【東張西望】主持親試炒蛋黃油10分鐘製成 劉小慧喜見網友濕疹好轉
撰文：SundayKiss| 圖片：《東張西望》、劉小慧Facebook、中醫爸B | 編輯：Chloe
劉小慧教整蛋黃油獲網民大讚
昨晚《東張西望》邀請了劉小慧接受採訪，皆因早前小慧在個人 Facebook 直播教學炒蛋黃油備受熱議。節目中，小慧表示可能好多人不認識她，畢竟已退出幕前很長時間，但「蛋黃油」教學一出，街上不少街坊都向她豎起手指公讚揚，令她感到非常驚喜。
劉小慧喜見網友濕疹改善
她表示：「最印象深刻係一個網友，佢話囡囡六歲，六年來冇一晚瞓過好覺，晚晚都抓（痕），有用止痕藥水，但作用唔大。當晚，佢學完即炒，炒完幫個女搽，搽完之後第一晚見到個女無抓過，一晚瞓天光。佢多謝我之餘，仲話唔理成效可以維持幾耐，只要一晚好，賺咗一晚已經好值得。」
她表示身邊的朋友試驗過幾乎都百發百中，但建議大家先逐小範圍嘗試，覺得有效無不適才用於其他部位，同時提醒使用前最好咨詢中醫師。
營養師中醫拆解3大迷思
隨後，《東張西望》主持黃穎君更親試炒蛋黃油，製作過程僅10分鐘即完成。做法相當簡單，除了油煙比較厲害之外，製作成品好成功。
為了驗證蛋黃油是否有效用，節目邀請了中醫師和營養師解說。營養師表示一個雞蛋已有維他命A、Ｄ、E，全部針對皮膚，對皮膚光滑和修復有一定的幫助。由於蛋黃油由多隻雞蛋濃縮而成，故有大量維他命A，有修復作用。
早前，有中醫師質疑「蛋黃油」不應炒至焦黑色，更提醒不應用這種黑燶蛋油外敷內服。此外，亦有不少網民留言提出疑問。今次《東張西望》節目就為大家逐一解答！
1 蛋黃油炒至焦燶都可用？
蛋黃油是濃縮而成，啡黑色是正常的顏色，主持人黃穎君聞過後表示，外觀黑色的蛋油並沒有焦味，反而有陣陣蛋黃香味。
2 對蛋過敏人士適用嗎？
中醫建議濕疹發作期、燒傷、孕婦和小朋友都應先諮詢醫師才試用。營養師亦表示孕婦不適合長期大量使用，因過量維他命A，有機會造成畸胎。至於對雞蛋敏感最大致敏源來自蛋白質，若只用蛋黃的話，基本上大部分的蛋白質已經沒有了，所以敏感度大大降低。
3 如何避免蛋黃油變壞？
油經過高溫容易氧化，容易發出油饐味，故建議每次製作分量不要太多，並保存陰涼地方保存。
劉小慧直播教整老中醫濕疹秘方
劉小慧今次分享治療濕疹的法寶原來是「蛋黃油」，本草綱目記載名為「雞子油」，即是用猛火將蛋黃炒至出油，當作藥油之用。
小慧介紹：「呢個絕對唔係偏方，係我一位好勁嘅中醫師教我，我一直都無呢個問題，所以冇乜機會試，但醫師話老一輩嘅老人家都會知，只是老人家唔會上網，所以就冇咁多人講。」
「蛋黃油」5日治好友人濕疹
小慧將「蛋黃油」讓患有濕疹的好友Carmen試用，只花5日就已經得以紓緩，Carmen形容「一試見效」，即時止癢之餘，也讓原本出水的傷口快速止水、埋口。雖然至今濕疹未完全痊癒，但手臂部位的濕疹已逐漸結痂，而關節位置因經常「郁動」，則需花較長時間恢復。
小慧表示：「平時類固醇藥膏醫生建議只能1日用2次，但蛋黃油可以一有需要就用。」
這種「蛋黃油」不需要花錢買，在家自製即可。小慧就邀請老公蘇志威入鏡幫手煮，首先預備材料只有一樣，就是已經烚熟的雞蛋黃（注意：只用蛋黃不要蛋白）。
然後，用猛火在不銹鋼鑊，不用落油，直接將蛋黃下鑊不停翻炒。她指，蛋黃份量可跟個人需要調整，可用2至20隻不等。炒蛋黃油期間，需要不停用鑊剷壓碎、翻炒蛋黃，炒燶至出油，待冷卻後就可入樽備用。
雖然提鍊的方法簡單，但在大火翻炒過程會釋出比較大量油煙。
小慧表示這個方法即便宜又有效，建議大家可以從手部開始試，若沒有敏感反應，才在面部或其他部分嘗試。她更鼓勵網民試完記得影相與她分享，看看成果如何。
有興趣的朋友可以睇片：
https://www.facebook.com/winnielau0724/videos/614033925673810?s=635592815&v=e&sfns=mo
參考資料：衛生處網頁
