網上流傳「護眼視頻」聲稱可減輕近視

網上流傳「護眼視頻」聲稱可減輕近視

依家科技發達,好多人都成日用手機,就連小朋友都經常機不離手,用嚟打機同睇Youtube,令視力問題都因而受影響。最近,內地就流傳多條「護眼視頻」,聲稱睇完片之後就可以減輕近視,更可以舒緩眼睛疲勞添!不過,影片一出就惹嚟網民嘅熱烈討論,質疑影片功能嘅真偽。

撰文:Kammy|圖片來源:微博,短片截圖,istock

網上流傳「護眼視頻」聲稱可減輕近視

最近,內地網上流傳多條「護眼視頻」,聲稱只要收看大概20秒嘅短片,就可以有護眼作用。另外,亦有一啲可訓練眼肌嘅動態圖片,聲稱只要盯著中心點20秒,閉眼1分鍾,眨眼20次,就可緩解眼疲勞,滋潤眼球。呢啲影片同圖片嘅點讚、評論同轉發數以萬計,最高轉發次數個條仲高達34萬!

「護眼視頻」中更有啲係聲稱可以減輕近視,當中仲分門別類,根據時間劃分為三日、一星期恢復視力法,亦有根據眼鏡度數分為400度、600度、800度視力恢復法等,聲稱只要跟住做就可以治療近視,恢復視力。

更多精選內容