【香港電影金像獎2019】「最佳女配角」惠英紅曾因拖延母病情感內疚 決代入病母腦退化角色以戲贖罪

【香港電影金像獎2019】「最佳女配角」惠英紅曾因拖延母病情感內疚 決代入病母腦退化角色以戲贖罪

第38屆香港電影金像獎頒獎典禮剛完滿結束,每年獎典禮都引嚟觀眾嘅熱烈討論,到底各大獎項花落誰家。今屆嘅「最佳女配角」就由影后惠英紅憑電影《翠絲》安宜一角奪得,更係憑該片奪得第二個女配角獎。惠英紅喺戲中飾演一個保守、一切以家庭為重嘅傳統女人,而現實中嘅惠英紅都係一樣,更曾因令病母延醫而感到內疚。

撰文:Kammy|圖片來源:Facebook,節目截圖

惠英紅再奪金像獎「最佳女配角」

現年59歲嘅惠英紅從影逾40年,一直都拍過唔少出色嘅電影,係本港嘅實力派演員。惠英紅1982年時更憑電影《長輩》奪得首屆香港電影金像獎「最佳女主角」,其後一直奪得多個電影大獎,包括金馬獎「最佳女主角」、香港電影金像獎最佳女主角獎等。而今年惠英紅憑電影《翠絲》安宜一角,第二度奪得「最佳女配角」,可見其演技得到肯定。

惠英紅

惠英紅喺《翠絲》中飾演佟大雄(姜皓文飾演)老婆安宜,係一個十分傳統保守嘅女性,一切以家庭為重,相夫教子係佢嘅終身事業。由於呢段婚姻係由父母同媒人安排,對於老公日趨冷淡,安宜都冇太大抱怨。直到對方提出要離婚並進行變性手術時,安宜震驚到頻臨崩潰,呢一幕絕對係惠英紅大晒演技嘅時候。

更多精選內容