室內遊樂場Dearmer 夢幻波波池 玩濕身遊戲
今日, 我們走到觀塘鴻圖道一工廈的室內遊樂場Dreamer, 4小時笑不停喪玩, 原來開Party真的很興奮~
大會有提供雨衣, 小貼士: 黃雨衣較橙雨衣防水程度高很多的呀! 換上雨衣, 我們便分成兩組, 一決高下。
我和Raymond 一組，決戰Erie三人組，究竟那一組會變成落湯雞呢?
結果, 竟然2對3也是我們獲勝, 原來只要2合力共踩至400分/ 3人則是600分便勝。穿了橙色雨衣的舅仔說:「哎呀! 全身濕晒, 入面都濕埋, D水係肚個窿入晒…係咪有風筒㗎?」(唔洗擔心，大會有風筒提供的)
波波池扮美人魚
超大海洋主題波波池, Erie一早已經腑視擔擔… Erie:「我要著埋美人魚拍卡, 你哋唔好同我爭呀!」
我當然明白ig逹人要大量相進行呃Like 行動, 所以, 我也學達人打卡…本來我也想一家三口走上大貝殼合照, 可惜我們一家太重了。
波波池上有超靚吊燈多色大波波, 如果我有更廣角的鏡頭就更加好啦~
大人愛打卡, 不過SY一早已經走了去玩VR體感遊戲機, 他選擇了最有離心感覺的滑雪機. 一左一右如同划艇的SY:「點解我向唔到前嘅?」
我:「梗係啦, 你都未滑過雪, 因為滑雪係兩隻手一齊發力向後撐㗎，」 SY:「係咩…一齊撐呀…係喎…得啦喎…Yeah..,快d快d快d。」
街機＋夾公仔＋乒乓波機
作為一間室內遊樂場，又點少得遊戲機呢？舅仔與SY玩完VR, 兩人又走了去打街霸, 春麗Vs阿龍, SY:「我今日一家要用阿龍, 因為我同佢都係紅色衫。」 (結果, 只玩過數次街霸的小朋友, 連續3次敗給9年沒有接觸過春麗的舅父)
之後, 我們便用$5去換代幣, 進行夾公仔大挑戰。
結果, 連店員也忍不住口幫忙說:「你哋可以用二收方法, 我哋個爪唔洗點甩都得㗎。」
最後, 竟然由自稱是夾公仔高手的阿太夾出…絶對有理由相信, 她一定是行運醫生醫病尾啦!!
夾公仔機旁邊有一台幻彩乒乓波機, 雙方互拋乒乓波, 看看誰最快可全部拋入杯.
這個遊戲最特別, 最推介就是一定要關燈後才進行, 因為實在太迷幻, 太美了…SY:「爸爸! 部機則邊仲有個吹風機, 你睇…可以好快吹乾個乒乓波㗎…等我再整濕D先…」(吓? 咁都得?)
飛鏢機最多4人同時玩, SY最愛射擊遊戲, 特別是可以有機械幫你計分數的, 雖然這個沒有獎品, 但這4位朋友也戰鬥得如火如茶~
將最原始雅達利乒乓變成為實體機, 連名字也大大隻字寫著Atari Pong Table, 真的很想唱:「由不是80年代 寂寞芳心的愛」1對1扭動遙控杆, 秘技就是要轉得快手, 接不到波便輸.
SY:「我有45分, 媽媽你得15分」; 店員:「唔係呀! 嗰個係個鐘嚟㗎」(笑死咗)
美式桌球-對於沒有人懂「篤波」, 但又很想手執「CUE掍」作狀的朋友們, 呃Like容易, 打中難呀!!
我忽然想到秋官:「牛肉加蔥花 要烏冬嗎 照燒啲雞柳又試下」….(我當然知香港料理不是桌球天王主題曲)
室內遊樂場都可以唱K
一曲歌王SY, 與Erie合唱完「陪著你走」, 之後9秒9走了去跟舅父打Switch, 嘻嘻哈哈的不停在鬥Mario Party。
結果, 引得本來不停在合唱的小情侶, 也放下咪, 4人齊齊鬥Mario Party… 我:「Erie點解你哋唔繼續唱嘅?」; Erie:「我哋識唱嘅合唱歌都唱晒啦, 好似玩Switch好玩好多咁」
我問店員這室內遊樂場有多大, 她答超過4000呎, 難怪他們連充氣彈床瀡滑梯也可以擺放…店員:「因為一陣有人包場, 所以我哋先開個充氣瀡滑梯出嚟, 平時無嘅」(真係Lucky, 店員又畀我哋上去玩兩轉)
我們今次$188 /4小時沒有食物 +$20可以任飲飲品, 如果每人$279就是連到會+飲品…SY:「吓? 咁快4個鐘頭啦? 我仲想玩喎」(無辦法啦~之後有人包場, 下次我哋玩多幾個鐘囉…玩得開心時間都過得特別飛快)
Dreamer室內遊樂場
電話: 63891286 / 9323 6892☎
地址:九龍牛頭角鴻圖道28號 5樓全層
(牛頭角港鐵站B6出口)
費用: 每位HK$188/4hrs or $279/4hrs 連到會+飲品 (加時每人+$50/每小時)
大小同價，三歲以下免費
飲品每位加$20任飲
8位起可包房
60位起可包場
夾公仔 $5 (代幣)一次 ~ (Like Dreamer FB 可得2個代幣)
