去濕

去濕健脾消腫解毒 老黃瓜赤扁豆素湯 一家大細都爭著飲

湯水

廣告

去濕 湯水又是時候出動,見街市有老黃瓜,就加赤小豆同扁豆一齊煲,消暑清熱、健脾袪濕。這個老黃瓜赤扁豆素湯清清甜甜又有瓜香,一家大細都爭著添飲。其實我都有一段時間沒有煲素湯,因為我家兩位老細都是食肉獸,總覺得有肉落肚先叫好,一聽到話係素湯都會有點抗拒,但今次我加了腰果,增加肉味,成家飲完都話不錯,每人兩大碗就清晒成煲湯。老公仲叫我多點煲素湯,這樣就可以飲得清淡、健康。我當然不介意,只要他們願意飲,我一定會煲,而且煲素湯功序大減,又可以省回買豬肉錢。

資料、圖片來源:小小豬Kinsey | 編輯:Sunday Kiss

去濕健脾消腫解毒 老黃瓜赤扁豆素湯

老黃瓜有消暑清熱、降燥火利水、解毒功效;赤小豆就利水除濕,和血排膿,消腫解毒;扁豆可以健脾和中,消暑化濕;紅蘿蔔利尿消炎;粟米健脾和胃,利水通尿,益肺寧心;陳皮主治脾胃氣滯、脘腹脹滿或疼痛、消化不良;蜜棗止咳潤肺、化痰平喘功效。

去濕健脾消腫解毒 老黃瓜赤扁豆素湯 一家大細都爭著飲

去濕健脾消腫解毒 老黃瓜赤扁豆素湯材料:

  • 老黃瓜一個
  • 粟米一條
  • 紅蘿蔔一個
  • 赤小豆一両
  • 扁豆一両
  • 腰果兩両
  • 陳皮一角
  • 蜜棗三粒
去濕健脾消腫解毒 老黃瓜赤扁豆素湯材料
去濕健脾消腫解毒 老黃瓜赤扁豆素湯材料

去濕健脾消腫解毒 老黃瓜赤扁豆素湯做法:

  1. 赤小豆、扁豆、腰果及蜜棗浸洗一會兒。
  2. 老黃瓜去籽切大塊。
  3. 紅蘿蔔去皮以滾筒式切塊。
  4. 粟米去皮洗淨切塊。
  5. 陳皮浸至軟身,然後刮囊。
  6. 煲內放約2.5L水,然後隨水加入陳皮。
  7. 待滾起後,加入所有材料。
  8. 最後加鹽調味即成。

去濕健脾消腫解毒 老黃瓜赤扁豆素湯小貼士:

由於涉及藥材成份,個別人仕體質會有所不同,所以大家記得煲之前了解下自己,如有疑問,請先向註冊中醫查詢!

去濕健脾消腫解毒 老黃瓜赤扁豆素湯 一家大細都爭著飲

資料、圖片來源:小小豬Kinsey