吳君如

【亭亭玉立!】吳君如賀愛女生日 激罕晒母女合照

育兒

廣告

藝人吳君如同另一半陳可辛一齊多年,二人更於2006年誕下囡囡陳是知(Jilian),不過兩公婆都唔係「晒女狂魔」,所以都好少見到囡囡嘅蹤影。近日,適逢Jilian 13歲生日,君如好罕有咁分享同囡囡嘅合照。相中見到Jilian大個咗好多,少女樣出晒嚟,唔少網民更大讚女大十八變!

撰文:Kammy|圖片來源:Instagram

吳君如罕晒母女合照

唔經唔覺,吳君如同陳可辛嘅囡囡Jilian已經13歲喇,相信唔少人對於Jilian嘅樣貌已經十分糢糊,因為君如兩老婆都好少晒囡囡嘅相。不過,近日君如就好罕有咁晒同Jilian嘅合照,相中見到囡囡打扮成熟咗唔少,長髮披肩,著住條黑色吊帶裙,亭亭玉立,少女樣出晒嚟!

愛女亭亭玉立

吳君如更留言:「Happy birthday to my teenage daughter.」唔少網民都話Jilian靚咗好多,亦有人讚君如Keep得好好添!

七夕放閃!吳君如晒同老公拖手照

其實吳君如一直都為人低調,好少晒同老公嘅相。不過,前年七夕時, 吳君如都有喺微博晒放閃,更不改搞笑本色,把陳可辛的電影風格改寫成現實風格,寫出另一番浪漫。

 

陳可辛的電影——
“命中注定的人,無論中間經過多少曲折,終會相遇。”
陳可辛的現實——
“你讓我走裡面,這樣我拍出來比較高。”
七夕快樂。

當年吳君如的52歲生日,老公陳可辛、囡囡陳是知、細佬吳君祥、爸爸夏春秋仲有媽媽,為佢喺英國搞咗個生日野餐慶祝,一家人仲喺當地公園開香檳又切蛋糕!陳可辛仲送咗紥花氹老婆,而囡囡陳是知就即席彈結他為媽媽唱生日歌,唔冧就假!難怪君如都忍唔住將咁難忘嘅時刻po上網開心share:「一班加起嚟都470幾歲嘅至愛親人為我開心到飛起慶祝生日,女兒為我彈結他唱生日歌,我點都要搏命晒一下幸福。」