童顏

「童顏」拍攝特效風靡演藝圈 你又認到幾多個?

娛樂

廣告

圈中有唔少擁有童顏嘅藝人,佢哋個樣十年如一日,好似唔識老咁!如果冇童顏樣咁點算?咁就可以靠下電話App啦!近日有唔少藝人爭相玩呢個童顏特效拍攝功能,將自己個樣隨即變細十年,效果非常搞笑!依家就同大家細數有份玩嘅藝人,睇下你哋又認到幾多個啦!

撰文:Kammy|圖片來源:Instagram、張繼聰Instagram古巨基Instagram

童顏拍攝特效風靡演藝圈

男藝人篇

1.古巨基

本身已經擁有童顏嘅古巨基,玩完個拍攝功能之後,仲將啲相同佢細個嘅相做對比,睇真啲真係一啲分別都冇!

2.張繼聰

最近好勤力練肌肉嘅張繼聰,一玩呢個童顏特效,隨即變咗個小朋友喺度做gym,佢仲不斷做唔用嘅報怪表情,十分搞笑!

不過,張繼聰一分享呢張樣就粉粉引嚟唔少好朋友留言,方力申就話:「好想講粗口」,而老婆謝安琪就係度講笑話:「細個嗰陣時靚仔咁多嘅😂🙈」,仲話辛苦揸機個個人,其搞笑對話引嚟唔少網民讚好。

3. 森美

森美玩完之後,就叫自己做「小森美」,仲話:「好得呀!係充滿明天、有將來嘅小森美呀!」其後更上載自己扮同人嗌交嘅片,留言指「唔好以為小森美好蝦,我打你㗎!!!!哈哈哈」,超搞笑!

4.甄子康(少爺占)

少爺占個樣都冇點變。

5. 徐天佑

徐天佑今日(5月16日)就36歲生日,佢就分享咗張生日相,仲笑言:「我”六”歲生日喇!🎂🎂🎂🎉 生日願望快高長大!學業進步!家人同大家都身體健康!🎉🎉🎉 #多謝Bonnie姐姐為我預備六歲生日蛋糕」

6.許家傑

童顏版嘅許家傑好可愛!

7.陳山聰

陳山聰:「我看見我的未來😂」

8.林奕匡

林奕匡嘅細個樣都好得意!

9.林雪

完全估唔到呢個係林雪…

10.李偉健

李偉健雙眼大咗好多!

11.何廣沛

本身已經係小鮮肉嘅何廣沛,個樣再細多十幾年咁,超可愛!

12.袁文傑

袁文傑就不論幾時都係咁Chok!

女藝人篇

1.薛家燕

家燕媽媽玩到連額頭粒「寶石」都唔見咗!

2. 陳敏之

陳敏之喺片中就大叫佢變到好似生痄腮咁呀!喺旁邊嘅薛家燕就話,如果敏之第時生女都會係咁嘅樣。

3.唐詩詠

唐詩詠:「你點捨得鬧佢😂😂😂#呢個就係我嘅童年照#有乜理由下巴尖尖大左唔尖」

4.林淑敏

如果唔係有Terry喺張相度,點都估唔到呢個會係大小姐…

5. 小儀

小儀玩完之後,個樣同依家一啲分別都冇,反而佢玩另一個效果就真係估唔到喇!事關小儀玩「變做男人」,真係即刻變Man,佢仲笑自己係「孟加拉馮德倫」!

6.姚子羚

姚子羚由細到大都咁靚女!

7.麥雅緻

已經做咗兩個小朋友嘅麥雅緻變到成個小朋友咁!

8.朱薰

朱薰就拉埋屋企人一齊玩,佢個樣就冇點變喇,但係完原呢個功能係唔應用喺小朋友身上,所以佢對仔女都冇「再童顏」到。