【夫妻關係】研究:男人原來都有月經周期  另一半情緒隨時響警號

【夫妻關係】研究:男人原來都有月經周期 另一半情緒隨時響警號

大家有否想過男士心情也會影響夫妻關係?女士們每個月總會有幾特別心浮氣燥,更可能會變得無理取鬧,只因月經來襲,但原來有研究指出男人也有他們的「月經周期」,同女人一樣某幾天會特別煩燥。要保持良好夫妻關係,各位女士記得都要留意住男一半幾時「嚟月經」,以及留意以下夫妻相處之道喇!

撰文:Kammy|編輯:YCL|圖片來源:Instagram、新傳媒圖片庫及劇照

研究:男人月經影響夫妻關係

相信唔少女士都會明白,每個月都總有幾日係會心情突然煩燥。不過,近日就有英國研究指出,原來男人都會同女人一樣有「月經周期」,一樣會無啦啦覺得疲倦同燥底!

研究
有英國研究指出,原來男人都會同女人一樣有「月經周期」

研究指出,有25%嘅英國男性都覺得自己有「男人月經」,每個月總有某幾天會情緒失調,如急躁、疲勞、情緒低潮等,影響夫妻關係。

【夫妻關係】研究:男性都有「月經周期」易心情煩燥

58%女性認同男性有以上問題

除咗男性覺得自己有「男人月經」外,研究指原來有58%女性都認同呢個現象!研究就解釋,因為大家都係受荷爾蒙影響,所以帶嚟負面嘅情緒。夫妻關係

不過,由於男人由細到大都被教育為要堅強同冷靜咁處事,就好似女仔一定係溫柔體貼咁,所以好多時男人都會壓抑住自己嘅情緒同疲勞等,以免影響夫妻關係。

夫妻關係

延伸閱讀:婚姻的愛是:想殺但是沒有殺了他,想走卻還是跟他過日子

男性「月經周期」時易感飢餓

另外,除咗情緒問題之外,原來男人嘅「月經周期」都會覺得攰同容易有水腫問題,而且會同女人一樣,易感到飢餓同好想食甜嘢,好似朱古力、雪糕、甜品等。研究指出,男人喺「月經周期」時,花費喺零食方面嘅錢比平時多63.69英鎊。

夫妻關係

應多關心對方 促進夫妻關係

每個女人喺月經周期時都會希望有人關心同體諒,其實男人都一樣,好多時男人為咗唔畀人話「唔成熟」、「成個女人咁」,所以好多時都會忍氣呑聲。不過,研究指出,如果過份無視真實情緒嘅話,好容易會有更嚴重嘅情緒問題,好似係抑鬱症、暴力傾向等,對夫妻關係百害而無一利。

夫妻關係

因此,女士們記得要畀安慰同支持對方,記得要喺呢幾日多多包容另一半,皆因一段好嘅夫妻關係要互相遷就!

夫妻關係

更多精選內容