黃長興 中英法三語教女

黃長興 中英法三語教女

法籍港男黃長興(Stefan)外形半唐番,經常扮演外國回流的靚仔角色,現實中他升呢做型爸了!去年與太太Peggy 誕下女兒黃晞桐 (Paige),恨女恨到發燒的他終得償所願,面對着一歲女兒,仍然難掩初為人父的喜悅。他坦言之前工作太忙忽略了湊女,令
囡囡八個月時不肯跟他,傷透他的心,決意調配好工作修補關係,更三語齊下加強溝通,尤其是他的母語中文及法文,每晚臨瞓必講bisou(錫錫)及faire dodo(睡覺),囡囡已開始識聽,對她說bravo(恭喜、好嘢)都識拍手掌!

兩人都喜歡熱鬧家庭,希望兩三年後追多個仔。
兩人都喜歡熱鬧家庭,希望兩三年後追多個仔。

阿女唔肯黐爸爸

去年囡囡剛剖腹出世時,Stefan見到她的手腳及五官齊整,皮膚又白又滑時,激動得差點流下男兒淚。頭三個月他有落手落腳湊,餵奶換片做到足,但三個月後開始忙拍劇及餐廳生意,錯過了不少父女溫馨時光,到囡囡八個月大開始認人,他醒覺要多放時間在女兒身上。「當時佢完全ignore我,唔肯跟我,.陣我好擔心,死喇我一定要多.返屋企陪佢,如果唔係佢就唔黐我。睇番呢一年我係冇真真正正湊女,我錯過咗佢第一次食粥仔,換片亦好耐冇換,但掉番轉我都開心佢黐媽咪,係好應該嘅。」

Stefan出招對囡囡又玩又氹,在囡囡睡覺前盡快返家,開始扭轉局面,囡囡終於肯讓他抱,令他放下心頭大石。工作與家庭之間,必須平衡得好。

Paige八個月大時覺得爸爸好陌生,一度不願跟他,如果爸爸餵奶換片會郁來郁去,面露不悅,迫使他急急調配工作改善關係,三個月後父女感情好轉。
Paige八個月大時覺得爸爸好陌生,一度不願跟他,如果爸爸餵奶換片會郁來郁去,面露不悅,迫使他急急調配工作改善關係,三個月後父女感情好轉。

聽自己留言學廣東話

不經不覺,Stefan已入行十年, 餐廳生意愈做愈大,正計劃開分店,不過演藝事業未有突破,第二個十年他不求上位做主角,但希望能多做有發揮的角色。「以前我覺得拍劇梗係最好做主角啦,依家就無諗要做主角,希望先嘗試多元化角色,做好人、做奸人都好,最緊要有得發揮。我覺得自己應該擺多啲心機喺演藝方面,因為我唔喺香港長大,有時老婆叫我睇番自己啲戲,點解做成咁嘅?佢對我係最中肯,初初我都唔係咁接受,但發覺有時唔單止拍得唔好,自己都準備不足,無論拍乜嘢都應該做足功課,人哋先會睇得出我嘅努力。」

為了在港生活及工作,他最堅持一定是學好廣東話,唔識講到識,十年間進步神速,他覺得仍未夠好,「自己聽番仲有啲口音,有時用WhatsApp、微信send voice message,自己可以聽番自己講嘢,有時覺得自己講嘢好奇怪,原來某個字講得唔正喎,我要留意番。」

法國英語程度淺

已紮根香港的Stefan不打算返回法國,希望囡囡在港成長,與爸爸一齊學好廣東話,「我同佢講法文同中文,老婆就講中英文。」講得法文多,囡囡開始識聽簡單詞語,「好似bisou錫錫、bravo拍手掌好嘢、faire dodo瞓覺、au revoir拜拜,仲有問吓佢c’est qui邊個嚟架?佢都識俾反應。」

法國人一向對自己語言好驕傲,不太接受英文,令法國整體英語水平差,但Stefan自小對英語有興趣,一直用功學習。隨.時代轉變,法國人都開始跟隨潮流,不能再固步自封。「以前法國人覺得法文比英文重要,中學英文堂只係一星期兩小時,程度又淺,咁點會學好英文呢?不過聽朋友講依家日日都有堂喇。」去旅行與法國人講英文,多數耍手擰頭轉身走,但今時不同往日,「佢rd 7一向覺得國家同法文都好powerful,絕對唔會輸俾英文,但事實英文係八達通,所以依家你去法國問一句excuse me,以前會話no English,依家即刻yes!」

Stefan正打算為女兒報讀playgroup,蒙特梭利教法是考慮之一。
Stefan正打算為女兒報讀playgroup,蒙特梭利教法是考慮之一。

絕不回流法國讀書

Stefan約五歲就移民法國讀書,他指當地教育簡單,升學政策是就近入學,邊間學校近就讀邊間,公立學校由幼稚園到大學都是免費,Stefan與弟弟長發皆出身於公立學校。法國教育福利好,校風自由,學生讀書毫無壓力,卻不懂珍惜讀書機會,所以他絕不會送囡囡返法國讀書,「讀書唔使交學費,所以學生唔志在讀書,我唔想佢太free。」

想當年讀書無拘無束,兩兄弟間中瞞着父母逃學打波,又「抄考」同學功課,「唔鍾意啲課程,有時會逃學做運動、打乒乓波,功課就交齊嘅,借朋友啲功課參考吓、改寫吓。」他不想囡囡步他後塵,但他不熟悉香港教育,交由太太Peggy全權負責,現正處於選擇本地或國際學校的交叉點,她說:「我哋偏向local,想佢學好中文同紀律好啲,國際學校好free,我自己都係讀國際學校,曳起上嚟真係好曳,學得好壞,但讀local我哋驚應付唔嚟,我哋兩個唔識教功課,所以好矛盾。」

爸爸講中法文、媽媽講中英文,Paige將會是一個精通中、英、法三語的小朋友,將來學習及工作的路會好行得多
爸爸講中法文、媽媽講中英文,Paige將會是一個精通中、英、法三語的小朋友,將來學習及工作的路會好行得多

長發八月做老襯

Stefan與Peggy正計劃生第二胎,坦言希望追仔湊個「好」字,待囡囡兩、三歲較獨立後,就會開始努力,「如果下一胎係仔就收工喇,如果係女,我哋唔介意再追多個,生三個都OK。」Stefan喜歡大家庭,自己都是四兄妹,他排第二,與大哥差四年,與弟弟長發差六年,還有一個細妹差十二年,「細妹出世我都有幫手餵奶換片,有時望番細妹細個個樣,同囡囡都似似哋呀!」至於大哥生了三個,加上自己個女,四個小朋友可以一齊玩。而長發眼見兩位哥哥有幸福家庭,已計劃今年八月迎娶捷克籍女友,在女友家鄉布拉格行婚禮,希望盡快組織家庭,Stefan說:「外國人思想係想早生BB,唔同亞洲人,所以法國人都係廿歲左右生仔,我相信佢都會婚後生小朋友。」

黃長發去年10月向捷克籍女友求婚成功,今年8月將拉埋天窗。
黃長發去年10月向捷克籍女友求婚成功,今年8月將拉埋天窗。

想囡囡做律師

對於囡囡的將來,Stefan目光頗遠大,希望囡囡做律師,「大律師、事務律師都得,講嘢有紋有路,我覺得囡囡性格都幾有權力,呢類型嘅工作幾啱佢,又可以貢獻社會。」好多工作例如醫生都有貢獻㗎?「醫生都好,不過好難,要栽培吓先得。」

他覺得如果父母對子女的將來有期望,不能太放手任他們自由發展,可以嘗試從旁引導,「如果當初我父母知道我要做咩工作,可能會push我去行嗰條路,有機會去做嗰份工作;如果由得仔女發揮,讀書揀科都唔知點,所以如果父母想仔女做醫生,可以引導一條路。」或者最後發現囡囡遺傳了爸爸的演藝天份,Stefan都不會反對入行,「只要佢係有talent,阿爸一定會支持佢。」

Paige非常為食,尤其喜歡食麵包,爸爸為氹她影相經常餵麵包粒,笑言好像「餵雀」。
Paige非常為食,尤其喜歡食麵包,爸爸為氹她影相經常餵麵包粒,笑言好像「餵雀」。

撰文:Ling
攝影:Paul Choi(部分相片由受訪者提供)

更多精選內容