【濕疹BB啱飲】自家製袪濕定驚茶

【濕疹BB啱飲】自家製袪濕定驚茶

踏入初夏,又到轉天氣季節,細佬B過左一歲後,濕疹雖然好左好多。但佢既皮膚就有如天文台,見到佢面部開始有紅疹,又或者癢癢的狂抓關節,即預告未來幾天將會落雨。所以,濕疹B媽媽記得幫小朋友定期祛濕

撰文&圖片:米高媽媽 | 編輯:Chloe

濕疹必飲 自家製袪濕定驚茶

所以作為濕疹B媽媽絕對不能鬆懈 ,因為小朋友平日其實好易接觸到致敏原,如塵蟎、蝦、蟹、牛奶、化妝品、清潔劑、紫外線、動物毛髮等。

濕疹

濕疹B媽媽除左可建議根據之前文章分享所提及既日常生活注意事項,最重要記得:

  • 關節部位應保持乾燥 洗澡後記得為皮膚保濕
  • 儘量避免接觸化學洗滌用品
  • 保持睡眠充足
  • 飲食清淡而健康
  • 保持大便通暢 確保腸道健康
  • 另外仲可以靠食療養好身體

終極目標當然係為BB踢走濕疹,所以閒時就會煲自家製袪濕茶俾家中大寶貝清一清體內濕毒。

今次同大家分享兩款自家製袪濕茶

  1. 冬瓜無花果薏米水
  2. 燈芯草定驚祛濕茶

1. 冬瓜無花果薏米水

濕疹

材料非常簡單,只需加約2L水,煲45分鐘左右就完成。因為無花果已經天然甜,所以冇添加任何糖份,天然甜已經好好飲。

濕疹

包包同細佬B都有追飲,由於利尿關係,所以飲完會發覺小朋友去多左洗手間,無需擔心。

濕疹

2.燈芯草定驚祛濕茶

唔知你地D小朋友夜晚訓覺,半夜會唔會旭手旭腳,發開口夢,又或者大叫大喊。我家包包就經常性半夜踢黎踢去,哭鬧大叫…..

只怪小朋友腦部發展太活躍,專家話佢地夜間訓覺時,大腦會重組日間活動片段。從而令小朋友夜晚偶然會喊叫,甚至哭鬧,如嬰孩更會因為早上受驚或肚風導致半夜哇哇大叫。

有見及此,請教左專業陪月,喺坊間買左包燈芯草定驚祛濕茶懶人包。

濕疹

煲俾小朋友飲 ,當然要了解當中既材料啦。

只要將材料洗淨,煲45分鐘-1小時就完成。由於乾蓮蓬會有苦澀味,所以最後15分鐘,就加左半磚片糖。

(中醫角度: 片糖有解毒功效 煲完都係微甜 所以大可放心飲用)

濕疹

濕疹

濕疹

小朋友可以暖暖飲用,如一大煲全家一日內都飲唔完 ,可以放入雪櫃冷藏。大人夏天凍飲哩款自家製祛濕茶,一定健康過飲紙包飲品。

濕疹

溫馨提示:

*飲用涼茶前,記住要因應BB體質 。

大人都要注意,特別係孕媽媽不能飲用 。

如BB健康正常 ,可俾小杯量試飲 。

而涼茶屬性偏涼,不宜經常飲用 。

更多精選內容