意魂遊太虛諗啲佢自己世界裡面嘅嘢,但係每年我哋都會一齊放假去旅行,因為我哋生日同結婚周年連住幾日,平時就一齊煮吓飯,依家我唔鍾意出街,飲酒又唔揸得車,我依家都少飲,因為我好控制唔到自己,我會追酒飲,飲完亂晒籠,又斷片,好恐怖㗎,試過同朋友返內地飲酒,飲到唔見咗我,我去咗第度唔知同邊個飲,瞓醒褲袋一大疊咭片,所以好危險。」

姜皓文

姜皓文坎坷身世

因身同感受而更容易投入劇情,黑仔於訪問中更坦言自己睇劇本時已經不禁眼濕濕!事實上,黑仔的童年及青少年時期亦並不過得如意,他一出世後不久爸爸便拋棄家庭,只好與媽媽及弟妹過活。後來,媽媽患病,無可奈何之下惟有把弟妹都送到兒童院,減輕負擔。

姜皓文

14歲時,媽媽過身,黑仔被送到由香港學生輔助會營運、位於觀塘的少年宿舍,自始自己照顧自己。雖然如此,黑仔仍正面面對生活,初中時他與宿友到酒樓賣點心、做裝修、表演雜技,靠自己賺錢維持生計。

姜皓文

其後,因當時的女朋友於特約演員公司工作,因緣際會下成為人人口中的「茄喱啡」,更膽粗粗下參加亞視第一屆香港電視先生選舉,奪得亞軍兼誤打誤撞加入亞視,正式入行!

姜皓文
黑仔曾表示戲份多與少並不重要,只要是精彩的演出,一場就夠!

曾欠債財困

不過當時未有人氣的黑仔曾被認錯是莫少聰,而且出鏡機會極少,打開銀包只有幾元,可說是窮到燶。試過被包租婆追屋租,鎖門,被稅局追交稅等。財困情況下,黑仔最後用所剩的錢買六合彩,博中獎有錢交租,最後沒有中獎的他幸好有朋友願意借錢,才令他捱過那段黑暗日子!

姜皓文

捱足33年苦盡甘來

人生浮沉,黑仔反自嘲自己只得沉,幸好最終他亦捱到出頭天,片約不斷,而近年黑仔最爆嘅角色相信是電影《翠絲》中演變性人,黑仔透露:「拍《翠絲》嗰陣情緒好波動!個個都成日催我睇醫生,係難抽離!」

姜皓文

反觀《鐵探》,黑仔拍同惠英紅(紅姐)拍劇都好有壓力,「話晒影后,好彩紅姐好人啫,紅姐真係好到不得了,佢真係超級偉大,拍之前佢會幫你暖場,等你對住佢唔會好大壓力,我依家發覺原來惠英紅係一個小妹妹嚟,佢真係少女到不得了,同我講吓食嘢、買嘢、減肥,好開心嘅!」

姜皓文

衝擊金像獎影帝

雖然人生經歷不少低潮,但如今回頭一看,也許一切皆是上天給姜皓文的考驗。人生崎嶇不平,亦正因如此,一切的經歷更有助他代入角色演戲!

姜皓文
上屆金像獎,姜皓文憑《拆彈專家》獲最佳男配角。