最快10分鐘搞掂 | 23款家常菜食譜合集

最快10分鐘搞掂 | 23款家常菜食譜合集

每個家庭都有自己的獨有的家常菜「媽媽的味道」,媽媽或許每天都要苦惱「今晚食乜餸」。以下23款簡易家常菜食譜,有清淡亦有較惹味的選擇,款款色香味全,最快的更可以10分鐘就起菜。其實在家自煮也不難,媽媽們不妨參考一下!

撰文&圖片:Kylife與二寶之日常muji媽Sammysays小小豬KinseyLove Kelly’sKitchenZareen mama | 編輯:Chloe

23款家常菜食譜 合集

1.鹽麴柚子單骨雞翼

又係家中萬能醬出場!鹽麴相比鹽醃, 鹹度較底,食落健康!今次加埋柚子醬,酸酸甜甜好醒胃,小朋友餸飯一流,唔使次次整蜜糖雞翼咁悶呢!

1
鹽麴柚子單骨雞翼

材料:2-3人份量
雞翼 12隻
薑汁 1湯匙
鹽麴 2湯匙
柚子醬 1湯匙
水 1湯匙

做法:

1.雞翼洗淨,用廚房交剪將骨與骨之間剪開一半,成單骨雞翼。

螢幕快照 2017-03-20 下午2.21.44

2.將薑汁及鹽麴放入單骨雞翼醃30分鐘。

3.準備醬汁,水及柚子醬勻均,備用。

4.醃好後,將單骨雞放上牛油紙焗盤,用180度焗15分鐘。

5.15分鐘後,柚子醬搽上單骨雞再焗5分鐘完成。

螢幕快照 2017-03-20 下午2.23.29

(左)鹽麴,(右)柚子醬

TIP:

1.如不想用焗爐,可用光波爐,空氣炸鍋及明火煎熟都可以,最後搽加上柚子醬汁完成。

2.一口叉燒汁小雞槌

材料:

有機小雞槌 10隻
叉燒醬 2湯匙
玫瑰露酒 半茶匙
蜜糖 適量

做法:

1.現後將雞槌頂圍邊剪去筋部(紅色圈),使⻣及肉徹底分離。

2.用密實袋放入叉燒汁及玫瑰露酒均勻。

3.之後放入有機小雞槌均勻,醃2小時。

4.醃完後小雞槌放上焗盤涼架上。

5.包上錫紙,防止食時手沾上醬汁。

6.180度焗15分鐘,5分鐘後搽上蜜糖再焗多1分鐘,完成。

Tip:

1.若不用有機小雞槌,亦可用雞翼也可,但要加海鮮醬半茶匙及少少鹽來醃先入味,也非常美味的!

3.惹味香口日式手羽先

opening

材料:2-3人份量
雞中翼 6隻
芝麻 適量
紫菜碎 適量

醃雞翼:
粟粉 適量
海鹽 適量
薑汁 2茶匙

汁料:
萬子鼓油 2湯匙
料理酒 2湯匙
味淋 2湯匙
糖 2茶匙

做法:

1.將雞翼洗淨抹乾。

2.灑上適量海鹽及薑汁,醃25分鐘。

3.用保先袋放入粟粉及雞翼。

4.將雞翼薄薄地撲上粟粉。

5.將所有醬汁煮滾。 (請記煮醬汁時,糖煮溶立即熄火,放涼備用。)

6.用木夾試油溫,出現泡泡就放雞翼炸。

 

螢幕快照 2017-02-07 上午9.47.49

7.雞翼炸到金黃完成。

螢幕快照 2017-02-07 上午9.48.04

8.搽上已煮好的醬汁。

9.灑上芝麼及紫菜碎完成。

10.如喜愛辣,可以加黑楜椒及辣粉,都惹味可口。(辣味我分開落)

TIP:煮醬汁時,請記唔好用大火煮,因有料理酒容易煮途中着火。

4.自家製 簡易版瑞士雞翼

今次整唔駛汆水….唔駛煎….唔使醃….用浸焗方法,整出肉滑而皮彈瑞士雞翼,簡單到不得了!平時做餸,仲可以當 派對食物 ,大人細路都鍾意食!

材料:

雞翼 13隻
鉅利高級醬油 100ml
雞湯 250ml
冰糖 65g
玫瑰露酒 1茶匙
薑 2片

做法:

1.將醬油,雞湯,薑,玫瑰露酒 及冰糖大火煮滾。

2.冰糖煮溶後放入雞翼。

3.見到汁料再次煮滾立即放蓋。

4.大火煮3分鐘。

5.3分鐘後熄火,請不要開蓋,焗佢15分鐘。(用焗浸方法,令雞翼必滑. )

6.15分鐘後,用刀篤一篤佢冇血水就完成。(如果有血水就浸多幾分鐘)

Tips:

1.用完的汁我會留起再用,方法是汁料凍了會浮白色的油係面,我會用小匙刮走,然後放入保鮮袋或食物盒放入冰格。(其實當作滷水一樣保存期冇限,最重要放冰格沒有變壞就可以,我就用到1年左右就唔要。)

2.除了瑞士汁做雞翼,可以做瑞士汁炒河,烏東,意粉,滷日式蛋等等都好好味!(所以汁可以留起再用,越留得耐越好味。)

3.如果買不到鉅利醬油,可以係超市買的瑞士汁或自己調好瑞士汁味到,用我的方法大火3分鐘,浸焗15分鐘都做到滑的感覺。
4.浸焗時瑞士汁沒蓋過晒雞翼,記得浸焗10分鐘左右,開蓋快手反一反雞翼,令雞翼上色均勻及入味。
5.浸焗雞翼15分鐘後,用刀篤一篤如冇血水就完成。(如果有血水就浸多幾分鐘,因視乎雞翼多少,煲的溫度有所不同。)

5.蘋果蜜糖芥辣雞翼
蘋果蜜糖芥末雞翼

材料:
小蘋果一個
蜜糖芥末適量
雞翼五隻

做法:
1. 先將雞翼洗淨,用剪刀剪開兩條骨
2. 蘋果去皮肉攪拌成蓉

3. 將雞翼撈蘋果蓉和蜜糖芥末醃一晚
4. 將雞翼放焗爐焗20分鐘180度即成

6.海鮮菇蘿蔔豆腐魚頭湯

海鮮菇又叫蟹味菇,菇中蛋白質有人體所需要的8種氨基酸等營養物質,經常食用海鮮菇的人可以預防衰老,延長壽命,而且海鮮菇有抗癌、防癌、提高免疫力等功效。


海鮮菇4大功效:

1、潤腸通便、幫助消化
蟹味菇富含膳食纖維,能在腸道中幫忙吸收水分,促進大腸蠕動,具有很好的潤腸通便的功能,同時排毒體內毒素,降低血清膽固醇。

2、有利於寶寶生長髮育
蟹味菇富含維生素D,可以幫助寶寶補充鈣質、強壯機體、促進寶寶的發育。

3、增加人體免疫力
有關研究表示,從蟹味菇的子實體中提取出來的物質具有多種生物活性成分,其中真菌多糖、嘌呤、腺苷能增強免疫力。

4、延緩衰老、美容護膚
蟹味菇的生物活性物質還能促進抗體形成氧化成分,起到延緩衰老、美容護膚的功效。

材料:

海鮮菇

蘿蔔 1個

豆腐 1塊

魚頭 2個

薑 適量

做法(45分鐘)

1》將材料洗淨,豆腐、白蘿蔔切大件,海鮮菇切去尾段備用。

2》起鑊落少許油,放入薑片爆香,然後把魚頭加入,保持中火煎至兩面金黃色,然後改大火加入沸水,待湯翻滾約15分鐘。

3》加入白蘿蔔、豆腐,保持大火,繼續約20分鐘。

4》加入海鮮菇再滾10分鐘。

5》熄火後,加入鹽和白椒粉調味即可。

7.麻婆豆腐

材料:(3-4人份量)

半肥瘦豬肉碎 250g
軟豆腐 1盒/1𥖁
紅蔥頭 1粒切碎
蔥粒 少許
紅椒 1條切粒

醃肉碎調味料:
生抽 1湯匙
糖 1茶匙
蔴油 1茶匙
水 適量

調味料:
白胡椒粉 少許
豆瓣醬 1湯匙
糖 1茶匙
水 適量

打芡用:
生粉 1茶匙
水 少許

做法:

1)肉碎先用調味料撈勻醃15分鐘;豆腐切粒,備用;

2)熱油鑊爆香紅蔥頭,加入肉碎炒香,再加調味料和水,蓋上蓋用中細火煮3分鐘;

3)加入豆腐粒,輕輕力兜勻,繼續煮多3分鐘,最後打豆粉芡,再加入紅椒粒和蔥粒,撈勻便完成。

8.花甲唐芹冲菜粉絲湯

材料:花甲、唐芹、冲菜、粉絲、陳皮

湯水
相片由成洛媽媽家常湯提供

花甲:

具有高蛋白、高微量元素、高鐵、高鈣、少脂肪的營養特點。

中醫認為,蛤蜊肉有滋陰明目、軟堅、化痰之功效,有的貝類還有益精潤髒的作用。

花甲肉含一種具有降低血清膽固醇作用的代爾太7-膽固醇和24-亞甲基膽固醇,它們兼有抑制膽固醇在肝臟合成和加速排泄膽固醇的獨特作用,從而使體內膽固醇下降。

人們在食用蛤蜊和貝類食物後,常有一種清爽宜人的感覺,這對解除一些煩惱症狀無疑是有益的。

做法:

1) 花甲洗淨,用凍鹽水浸約1小時吐沙備用

2) 粉絲浸軟,冲菜切條略浸備用

3) 唐芹洗淨切段備用

4) 燒紅煱落油👉🏼下蒜爆香👉🏼下一大杯滾水👉🏼下陳皮、冲菜、白胡椒粉,滾5分鐘

5) 下花甲煮約2分鐘,待花甲全開囗

6) 下粉絲略煮

7) 熄火下唐芹

相片由成洛媽媽家常湯提供

9.清湯蘿蔔牛腩

蘿蔔牛腩

 

材料:

牛坑腩 2斤
白蘿蔔 1條
薑 4片
蔥 1束
水 1500ml
鹽 1.5茶匙
冰糖 20g

調味料:
花椒 1茶匙
八角 3粒
香葉 3-4片
薑 2片
魚袋 1個

蘿蔔牛腩

做法:

1)牛坑腩洗一洗,水滾加薑(4片)、蔥和牛坑腩一同飛水至滾起;

2)將調味料放入魚袋,已飛水的牛坑腩、水和調味料一同用大火煲15分鐘,轉細火炆45分鐘,熄火焗住佢30分鐘

蘿蔔牛腩

3) 加入蘿蔔和鹽再炆45分鐘又焗多30便完成

蘿蔔牛腩

<溫馨提示>
1)炆45分鐘再焗30分鐘,重複兩次,一來慳d煤氣

😆, 二來咁様仲容易淋同入味
2)加入冰糖一齊炆,系可以令肉類更容易淋

10.小頸蜆蒸蛋

 

材料

雞蛋 3隻
急凍小頸蜆 6-8隻
水 (水:蛋比例為 2:1)
蔥花 適量

做法

1. 把雞蛋打在碗裡,留起蛋殻備用
2. 水:蛋比例為 2:1,即每隻蛋用半隻蛋殼來舀水4次

3. 打勻雞蛋後

4. 過篩,將小頸蜆放入蛋液中


5. 在盤子上蓋上錫紙或保鮮紙
6. 準備滾水,以中火蒸約15分鐘即成

11.帶子豆角蒸水蛋

【帶子豆角蒸水蛋】
材料:
珍珠帶子・・・適量
豆角・・・・・1條(沖淨,切粒)
蛋・・・・・・3隻
水・・・・・・100毫升
生粉・・・・・1茶匙

做法:
1)帶子沖淨,用廚紙完全印乾,備用。
2)蛋先拂勻,水和生粉拌勻後加入。
3)於蒸碟內注入蛋液,然後放上帶子和豆角。
4)以大火蒸15分鐘,完成。

12.蒸水蛋

1. 準備新鮮雞蛋
2. 把雞蛋打在碗裡,留起蛋殻備用
3. 水:蛋比例為 2:1,即每隻蛋用半隻蛋殼來舀水4次(*利用蛋殼量水就能掌握比例)

4. 打勻雞蛋後,過篩

(*過篩能隔掉打不散的黏液及泡)


5. 在盤子上蓋上錫紙或保鮮紙(*防止倒汗水滴下,令蒸蛋不夠滑溜)

6. 準備滾水,以中火蒸約15分鐘即成

13. 三色蒸水蛋

【食譜】 $7搞掂家常餸 三色蒸水蛋

材料:

雞蛋3隻

咸蛋1隻

皮蛋1隻

水適量

【食譜】 $7搞掂家常餸 三色蒸水蛋

做法:

1. 處理同洗乾淨皮蛋同咸蛋的外表物質

2. 將咸蛋的蛋白同蛋黃分開

3. 將皮蛋同咸蛋蛋黃切粒放到碟上

【食譜】 $7搞掂家常餸 三色蒸水蛋

4. 咸蛋蛋白同雞蛋一齊搞

【食譜】 $7搞掂家常餸 三色蒸水蛋

5. 準備同等份量的水再加多少少水,放落去一齊搞

【食譜】 $7搞掂家常餸 三色蒸水蛋
6. 煲水到大滾,放入皮蛋同咸蛋蛋黃隔水大火蒸2分鐘

【食譜】 $7搞掂家常餸 三色蒸水蛋

7. 開蓋倒雞蛋水轉細火隔水蒸3分鐘

【食譜】 $7搞掂家常餸 三色蒸水蛋
8. 熄火繼續關蓋,再焗5分鐘就食得啦!

【食譜】 $7搞掂家常餸 三色蒸水蛋

煮食小貼士

1. 雖然咸蛋本身都咸,如果覺得唔夠咸,食前可落豉油

2. 我哋用不銹鋼碟整,傳熱比較快,如果用其他器皿要注意時間洗唔洗加長

**大家要先確認進食者對材料無敏感!
**食譜只供參考,一切份量大家要要自行判斷呀!

 

14. 魚肉豆腐老少平安

材料:

鯪魚肉 半斤

豆腐 1舊

油 少許

胡椒粉 少許

做法:

1. 首先搵一個較大的器皿並放少少油落去

2. 分別將鯪魚肉同豆腐放落去,再落少少胡椒粉

3. 用手搞拌所有材料至均勻

4. 滾水計中火蒸15分鐘就食得啦

老少平安 煮食小貼士

胡椒粉用嚟去除魚的腥味,如果唔鍾意腥味的朋友可以落多少少

魚肉難保會有微細魚骨,所以蒸完我哋有揀一揀先比筋肉寶寶食嫁

如果大人食口感想豐富D可以考慮落雞蛋,蝦米,冬菇粒!

15. 水煮醬蝦球

賀年菜
水煮醬蝦球

材料:
蝦球 6件
粉皮 3両
唐芹、大豆芽、辣椒乾、水煮醬、花椒油、葱花、薑、蒜 各少許
芡汁︰
雞湯 1杯
豆辦醬 2茶匙
水煮醬 2茶匙
花椒油 2茶匙
老抽 2湯匙
生抽 2湯匙
糖 1茶匙
做法:
1. 大豆芽、粉皮滾熟約三分鐘,備用。
2. 用滾油炸蝦球後,撈起備用。
3. 葱、薑、蒜爆香鑊。
4. 放辣椒乾、唐芹、水煮醬炒香,再加糖、鹽、雞湯煮一分鐘,再落大豆芽、粉皮煮約一分鐘,起鑊後,再把蝦球舖面。
5. 最後燒滾花椒油、葱花淋面。

16. 鳳梨咕嚕肉

賀年菜
鳳梨咕嚕肉

材料:
脢頭肉 300克
青紅椒 各1個(切角)
罐頭菠蘿 2片(1開4)
蒜頭 1粒(磨茸)
葱段 少許
蛋汁及生粉 適量
調味料:
鹽、糖、雞粉、生粉適量(調味料份量可因應個人口味加多或減少。)
雞蛋 1隻
甜酸汁:
水 1/3杯糖
白醋及茄汁 各1湯匙
喼汁 1/2茶匙
鹽 1/4茶匙
檸檬汁 適量
做法:
1. 脢頭肉切粒,拌入調味料醃30分鐘。
2. 燒半鑊油,將醃好的脢頭肉沾上蛋汁及生粉,放入滾油內炸至熟透,取出隔油,備用。

3. 燒熱2湯匙的油, 爆香蒜茸、葱段、青紅椒角。
4. 加入菠蘿片、甜酸汁及少許生粉水埋芡後,加入已炸好的脢頭肉回鑊拌炒至均勻,完成。
小貼士:脢頭肉醃製半小時後,再額外加蛋汁才上粉,這樣可保每件脢頭肉能均勻沾滿生粉;另外,若想脢頭肉入口更香脆,可於炸熟後,再次將油燒熱,將脢頭肉回鑊炸至金黃色,這樣食落便更香脆。

17. 瑞士汁洋蔥豬扒

賀年菜
瑞士汁洋蔥豬扒

材料:
急凍梅頭豬扒 2塊
洋葱 1個(去外皮,切絲)
瑞士汁:
老抽 1湯匙
生抽 1茶匙
黃砂糖 1茶匙
紹酒 2茶

匙水 半碗
醃料:
生抽 2茶匙
胡椒粉 少許
粟粉 1茶匙
做法:
1. 取半份洋葱絲用少許油炒香,加入汁料慢火煮10分鐘,隔渣備用。
2. 梅頭豬扒解凍,洗淨,抹乾水分,下醃料醃味半小時。
3. 豬扒放入平底鍋中,用中小火煎至兩面金黃,盛起,切塊。
4. 原鍋加入餘下的洋葱絲炒香,下瑞士汁煮滾,加入豬扒煮勻即成。

18. 杞子拌菠菜

賀年菜
材料:
菠菜 230克
杞子 20克
蒜末少許
調料:
鹽 2克
雞粉 2克
蠔油 10克
麻油 3毫升
食用油適量
做法:

1. 菠菜切成段;杞子和菠菜倒入沸水鍋中,煮至八成熟。
2. 把菠菜倒入碗中,放入蒜末、杞子,加入適量鹽、雞粉、蠔油、麻油,用筷子攪拌至食材入味。
3. 盛出拌好的食材,裝入盤中即可食用。

19. XO醬炒帶子

賀年菜
xo醬炒帶子

材料:
急凍帶子280克
西蘭花210克
草菇1/2罐
紅蘿蔔 數片
蒜頭(切片)1粒薑2片
002

調味料:
糖1/4茶匙
生粉1茶匙
蛋白1湯匙
麻油及胡椒粉 少許
芡汁:
水4湯匙
糖1/2茶匙
生粉1/2茶匙
生抽1茶匙
XO醬1/2湯匙
做法:
1. 帶子解凍, 沖淨抹乾,拌入調味醃20分鐘。
2. 西蘭花修好,草菇沖水。
3. 燒半鑊水,加鹽、糖及油,將西蘭花及草菇飛水,隔水取出。
4. 燒3- 4湯匙油,放下帶子炒至剛熟。
5. 然後加入蔬菜及芡汁,兜勻便可上碟。

20.白飯魚菜脯蛋

家常菜 白飯魚菜脯蛋

材料(4塊分量)

白飯魚 半斤

蛋 4隻

菜脯 1/4碗

蔥粒 適量

調味料:

生抽 1茶匙

糖 1/4茶匙

胡椒粉 少許

油 1茶匙

做法:

1. 白飯魚加鹽略洗,用水沖乾淨,隔去水份。
2. 白飯魚放熱油,略煎。盛起,再盡量索乾水。
3. 呢個方法可以排出多餘水分。
4. 蔥粒亦放熱油爆一爆,盛起。

5. 煎後的白飯魚會排出多餘水分。

6. 將蛋打發好,加入調味。
7. 將煎過的白飯魚,蔥粒及菜脯加入蛋液內。

煎蛋貼士

8. 加蛋液到平底鍋,略為整理蛋料,令蛋料平均分配。中火煎至金黃色。

21. 鎮江骨

材料:

金沙骨約六條

薑數片

紅蔥頭幾粒

鎮江汁

做法:

1.紅蔥切片;同時準備薑數片~

2.金沙骨解凍後洗乾淨,有需要的話可以切開兩段,用老抽1.5湯匙、魚露半湯匙、粟粉半湯及少許糖醃大約半小時~

3.下油將金沙骨兩面煎至金黃~

4.加入紅蔥片及薑片兜勻,直至炒至聞到好香嘅薑蔥味~

5.然後落鎮江汁料(大約三分二碗嘅份量)~

6.最後加少少水至蓋到肉面~

7.加蓋慢火煮8-10分鐘(要間中打開望一望,怕會乾水,咁就會好易燶啦),大約至收剩1/4汁後快手兜炒~

22. 鎮江醋雞翼

材料:

雞翼一磅

紅蘿蔔一條

蒜頭半粒

蜜糖

鎮江汁

做法:

1.雞翼解凍後洗乾淨,生抽1.5湯匙、魚露半湯匙及粟粉半湯醃大約半小時~

2.蒜頭拍鬆;蘿蔔去皮以滾筒式切塊~
3.下油將雞翼兩面煎至金黃~

4.然後加入蒜頭兜勻,直至炒至聞到好香嘅蒜頭味~加入紅蘿蔔塊~

5.落鎮江汁料(大約三分二碗嘅份量就可以)~

6.之後加少少水(大約加至可蓋過啲雞翼)~
7.最後加一粒冰糖~
8.待冰糖溶左之後就可以快手炒勻,同一時間就可以試一試味,有需要可以因應個人口味加鎮江汁/冰糖。

9.加蓋慢火煮8分鐘(要間中打開望一望,怕會乾水,咁就會好易燶啦),大約至收剩1/4汁料,就可以加入蜜糖,快手兜炒~

23. 電飯煲雞肉懶人飯


電飯煲雞肉懶人飯 材料:

白飯 一杯半
椰菜 1/4個
粟米 適量
雞扒 兩塊
芝麻油 少許
胡椒粉 少許
鹽 適量

懶人飯步驟:

1. 其中一塊雞扒去皮,無去皮個塊我哋先煎,用本身的雞油去煎扒


2. 每邊關蓋以超細火煎兩分鐘,煎好後放涼備用

3. 菜切碎同切雞扒


4. 洗米後大概放2倍水,水量去到3字,將所有材料一同放落電飯煲後再落少少芝麻油開始煲
5. 煲好就食得啦!

整雞肉電飯煲飯小貼士

**雞扒先煎香因為怕唔熟,如果薄的肉可以唔洗先煎

**2倍水煲出嚟既飯有少少濕,想食硬飯就落少D水
**拎起筋肉寶寶食的份量,我哋再落胡椒粉同鹽再焗焗先食
**配料其實想落咩都得,大家自行選擇啦

更多精選內容