【坐月餐單】改善脫髮 杜仲首烏黑豆湯

【坐月餐單】改善脫髮 杜仲首烏黑豆湯

俗語云:「欲使身體好,藥補不如食補」,今次分享的杜仲首烏黑豆湯,有補腎壯腰、改善脫髮、烏髮黑髮的功效。不少媽媽產後都出現脫髮問題,因此這款湯水非常適合產後媽咪飲用,由懷孕分娩的階段,媽媽的腰部一直都受壓力,所以產後飲依款湯水可以幫媽咪補一補腰!依款湯水建議飲用時間係產後一星期,如果配料上唔想用豬尾骨,可以考慮選擇烏雞代替嫁!

撰文&圖片:祖祖媽 | 編輯:TLY

杜仲首烏黑豆湯

 

 

材料:

豬尾骨約一斤,杜仲,黑豆,首烏,蜜棗適量

步驟:

1. 先洗淨所有材料

2. 豬尾骨先汆水備用

3. 湯煲加水兩至三公升後開大火煲,待大滾後放所有材料落煲

4. 待大滾後轉中火

5. 煲2小時就飲得啦!

 

*此湯水只供參考,療效因人而異,個別體質需先咨詢中醫*

 

坐月不能錯過的3款保健湯水

簡易人蔘燉雞

這款湯水能夠補益脾胃,養血安神,適合氣虛血弱,經常手腳冰冷的人士。不過要注意返依款湯水不適合有傷風人士、感冒人士、氣喘同喉嚨乾燥人士,另外如果餵人奶的媽咪都唔適合飲用嫁!

補氣健脾人蔘燉雞材料– 三至四人份量!

材料:

芝麻雞一隻

人蔘,圓肉,杞子,淮山適量


步驟:

1. 先洗淨所有材料

2. 雞稍稍汆水後連所有材料放燩盅

3. 關蓋後大火燩2小時就飲得啦!

2.坐月湯水 北芪薏米藥膳去水腫湯

這個北芪薏米藥膳去水腫湯,依個湯水更加適合孕後期36週以上開始出現水腫的準媽媽飲用。

材料:

冬瓜斤半至兩斤,瘦肉半斤,北芪,生薏米 適量

如果唔想用瘦肉可以考慮用田雞代替!


步驟:

1. 先洗淨所有材料
2. 冬瓜稍為削皮去除表面鈉質
3. 瘦肉汆水等白色物質浮出嚟,加上其他材料放湯煲開大火煲

4. 待大滾後轉中火
5. 煲2小時就飲得啦

*此湯水只供參考,療效因人而異,個別體質需先咨詢中醫*

3.坐月湯水 滋陰健脾烏雞燩湯

烏雞湯水可以補益氣適合怕冷的人,烏雞富含多種微量元素、蛋白質同18種氨基酸,膽固醇和脂肪含量比普通雞肉仲低,所以烏雞係好多媽咪會用嚟煲湯的材料!

湯水功效主要係滋陰,健脾,提氣。

材料:(二至三人份量)

烏雞一隻,圓肉,北芪,黨參,淮山,杞子適量

步驟:

1. 先洗淨所有材料

2. 烏雞汆水等白色物質浮出嚟撈起,備用

3. 待燩盅的水滾後,將所有材料放燩盅開大火煲

4. 大火燩2小時就飲得啦!

有咩要注意?

我哋燩的時候,大概每30分鐘望一次加一加熱水。

燩既時候要小心注意煲入面既水量,小心煲乾水呀!

*此湯水只供參考,療效因人而異,個別體質需先咨詢中醫*

祖祖媽 – 「祖祖媽月子私房菜」創辦人

想睇更多孕婦資訊就入嚟依度啦!祖祖媽月子私房菜專頁

更多精選內容