工人姐姐因事請辭回鄉 車婉婉瞬間變傻婆:面對嚴重打擊

工人姐姐因事請辭回鄉 車婉婉瞬間變傻婆:面對嚴重打擊

藝人車婉婉於2017年,係佢42歲個時為中澳混血老公Jonathon誕下混血B仔Justus(乳名:BBQ),正式升呢做媽咪。最近,正忙於拍攝新劇嘅車婉婉,本身已經少咗時間去照顧囝囝,仲突然遇到大難題,就係一直照顧BBQ嘅工人姐姐因家有急事而辭職,更爆出BBQ有可能患上分離焦慮症(Separation Anxiety Disorder),情況令人擔心。

撰文:Kammy|圖片來源:車婉婉Instagram車婉婉Facebook

工人姐姐請辭 車婉婉瞬間變傻婆

車婉婉現時正忙於拍攝新劇《大醬園》,老公Jonathon亦忙於教水,照顧囝囝BBQ嘅重任一直都係交由家傭Gemma去照顧。不過,由於Gemma因為家中有事必須要回鄉,對於車婉婉嚟講係「面對嚴重打擊」。

車婉婉
車婉婉一家三口
車婉婉
車婉婉現時正忙於拍攝新劇《大醬園》

車婉婉喺社交網分享一家三口同工人姐姐嘅合照,並留言:「相中就是她臨行前的合照,仔細睇真BBQ一副懵然不知嘅面孔背後,就係Q MaMa笑中含涙的Goodbye…..」車婉婉又指,工人姐姐走咗之後,自己就變咗成個傻婆咁,因為要打理家頭細務同照顧BBQ。

車婉婉
車婉婉喺社交網分享一家三口同工人姐姐嘅合照

囝囝疑患分離焦慮症

由於家傭Gemma由細睇到BBQ大,所以同工人姐姐分開之後明顯有啲唔習慣。車婉婉表示,BBQ似乎患上Seperation anxiety(分離焦慮)症。所謂嘅分離焦慮症,其實係離開所依附對象時,會產生過度的焦慮。車婉婉透露:「尤其午睡醒來一直哭,好像好可憐的週(周)圍望,輾轉反側…. 好彩呢兩日Q MaMa咁啱唔洗(使)返工,可以安撫BBQ先生,咁搞法我可能要帶埋佢一齊返大醬園先掂😅」,情況令人擔心。

車婉婉
車婉婉透露,BBQ似乎患上Seperation anxiety(分離焦慮)

車婉婉續表示:「在此,多謝Gemma姐姐在這段日子對Q氏的照顧,仲有對BBQ先生的愛護,我們希望妳的問題得以解決,We will miss u❤️﹗#挑戰不斷 #不斷挑戰 #人生課題一浪接一浪 #BBQ日日起身周圍望 #seperationanxiety #大醬園請唔請童工 #真係要外援 #祝姐姐好運 #祝Q氏有好嘅姐姐順利降臨」,希望Q氏一家快啲請到個新嘅工人姐姐,同埋BBQ快啲平伏心情啦!

車婉婉
車婉婉透露,BBQ依家日日起身周圍望,睇嚟係掛住工人姐姐
車婉婉
車婉婉搞笑地話睇嚟要帶埋BBQ去開工

更多精選內容