【台北親子遊】超放電日本主題室內遊樂場 | 免費着和服+任玩角色扮演

【台北親子遊】超放電日本主題室內遊樂場 | 免費着和服+任玩角色扮演

台灣經常都會落雨,所以本身計劃咗好多戶外活動都要馬上取消。今次嘅台北親子遊,我哋一行四大兩小一個BB。所以行程上,絕對以小朋友為主。今次再來一個超好玩,超放電,男孩女孩都好鍾意嘅室內遊樂場,餐廳入面仲有小餐廳。

撰文:和牛b的成長日記|編輯:KM

【台北親子遊】超好玩日本主題室內遊樂場

台北親子遊

遊戲區足足有24個主題玩樂遊戲,遊戲有動又有靜,呢到足夠小朋友玩數小時。

台北親子遊

台北親子遊

我今次要介紹嘅係「貝兒絲樂園」,真心超好玩!!
場內仲以日本文化為主題,場內仲有提供兒童和服免費穿,每個小區主題都有唔同嘅服飾~

台北親子遊

場內最吸引就係每間唔同主題嘅小屋,小屋入面除咗有齊相關配件,仲有唔同嘅角色扮演服裝。

台北親子遊
台北親子遊

^ 扮忍者,仲有小型波波池,仲有忍者衫~

除咗有商店街,仲有日本祭典造型;

台北親子遊

台北親子遊

^ 壽司都非常精美,真嘅一樣!!


^ 甜品店嘅老闆,可以扮演沖咖啡、冬甩、甜品。


^ 日本拉麵檔,材料超齊全呀!!!

日本澡堂,進入澡堂又係小朋友最愛嘅波波池呀~


小朋友仲可以扮警察,有齊唔同配備俾小朋友揀嚟用~

與音樂有關嘅主題房

仲有男生最愛嘅車車、工程師。

亦有女生最愛嘅咪露公仔~

^仲有Poli Car嘅小型機動遊戲

除咗角色扮演有關嘅主題之外,仲有讓大家發揮想像力嘅札幌嘅雪地玩雪,有好多小工具可以用。

遊戲區入面白色嘅「雪」係白色嘅膠珠,家長要留意幼兒進入遊戲區會否吞服。

除咗玩「雪」之外,仲可以玩水,遊戲區除咗有大、小拖鞋俾家長及小朋友穿著進入外,仲配有防水衣俾小朋友穿著。

撈金魚遊戲,留意小只係膠魚~

必影靚相位,穿上和服影就更加靚。

仲有好多唔同尺碼嘅公主衫、表演衫可以免費著,有Elsa、Anna、白雪公主等。

無限放電嘅區,波波池、滑梯、彈床仲有小迷宮。

^ 三色滑梯


^ 仲有黃色波波池

^ 盡情放電嘅和牛B。


^ 樂園仲有工作坊可以報名參加

^ 仲有電子遊戲機

呢到亦適合幼兒玩,有一個幼兒區有各式各樣嘅玩具,以及圖書。

櫻花食堂
而「貝兒絲樂園」仲有餐廳,座位唔算多,係自助形式。
落單可同入場嘅職員點餐,然後自取食物、餐具、飲品。
**餐廳截單時間比樂園收得早,如果夜晚去又想食埋飯嘅話,建議先同職員查詢仲可唔可以落單先好入場了。

餐牌選擇唔算好多,我哋點咗4份餐。


炸物拼盤 (NT220)、菠菜起司雞丁義大利麵 (NT160)


蘑菇里肌燴飯 (NT170)、紅燒紅酒牛腩飯 (NT180)

餐廳入面仲有提供風筒、叉電區。

入場費:
店員建議我哋申請一張儲值卡,價錢為NT3,600,儲值形式我哋一行7人入場,相比起按人頭收費更划算,抵玩。
儲值卡嘅點數,仲可以扣除食物費用,亦無限年期。
申請一張儲值卡之後,下一次再來台灣都仲可以使用。

【貝兒絲樂園。南港店】
地址:台北市南港區忠孝東路七段371號B1AF (南港環球購物中心) (捷運南港站2A出口)
營業時間:11am. – 9pm.

————————————————-
Facebook專頁:和牛B嘅成長專頁

Instagram:wagyubmami

更多精選內容