【安心戀】被爆出偷食人夫 黃心穎:對唔住馬國明

【安心戀】被爆出偷食人夫 黃心穎:對唔住馬國明

昨日,有傳媒收到一條車廂偷情的短片,一對男女主角居然係有婦之夫許志安同黃心穎,二人竟然背另一半喺車廂拖手錫錫,真係震驚一眾全香港人!而許志安亦即日開記招,表示自己係壞咗嘅人,向公眾道歉。今日,無綫高層樂易玲向傳媒代黃心穎交代事件,黃心穎表示好後悔,同對唔住馬國明。

撰文:Sunday Kiss|圖片來源:Instagram

黃心穎:對唔住馬國明

「安心偷食」一事,震驚一眾全香港人。呢日,無綫高層樂易玲向傳媒代黃心穎交代事件,樂小姐表示:「琴日(16日)好多記者搵我,我話想沉澱一下點去處理呢件事,同公司及同事商量點去回應。琴晚同心穎傾咗好耐,佢好後悔好後悔,知道自己犯咗好大嘅錯。佢好對唔住受牽連嘅人,特別係父母及家人,對唔住公司,對唔住馬國明同佢嘅屋企人。呢一刻情緒仍然未平復,公司覺得佢需要休息一段時間嘅。」

黃心穎

黃心穎

馬國明如常工作

另外,至於馬國明方面,樂易玲則表示佢OK,大家唔使擔心佢:「馬明佢好乖,佢自己要求繼續開工,叫大家唔使遷就佢,所以佢今晚會繼續如常開工拍攝《降魔的II》外景。」

黃心穎

黃心穎

許志安、黃心穎偷食斷正

該段短片長約16分鐘,片段開首見到安仔、心穎和男友人坐在車廂後座,男友人堅持先送心穎返家,戴了黑色口罩的心穎竟爆粗反對:「唔好扮嘢啦!X你!兜X咗我先?」安仔都撐心穎先送男友人返屋企,冧爆的心穎搣了安仔耳朵一下,再向男友人爆粗:「你住邊呀?X你!」安仔即叫司機開車往大坑,心穎跟男友人說:「佢(安仔)送我返去呀。」

心穎主動蹺實安仔左臂整個人挨在他身上撒嬌,兩人更各用手袋遮掩偷玩十指緊扣。約3分鐘後男友人抵家預備落車,安仔話:「而家你走先,跟住我返我屋企,佢(心穎)返佢屋企。」男友人:「你講堅?」安仔:「係,堅。」惟當男友人落車後,安仔和心穎異口同聲跟司機說:「鯉魚門(心穎屋企)!」和安仔獨處時心穎馬上隔住口罩咀了安仔一啖,10秒後索性除口罩埋身攬安仔啜嘴。

咀完後,兩人繼續十指緊扣,之後隱約聽到心穎說:「so sad…我好悶…教徒」跟住拉開安仔隻手不再緊拖,安仔惟有順勢將手貼在心穎大腿上,3秒後忍唔住又撩心穎十指緊扣。由大坑到鯉魚門短短10多分鐘車程,「安心」連環激咀逾20次,全程由心穎採取「主攻」情挑安仔,不停攬他狂打茄輪,其中一次纏綿遊戲錫了近1分鐘,咀到啜啜聲,熱情如火的心穎邊咀邊將手放在安仔腿部附近游走。

當車輛駛入隧道後,心穎再次飛擒大咬狂咀安仔,咀完後忘形到連口罩都戴歪了,其間隱約聽到心穎說:「…返屋企,唔好驚喎!」就算在「休戰」空檔,心穎都「電兔」上身胸壓安仔,捉安仔隻手又捽又玩手指,甚至當安仔是攬枕,將左腳騎在他的身上,啜面錫耳,還用手指幫安仔抹走嘴上的唇膏,風騷入骨。

許志安

安仔忘記了自己的人夫身份,雖然9成時間都是心穎「主攻」,但安仔卻表現受落,還主動錫了心穎面珠一啖,更越坐越低,似乎擔心被隔鄰車輛發現,而心穎相當識做,咀完就戴口罩遮樣,又不停幫安仔拉下cap帽遮掩。雖然,當晚心穎表現看似有點醉意,更不時「鬼妹仔」上身大講英文,但差不多抵達目的地時,本來嗲聲嗲氣跟安仔說話的她,竟忽然轉tone跟司機說:「去到燈位轉右,唔該!」。而安仔有點疲態但未覺有醉意。兩人到心穎香閨後齊齊落車,後事如何佢哋最清楚!

早有預謀?黃心穎黐Sammi做Gym 成功取得信任

網民翻看黃心穎和Sammi的Instagram,發現原來早在上年11月,Sammi在Ig上載與黃心穎一齊做Gym的影片,還大讚她動作做得標準,好明顯對黃心穎並無戒心。

黃心穎
黃心穎與Sammi一起做Gym。

「安心」因健身結緣

到今年1月,黃心憤就分享與健身朋友的合照,包括自己與許志安慶祝自己30歲生日時的大合照,當時黃心穎與許志安企位非常接近,有網民就懷疑二人當時已經「撻著」。見老公出現在黃心穎的Ig上,Sammi亦非常大方為相片點讚,更留言指黃心穎看起來只有20多歲。

黃心穎

黃心穎

黃心穎

偷食後仲有互動

「安心偷食」事件應在4月3日發生,可是記者翻查Sammi的Ig時,發現在7日前(即4月9日),黃心穎仍然有在Sammi的Ig留言,大讚她著皮褸的造型非常有型,完全扮作若無其事,繼續扮Friend。

黃心穎
黃心穎在偷食後還有在Sammi Ig留言。

曾強調不會喜歡人夫

現年30歲的黃心穎入行以來緋聞不斷,其中不乏人夫,包括黃浩信、吳啟華,黃心穎更被傳指牽涉吳啟華離婚一事,不過當時黃心穎否認緋聞及傳言,更多次強調自己不會愛上人夫,可惜今次「安心偷食」,男主角許志安正正就是人夫,自打嘴巴。

黃心穎
最愛都會過去?

許志安

更多精選內容