Bob

Bob囡囡原來係體操高手 化表演妝網民讚有少女味

育兒

廣告

藝人林盛斌(Bob)時常都會喺社交網站上分享4位仔女嘅成長點滴,日前Bob嫂喺Instagram上分享二女熹兒同三女機兒表演體操嘅片段,原來兩位小朋友都係體操高手,網民仲大讚熹兒同機兒化埋個表演妝之後,仲更加可愛!

撰文:Kayla|圖片來源:Instagram

林家有女初長成,熹兒同機兒雖然年紀細細,但同爸爸一樣非常有表演慾,日前Bob嫂就帶咗兩個女去表演體操,見熹兒同機兒化上表演妝,比平時多咗份「少女味」。

熹兒大玩呼拉圈,柔軟度非常高,每個動作都有板有眼,表演慾咁高,唔知大個會唔會好似爸爸咁做藝人呢?

陳敏之同林盛斌對親家

呢日,阿Bob一家同陳敏之一家一齊打邊爐,期間敏之囝囝子樂被安排同阿Bob三女機機坐,點知敏之突然話:「子樂好似睇中咗機機咁」,阿Bob仲叫佢哋兩對望,子樂隨即大放電眼!

子樂望完一次都唔夠,仲主動咁去望多機機一次,成班大人即時起哄,不斷「Wow!」呢個時候,呢兩位小朋友見到大人嘅目光,好似顯到有啲不知所措,怕醜嘅機機就偷笑,繼續低頭食嘢。

林盛斌:要三千萬禮金!

面對自己愛女畀人睇中,阿Bob更公開提出禮金要求:「三千萬禮金,兩層貝沙灣唔少過千五尺嘅」等,而敏之亦即時回應:「我點會出手咁低呀!閒閒地我都要機機做千億新抱啦!」

阿Bob嫂Pearl就話鍾意子樂活潑主動,仲已經得做,千億外母,睇嚟玩得最開心都係班大人!