滑梯

【生仔要考牌】玩滑梯推跌人後逃走 小朋友慘被推跌斷手

熱話

廣告

好多小朋友都會喺公園玩,有網友於Facebook群組分享小朋友於公園被陌生小朋友推跌致受傷嘅事情,被譽為「生仔要考牌」的典範。

撰文:KM|圖片:《澳門連登討論區

【生仔要考牌】玩滑梯推跌人後逃走

有網友於Facebook群組《澳門連登討論區》分享數張相片,表示小朋友玩滑梯嘅時候,被其他小朋友推跌,當時小朋友跌喺地下,不但無人幫手報警,亦無人扶起、關心,而嗰位推跌人嘅小朋友亦逃走咗。

送院治療後,醫生表示斷咗兩條手骨,要做手術,打石膏。家長就事件希望推人嘅小朋友同其家長可以出現道歉。「我地做手術,住院,治療費,復診,真係用左好多錢,我唔要求個個小朋友家人負責咩賠償,我地只係希望同我個小朋友講反(返)聲對唔住!」

家長回應全文:

「我係圖中小朋友的家長,我承認我同我工人都有責任,亦好傷心,但其實成件事係我工人本來係同我個細BB落公園玩,跟住咁岩我個大仔起身,就話想一齊落公園,而我仲係瞓緊覺,我聽我個仔同工人講,係我個仔爬上滑梯度,啱啱坐上去,可能後面個小朋友心急想快啲玩,就一手推咗我個仔落地下,推人個小朋友可能太驚即刻走左,我個仔係地下嗰時係真係冇人幫手報警,無人扶起,無人問咩事,但有好多人圍觀,可能真係事不關己,高高掛起,因為我都有問我個仔同工人既口供一唔一致,我個仔認得個小朋友係男仔,着黃色衫,短褲,我工人嗰時係抱住我個細仔,係有睇實我個大仔玩,但我想講有時你睇住個小朋友,都會發生呢啲事,意外嘅嘢真係好難講,後面個小朋友有心推你,你都一樣會跌倒,當下你又會點解決呢?我林你地都會好徬徨,好無助,即刻睇下個仔咩事先,跟著我工人即刻送返佢返屋企再同我講話斷左隻手,我即刻call白車,去鏡湖做手術,醫生話係斷咗兩條骨,要做手術,打石膏!

我地做手術,住院,治療費,復診,真係用左好多錢,我唔要求個個小朋友家人負責咩賠償,我地只係希望同我個小朋友講反聲對唔住!

其實,呢個世界就係咁,針唔吉到肉系唔知痛,唔發生係自己小朋友身上,就會話人點點點,有好多人發生左之後就會話父母點樣…你有咩責任,你應該要點睇實,你應該要點樣湊小朋友,你做咩唔跟住,其實我非常怪責自己,好心痛💔,身為父母發生呢件事係好傷心同好氣憤,每一個人都唔想發生呢件事,成件事係人為做成的😡,我出po係想講,如果大家都無同理心、公德心,就算一條普通滑梯都會出事,推小朋友嘅父母要知道,被推嘅小朋友係會有好大傷害😭,隻手斷咗好多嘢都做唔到,冇得返學,冇得自己自理能力,將來,唔知會唔會有後遺症,因為駁返條骨都有可能會移位,同埋要做物理治療,我真係好唔希望有下一個小朋友會發生,真係希望我個仔快啲好返」