【祖祖媽】消水腫 四物祛濕湯

【祖祖媽】消水腫 四物祛濕湯

最近依排開始有毛毛雨,加上濕度又高左,唔知大家有無感覺個人好似攰左。即刻同大家開心Share四物祛濕湯!一講起四物湯,都相信大家都一定有聽過,宜家市面上都有唔少既產品,例如有黑糖四物飲等等,其實上四物湯男士都飲得嫁,所以今次煲一次就可以兩個一齊飲啦!

撰文&圖片:祖祖媽 | 編輯:Chloe

消水腫 四物祛濕湯

湯水功效主要係祛濕排水,去水腫

茯神用於痰飲、水腫、小便不利、泄瀉、心悸、眩暈。茯苓皮,利水消腫,用於水濕浮腫等症。

白朮主治健脾益氣,燥濕利水,止汗,安胎。用於脾虛食少,腹脹泄瀉,痰飲眩悸,水腫,自汗,胎動不安。

黨參具有補中益氣,健脾益肺之功效。有增強免疫力、擴張血管、降壓、改善微循環、增強造血功能等作用。

炙甘草可補脾和胃,益氣復脈,用於脾胃虛弱,倦怠乏力,心動悸。

 

材料:

瘦肉半斤,四物(茯神、白朮、黨參及炙甘草)

今次的四物湯煲湯步驟,簡單四步搞掂:

1.先洗淨所有材料

2.瘦肉先汆水等白色物質浮出嚟攞起,備用

3. 待燩盅的水滾後,將所有材料放燩盅開大火煲

4. 大火燩2小時就飲得啦!

 

祖祖媽 小貼士:

我哋燩的時候,大概每30分鐘望一次加一加熱水。

燩既時候要小心注意煲入面既水量,小心煲乾水呀!

依款湯水係藥材為主,所以如果唔係好鍾意藥味湯的朋友就要先諗諗煲唔煲!

*此湯水及材料只供參考,療效因人而異,個別體質需先咨詢中醫*

 

知道有唔少媽咪都想自己得閒煲湯水飲下,除左係度我哋會分享教學之外,我哋每週亦會係專頁教大家唔同的超簡單湯水影片教學,想睇片學就去我哋專頁瀏覽啦!https://www.facebook.com/JJMA.COM.HK/

更多精選內容