【媽媽唔易造】53歲羅霖呻高齡產子修身慢 公開4招凍齡修身秘訣

【媽媽唔易造】53歲羅霖呻高齡產子修身慢 公開4招凍齡修身秘訣

53歲美魔女羅霖(Candy)五年多前與前夫劉坤銘離婚,原本養尊處優的富太太,為了生計及三個兒子,復出幕前,中港兩邊跑出席活動搵銀。日前,羅霖作客大台真人騷《媽媽唔易造》,與另外兩位靚媽吳文忻和陳逸寧一起討論高齡產婦的問題,一眾媽媽都表示可以選擇的話,都希望「有仔趁嫩生」,因為高齡生B產婦身體需要很長時間來恢復。育有三子的羅霖更透露快速修身兼保持凍齡的秘訣,一起看看吧!

撰文:SundayKiss | 圖片:新傳媒圖片庫、羅霖IG、《媽媽唔易造》節目

媽媽唔易造 53歲羅霖呻高齡產子修身慢

羅霖第一個兒子在她30歲時出世,最小的兒子是在40歲時生的,她表示30歲跟40歲生完小朋友後復原程度相差很遠。30歲生完第一胎後只需1個月就可以「回復原形」,而40歲則要用上2個半月的時間。

【媽媽唔易造】53歲羅霖呻高齡產子修身慢 公開4招凍齡修身秘訣
羅霖第一個兒子在她30歲時出世,最小的兒子是在40歲時生的
【媽媽唔易造】53歲羅霖呻高齡產子修身慢 公開4招凍齡修身秘訣
她表示30歲跟40歲生完小朋友後復原程度相差很遠。30歲生完第一胎後只需1個月就可以「回復原形」
【媽媽唔易造】53歲羅霖呻高齡產子修身慢 公開4招凍齡修身秘訣
而40歲則要用上2個半月的時間。

吳文忻生第一胎是39歲,第二胎是42歲,她則表示自己兩年半都未能夠「回復原形」。而陳逸寧剛在33歲時生孩子。不過3位嘉賓媽媽都同樣認為,可以選擇的話還是想早點生小朋友。

【媽媽唔易造】53歲羅霖呻高齡產子修身慢 公開4招凍齡修身秘訣
3位嘉賓媽媽都同樣認為,可以選擇的話還是想早點生小朋友。

錯過黃金生育年齡難受孕

吳文忻更透露,自己過了黃金生育年齡好難先有小朋友。醫生指要人工受孕,女人要養好卵子只少要3個月,當時佢食咗2個月排卵丸,然後再日日打排卵針,雖然好痛同令身體走樣,但佢都表示:「知道有咗係好開心。」不過,當時醫生亦提醒,要好好留意胚胎情況,因為容易有流產嘅機會,比率接近25%。

【媽媽唔易造】53歲羅霖呻高齡產子修身慢 公開4招凍齡修身秘訣
吳文忻表示,自己好難先有小朋友:「知道有咗係好開心。」

羅霖4招凍齡修身秘訣

1.一日食五餐

「少食多餐,一日可能食五餐,主要食蔬菜、魚、雞,我由細到大都唔鍾意食牛同羊,但無辦法我個名叫Candy,甜品戒唔到,飯又戒唔到,晚晚一定要食飯。」

2.做瑜伽拉伸

「我有少少懶,通常做運動係拍電影,或者好似之前影寫真,就會的起心肝做,平時多數喺屋企伸展吓,做五至十分鐘伸展運動。做瑜伽都可以,身形會靚,但就唔會做gym,因為肩膊會橫,好容易畀人感覺肥,骨架細會靚啲。」

3.勤敷保濕面膜

Candy未選亞姐前, 八十年代她曾任空姐,自此學識護膚之道,「嗰陣成日飛去唔同國家,要適應唔同天氣,好似今日喺加拿大-3度,過兩日又飛去曼谷30度,而且機艙乾燥。」她會準備夏、冬兩set護膚品,至今都適用,有時都要飛往不同國家出席活動。她更提醒女士們要勤敷保濕面膜,一星期四至五次。

【媽媽唔易造】53歲羅霖呻高齡產子修身慢 公開4招凍齡修身秘訣

4.重早餐 湯水養顏

至於飲食和睡眠更重要,「瞓得唔好,食幾多補品都冇用。」她奉行少食多餐,每朝早餐最重要,「刷完牙先飲一杯暖檸水,加一片檸檬就夠,空肚飲唔好咁酸, 隔咗四五分鐘後先開始食早餐, 要多纖維, 我推薦牛奶煮麥皮,加兩隻烚蛋,唔要蛋黃,再加一碗白粥。」每晚她更必備湯水,長期進食雪耳,含高蛋白質和氨基酸,能養陰補肺,又平又養顏,她最常煲南北杏燉雪耳,可以加入木瓜和冰糖。

Candy謙稱,許多圈中女星都keep得好好, 始終都要面對公眾,必須積極保養,「keep得靚自己都開心, 睇落精神啲、健康啲,但保養一定要內外都做,心態樂觀,保持身體健康先會真正美麗。」

更多精選內容