Trouble Two

【米豬媽媽】父母的噩夢 Trouble Two乜都SAY NO!

專欄

廣告

你今日上演咗吊起個仔嚟打嘅內心戲未呀? 我上演咗N次喇!Trouble Two絕對係父母的噩夢!

撰文&圖片:米豬媽媽 | 編輯:Chloe

Trouble Two乜都SAY NO!

呢排我冇成日比米豬「請」出廚房喇, 佢呢排玩 「乜都NO」 呀~ 唔要爸爸返工, 唔要响屋企, 唔出街, 唔去打千秋, 唔換衫, 唔換片, 唔著鞋, 唔返屋企, 唔坐上去(high chair), 喊多陣啦~~~~~~

【米豬媽媽】父母的噩夢 Trouble Two乜都SAY NO!

最癲嗰日, 係爸爸出完差後第一個工作天, 見到爸爸換衫返工已經守住門口, 我地講咗一億次爸爸今晚就返嚟, 太陽伯伯返屋企, 爸爸都返屋企, 但佢只得一句口號: 「爸爸唔返工工!!!」 結果爸爸就望住呢個喊到豬頭咁ge米豬, 忍痛出門返工, 然後米豬瘋狂喊咗10分鐘, 話要去玩。

Trouble Two尖叫反抗 附帶著崩潰嚎哭聲

OK! 即刻同你約腳! 有朋友仔今日得閒, 約好晒人, 換衫出門口喇………… 唔換patpat!! 唔除!!!!!!! 唔著呢件!! 唔要著襪襪!!! 唔著鞋!!!!!!! 附帶著崩潰嚎哭聲…………. 尖叫著………. 每一句都feel到理智線斷裂ge聲音….

終於強行地換晒全身衫, 照出去, 其實一路同朋友仔媽咪whatsapp傾, 講米豬扭計要遲D, 朋友仔媽咪都好好人, 同我講如果佢唔想出, 佢地上嚟我地屋企都OK ga, 小朋友有時有情緒佢明白 (天使啊~!!) 但我唔可以比小惡魔米得逞!人又係你叫我約, 約完又話唔出, 邊個教你ga!! (真係想大把星你呀!) 唔容許呀!!

結果嚎哭住出到街, 比無數OL以 拐子婆嘅眼神望住我, 抱米豬行過巴士站, 佢見到d車分散吓注意力 (仲識指住架機場巴士話爸爸搭呢架巴士去機場), 就冷靜咗好多。

我索性抱佢企响一個望到巴士站ge位, 等佢冷靜落嚟, 2-3分鐘, 冷靜之後, 我問佢: 你係咪唔想去街街? 米豬就話「唔要爸爸返工工, 好釘(驚)媽媽走」(媽媽我响爸爸出差期間, 放低咗米豬响婆婆幾個鐘外出工作…..) 原來係安全感問題, OK……. 我地再build up過。

Trouble Two開始挑戰父母權威

呢日之後, 每日都會出現唔XX, 唔YY幾百次………. 有時真係想鬧爆佢, 但諗深一層, 佢哋大個咗, 開始挑戰權威 (我/爸爸), 但係我地唔會就範~~ 但成日都同佢講唔可以XXX, 其小朋友未必明點解唔可以, 久而久之仲會覺得「呢樣又唔比, 嗰樣又唔得!!」咁不如學啲膠官咁, 用吓語言偽術啦

 

去街時….

唔返屋企!! ->媽媽:咁我去爸爸屋企玩先

趕住去買餸時

唔上(BB)車!!! ->媽媽: (拎lego0個個會閃ge消防車警號放响BB車度gum著佢)firetruck要出動喇~! 消防隊長米豬去咗邊呀? ->秒速上車, 快過火速救兵

玩到身水身汗時…..

唔沖涼!! ->媽媽: 咁唔好沖啦~ 我去救火先~~ (拎住個花洒玩水fea浴缸)嘩0個度著火呀!!! 3秒後.. ->米豬出動救火~!!!

出門口返學時……

唔換衫!! ->媽媽: 鈴鈴鈴~~~ 吓? 有火警?? 消防隊長米豬快D著制服出動 ->米豬出動喇!!!

要熄燈上床訓時……

唔熄燈+唔上床!! ->媽媽: (認真mode)消防隊長米豬, 我地要進行暗黑拯救訓練: 而家咀咀响床上面被困, 現場環境非常黑暗, 唔該你去救咀咀啦~!! (跟手熄燈掉個奶咀上床) ->米豬出動喇!!! (即刻跳上床摷奶咀)

要食奶訓時….

唔食奶奶! ->媽媽: 你見唔見到你D隊員响隔離? 你係隊長, 要做個好榜樣比隊員睇, 食多D奶奶先可以出動ga! ->goo goo goo

【米豬媽媽】父母的噩夢 Trouble Two乜都SAY NO!

夠鐘食晏時…

米豬唔食飯!! ->媽媽: 消防員姐姐上次話, 消防員個個都自己食一大碗飯, 自己不仲食得好快ga wo~ 你唔食飯咁你一定唔係消防員喇 (扮收碗) ->極速爬上highchair: 米豬而家食!

【米豬媽媽】父母的噩夢 Trouble Two乜都SAY NO!

我ge消防員trick暫時都仲好洗好用ge~ 好在米係一個消防控, 只要任何事同消防拉上關係, 佢都會變得好合作, 媽媽表示我每日諗藉口都諗到頭都大埋, 總唔能夠用一世掛….. 不過而家算係過渡期, 借嚟頂一排先啦消防員叔叔~ =P

 

面對挑戰底線ge小孩, 不就範, 盡量不發火, 因為當你爆佢一鑊時, 佢地會以秒速學習, 再加以改善, 最後受返ge始終係自己, 與其同小屁孩硬碰硬, 不如試吓行古惑A_A

【米豬媽媽】父母的噩夢 Trouble Two乜都SAY NO!

米豬豬的page~ 每日都update~

歡迎各位like&follow~ 亦都歡迎大家聯絡我同米豬豬一齊試用產品或合作~