跑步影像企劃 RUN2CONNECT「父女篇」~絆

跑步影像企劃 RUN2CONNECT「父女篇」~絆

跑步,彷彿係種孤獨嘅運動。每位跑手都屬於獨立個體,擁有專屬自己嘅節奏向前跑,速度有快有慢,每步都散發住感染力,將人與人之間嘅步伐,一步步拉近、聯繫。

We Run To Connect。
長野知生(Nagano Chikao)係1名移居香港廿幾年嘅日本商人,而女兒長野邑香(Nagano Yuka)於香港土生土長,但日語依然係2人嘅母語,為到令邑香易於融入香港呢個既熟悉又陌生嘅環境,長野先生就開始帶同邑香一齊
跑步,從而展開兩父女嘅跑步人生。
「絆」,代表2人之間嘅1份深厚情誼、1份聯繫。
長野父女透過跑步,從此建立出無形卻深厚嘅感情,聯繫彼此。
run01

左:長野知生 54歲 跑齡:3年 日本商人,因健康而開始跑步習慣
右:長野邑香 11歲 跑齡:3年 生於香港嘅日本小朋友,於9歲時加入「飛達」跑會,進行專業跑手訓練,並且獲得多個獎項,現正準備參加三項鐵人賽

父女の絆
「女兒是父親的前世情人」,因疼愛,變作緊張,更成為嚴厲。父親嚴厲嘅態度,漸漸成為女兒與父親溝通嘅壓力。
邑香第1個跑步比賽,玩票性質下,喺100位選手中取得第6名佳績,得到跑會教練嘅賞識,開始專業訓練。由呢刻開始,父親與女兒角色對調,由當初女兒陪伴父親,轉為父親擔當「陪跑」重任。
對於當時只有9歲嘅邑香,高強度訓練絕對唔輕易,更萌生放棄念頭。作為父親,感到心痛嘅同時,亦唔想女兒斷言放棄,更希望邑香喺過程中學識堅持。人生如同 跑步,有高低起跌,但只要你唔停,困難嘅路總會過去,始終會成功衝線。不久,跑步成為兩父女專屬嘅溝通方式,並成為父親對女兒嘅支持及鞭策。

run02
父女の成長
儘管如何疼愛,都離不開某天,女兒放開父親嘅手,追求自己嘅一片天。
望住女兒跑得愈嚟愈快,超越自己,身為父親,百般滋味在心頭,一方面為女兒進步而高興,另一方面對孩子長大感到「無奈」,明白到女兒總有離開自己尋找理想嘅1日。但只有緊隨女兒嘅身後,邑香先唔會發現父親滿足嘅笑容,唔會自傲,更可以無憂無慮向前奔跑,因為佢清楚知道,身後有個強大嘅後盾,默默咁看顧及保護自己。雖然於步速上嘅距離愈嚟愈遠,但父女間嘅關係卻愈見親密,產生出無形嘅默契。

run03
父女の夢想
「我想參加2020嘅東京奧運,做個全職嘅跑手!」
當邑香講起呢個聯繫世界嘅體壇盛事,稚氣嘅樣貌流露出興奮堅定嘅眼神。而呢日,亦同樣係父親嘅夢想。邑香抵抗得到實現夢想前,無數嘅誘惑同藉口嗎?「我絕 對唔會放棄跑步,更唔會放棄夢想!因為唔單止係放棄咗個機會,更係錯失咗俾自己成長及發展嘅過程,所以我會繼續努力。」長野父女之間嘅「絆」就係透過跑步 緊緊相扣,每次比賽都係大家一齊努力嘅證明。

更多精選內容