希望女兒一世開心！張美妮誕女 乳名「笑咪咪」
撰文：Kayla｜圖片來源：Instagram
張美妮今日在Instagram上分享與老公KK一同抱著女兒的相片，見張美妮臉上滿滿幸福的笑容，就知女兒的出生令她的生命變得更完滿。張美妮留言：「我們的寶貝女出世了！同大家介紹佢嘅乳名叫笑咪咪，因為佢一出世就成日都笑咪咪，連醫院啲姑娘都咁講吖！😆有佢喺度令到我同老公都感到非常喜悅、開心、溫馨，真係成日都笑咪咪吖！🥰😄😘乖女~Welcome to our family! We love you❤️❤️❤️」
張美妮留言多謝張嘉兒：「同呢個friend永遠都有傾唔完嘅話題，尤其呢個時候，兩個都係大肚婆更加特別多嘢分享！❤而我呢個新手準媽媽成日都會有好多問題，而佢又會好有耐性第一時間會為我解答，我哋互相傾訴、互相勉勵，有你真好！」
遇上一生中最愛
話說張美妮曾有一位拍拖五年的男朋友，當時那男友色心大到勾搭同公司女藝員，更用張美妮部相機拍埋淫片斷正:「我做咗咁多年人，從來冇遇過衰人，呢個係唯一一個，對我嚟講簡直係人生污點，污到冇得再污 ……阿怡見到個女仔都同我講:『哼，幾想當眾鬧佢 呀，勁藐佢囉!』」，然而渣男同狐狸精都被電視台一早淘汰，一早唔算圈中人。
不過亦都多得呢位渣男，張美妮經歷了人生唯一一個短暫的低潮期，「每日玩到4、5點醉晒至返屋企，係就係好熱鬧，不過熱鬧過後，個人醉醺醺，原來個感覺仲寂寞，仲空洞。」，相信不少女生都曾經歷過一段銘心刻骨的失戀時光。
兩個月後，多得杜大偉做媒人，張美妮遇到了現任老公，拍拖五年，在巴黎鐵塔下收到了兩卡半的巨金鑽，然後鏡頭一轉，來到今天，兩人甜絲絲迎來家庭的新成員！
大概有女生會問甚麼時候知道眼前這個就是想接下來共度一生的人?張美妮說，是當有一刻希望為對方做個更好的女人。她說永遠記得那一天，老公KK收工趕回家，當著她面把飯菜全都扒進嘴裡掃個乾淨，
「佢個人好 cool，但係好實在，我知道我唔係最好，但係佢就係鍾意呢個我，會畀我繼續做自己。」張美妮對老公讚口不絕，相信她已找到自己一生的幸福及能帶給她幸福的那一位。
