【鐵探】 御用惡人林敬剛 感激老婆不離不棄

【鐵探】 御用惡人林敬剛 感激老婆不離不棄

電視劇《鐵探》不經不覺間已經去到尾聲,劇中有演技出眾嘅藝人坐鎮,包括有三屆金像影后惠英紅、金像獎「最佳男配角」姜皓文等,不過「牡丹雖好,終須綠葉扶持」,戲中飾演營長(吳廷燁飾)嘅手下「阿喱」嘅林敬剛,喺《鐵探》入面追殺小朋友、以及要自割耳仔一幕都睇到人非常緊張!林敬剛入行25年,但星途暗淡,多年都只做閒角。雖然都曾經因自卑而流淚,但幸好有太太陪伴,更支持佢追夢,令林敬剛冇放棄自己嘅夢想。

撰文:Kammy|圖片來源:林敬剛Weibo,節目截圖

電視劇御用惡人林敬剛

「林敬剛」呢個名相信大家都好陌生,聽完名都冇印象係邊個嚟,但如果講喺《鐵探》中演營長手下「阿喱」,有追電視嘅人就一定知係邊個!現年49歲嘅林敬剛,當年被李修賢睇中拍電影,繼而於1994年正式入行。林敬剛曾經係電視台「親生仔」(經理人合約),不過發揮機會唔多,當年更一度要還騷而唔開心到失眠。

林敬剛
「林敬剛」呢個名相信大家都好陌生,聽完名都冇印象係邊個嚟,但如果講喺《鐵探》中演營長手下「阿喱」,有追電視嘅人就一定知係邊個!

林敬剛曾經講過羨慕其他同事有發揮機會,仲有諗過如果係自己做一定會做得好好,可惜佢多年來都只做閒角,唔係演老實人就係專演壞人。不過,林敬剛演戲團火一直都冇熄過,就算戲份唔多都會設計角色造型,同設計對白語氣,即使未必有人留意到,但對佢嚟講都要做好自己本份,十分敬業!

林敬剛
林敬剛曾經講過羨慕其他同事有發揮機會,仲有諗過如果係自己做一定會做得好好,可惜佢多年來都只做閒角,唔係演老實人就係專演壞人。

《鐵探》演黑幫追殺小朋友

今次林敬剛喺《鐵探》中做越南黑幫,一擺起個樣就已經入型入格!戲中因姜皓文養女黃學盈有佢同楊潮凱軍火交易嘅證據,佢就不斷出手想殺死黃學盈,每次出場都流露兇狠眼神。

林敬剛
林敬剛喺《鐵探》中做越南黑幫,一擺起個樣就已經入型入格!

其中一幕,講到林敬剛喺後巷度埋伏黃學盈,雖然只係同個小朋友喺度打交,但劇情都十分緊張!即使黃學盈用刀插林敬剛嘅腳,意圖逃走,但最終都被林敬剛制服。

林敬剛
林敬剛喺後巷度埋伏黃學盈
林敬剛
即使黃學盈用刀插林敬剛嘅腳,意圖逃走,但最終都被林敬剛制服。
林敬剛
林敬剛流露兇狠眼神!

仲有一幕係值得一提,就係其後林敬剛被發現唔聽命令,吳廷燁因為咁而要求佢自割一隻耳仔,雖然最尾都畀姜皓文阻止,但唔少人都因為呢場戲而讚佢演技出眾!事關林敬剛當時攞住把刀冇出聲,但就將刀慢慢移向自己耳仔方向,單靠其表情同眼神配合,唔講唔知以為真係會割落去!

林敬剛
林敬剛被發現唔聽命令,吳廷燁因為咁而要求佢自割一隻耳仔
林敬剛
唔少人都因為呢場戲而讚佢演技出眾!
林敬剛
林敬剛當時攞住把刀冇出聲,但就將刀慢慢移向自己耳仔方向
林敬剛
唔講唔知以為真係會割落去!

林敬剛被何佩珉殺死個集,雖然唔少觀眾都睇到大快人心,但其實林敬剛喺個場戲花咗唔少功夫,就算死都用最後一口氣去問個究竟,佢個「死唔眼閉」嘅樣做得十分逼真!

林敬剛
林敬剛被何佩珉殺死
林敬剛
林敬剛就算死都用最後一口氣去問個究竟
林敬剛
呢個「死唔眼閉」嘅樣做得十分逼真!

曾一度迷失 感激老婆不離不棄

林敬剛至今已經入行25年,入行前係個警察,但最終就因為自己個演藝夢,毅然放棄呢個鐵飯碗。林敬剛多年嚟一直都等待每一個機會,對佢嚟講只要有一場戲就會捉緊嚟演。

林敬剛
林敬剛至今已經入行25年,入行前係個警察,但最終就因為自己個演藝夢,毅然放棄呢個鐵飯碗。

雖然林敬剛一直都好敬業樂業,但都有試過迷失,覺得自己好冇用、自卑,更因為咁而流下男兒淚,但好彩一直以嚟老婆都對佢不離不棄。林敬剛同老婆已經結婚14年,但太太一直都冇埋怨過佢做咩角色,唔介意佢去追夢:「而家唔開心會同老婆講,佢係我唯一傾訴對象。」

林敬剛
雖然林敬剛一直都好敬業樂業,但都有試過迷失,覺得自己好冇用、自卑,更因為咁而流下男兒淚,但好彩一直以嚟老婆都對佢不離不棄。

關鍵詞
林敬剛

更多精選內容