黃翠如

黃翠如蕭正楠預演做人父母 被一眾藝人催生B

育兒

廣告

去年蕭正楠喺無綫台慶突然爆出一句「我要多謝,我太太黃翠如」,令婚訊曝光,佢哋自此之後就較更高調晒恩愛。最近,黃翠如嘅好姊妹吳天瑜誕下囝囝Danton,身為契媽嘅翠如當然孖埋老公飛到馬來西亞去探望啦,期間更不時上載佢哋兩公婆湊仔嘅相,唔知真係以為佢哋真係做咗人哋父母,不少藝人都起哄叫佢嘅快啲生返個!

撰文:Kammy|圖片來源:黃翠如Instagram蕭正楠Instagram

黃翠如蕭正楠預演做人父母

黃翠如嘅好姊妹、馬來西亞華裔小姐冠軍吳天瑜上月誕下囝囝Danton,身為契爺契媽嘅翠如就同老公蕭正楠隨即化身為湊仔婆、湊仔公,幫手照顧契仔Danton,仲喺咁上載對方湊仔嘅相同片,成個做人父母嘅冧樣出晒嚟!

黃翠如見到契仔Danton之後,忍唔住話因為佢嘅出現,搶走咗佢嘅閏蜜,令佢心變得酸溜溜,仲叫契仔要保護媽媽,十分搞笑!不過,喺相中都見到,其實翠如好錫呢個契仔!

黃翠如見到契仔Danton之後,隨即化身做慈母,見到BB個樣就冧晒!

面對BB喊個時,黃翠如仲有少少不知所措添,場面十分搞笑!

蕭正楠流露慈父樣

至於身為契爺嘅蕭正楠亦成個慈父樣出晒嚟,仲笑到四萬咁口,更搞笑留言:「哈哈哈哈哈…契爺係咪好靚仔呀…哈哈哈哈#canttakemyeyesoffyou #冧豬豬 #包包」

契仔Danton畀蕭正楠抱住,亦冧到爆咁望住佢,場面好溫馨呀!

被一眾藝人催生B

見到黃翠如同蕭正楠湊B湊到咁開心,一眾藝人隨即起哄,叫佢哋兩公婆快啲生返個!其中,好友姚子羚仲留言︰「幾有父愛😌,快啲生番個叫阿lim(曹永廉)做奶媽😂﹗」蕭正楠就回應︰「老廉個胸真的可以餵奶﹗」超搞笑!希望黃翠如同蕭正楠快啲生返個啦!