【親子好去處】Super Park  6大全新遊戲率先睇

【親子好去處】Super Park 6大全新遊戲率先睇

親子好去處】踏入6月,唔少小朋友考試後就準備迎接佢哋期待已久嘅暑假,家長都要諗定有咩親子好去處畀小朋友去放電!位於奥運嘅一站式室內活動樂園SuperPark即將喺本周六(6月8日)推出6個全新遊戲,當中除咗訓練小朋友嘅體能外,仲加入咗教學元素,令小朋友可以一路玩一路學新知識,依家就同大家率先睇下呢6個新遊戲啦!

撰文、圖:Kammy

親子好去處SuperPark 6大全新遊戲率先睇

1. 益智AR遊戲

難度:★★☆☆☆

率先為大家介紹呢個AR玩意《智能老師》,當中包含住超過20個互動體育娛樂小遊戲,其中更有啲遊戲係以教學課程為主,小朋友可以一路玩一路學新知識。另外,AR遊戲提供8個波,畀小朋友可以分組玩遊戲,可以學下同其他小朋友合作!

親子好去處
AR玩意《智能老師》,當中包含住超過20個互動體育娛樂小遊戲,其中更有啲遊戲係以教學課程為主
親子好去處
玩遊戲之前會有職員先向小朋友講解遊戲係點玩

《智能老師》提供先進嘅視聽效果,令小朋友好快就投入於遊戲之中,而呢個遊戲除咗好考體力之外,仲好考團隊合作同智力,絕對啱晒小朋友去玩!另外,玩嘅遊戲場地較大,唔使驚小朋友會有碰撞,十分安全!

親子好去處
小朋友一攞起個波已經即時投入於遊戲當中
親子好去處
玩嘅遊戲場地較大,唔使驚小朋友會有碰撞,十分安全!

親子好去處

親子好去處
仲有數學享戲玩添,啱晒小朋友可以動動腦筋!

2. iWall

難度:★★☆☆☆

iWall係以創新嘅方法使用行動感測技術研發出嘅多面性遊戲,當中包括有Parkour(飛躍道)、Shadow Master(太極)等7大遊戲。呢個遊戲可以同時畀兩個人一齊玩,而且為大家有嚟唔少嘅健康益處,除咗考大家嘅力度、速度、同手腳協調外,仲可以提高彼此間嘅合作性添!

親子好去處
場內有指示牌講解畀大家聽啲動作可以點做
親子好去處
遊戲開始前,會有職員向大家講解遊戲運作

小朋友要靠做唔同嘅同作去獲取分數,絕對考小朋友嘅體力同專注力,只要用一陣就已經玩到出晒汗喇!

親子好去處

親子好去處

3. 超級智能拳手

難度:★★★☆☆

唔少嘅親子好去處都較少有打拳遊戲玩,但其實唔少人都好鐘意玩打拳嘅遊戲,因為每一次擊中個目標都會好大成功感,而呢個「超級智能拳手」就正正畀到呢種能覺大家!呢項人工智能遊戲,可以教你點樣改善手眼協調、平衡力同準確度,當中提供沙包模式或拳手模式,而且可按照個人嘅喜好去調教唔同嘅難度!

親子好去處
相信唔少人都好鐘意玩打拳嘅遊戲,因為每一次擊中個目標都會好大成功感,而呢個「超級智能拳手」就正正畀到呢種能覺大家!
親子好去處
當中提供沙包模式或拳手模式
親子好去處
可以調教遊戲嘅挑戰時間
親子好去處
而且可按照個人嘅喜好去調教唔同嘅難度!

不過,值得注意嘅係,呢個打拳遊戲要有140cm高先可以玩!呢個遊戲都真係好考個人體力,因為呢個「超級智能拳手」真係好似捉到路咁,知道你下一秒會點出拳,反應能力隨時比玩家仲要快,而玩家亦要好專注咁睇下幾時可以出拳攻擊對方,真係極高挑戰性!

親子好去處

親子好去處

4. 彈床大激鬥

難度:★★★☆☆

親子好去處有好多嘢玩,但跳彈床唔係人人都有接觸過,所以小朋友可以喺呢度一嚐跳彈床嘅體驗,而呢個跳彈床遊戲仲加入咗運動遊戲科技,可以透過個人或2位玩家一齊玩一系列嘅互動任務遊戲。另外,場內會有職員教授彈床嘅基本技巧,令小朋友可以更易掌握,從而提升玩遊戲嘅技術。

親子好去處

此外,每個彈床都只限一人進入,加上有職員在旁睇住,家長可以放心!

親子好去處

5. 忍者障礙賽

難度:★★★★☆

相信有唔少人都有睇過外國節目Ninja Warrior,而呢個忍者障礙賽就正正仿照節目內嘅挑戰,當中包括10種唔同嘅元素,如拳爬、跳躍等,以及入門級到專家級嘅唔同障礙賽,喺呢3個障礙陣中設有7大障礙,極考玩家嘅體能!

親子好去處

親子好去處

親子好去處 親子好去處

親子好去處

6. 攀石賽道

難度:★★★★☆

記者就認為呢個攀石賽道係6個新遊戲中難度最高嘅,只因呢個好考大家嘅膽量!如果小朋友畏高就一定唔玩得喇!攀石賽道設有4個攀石牆,由唔用嘅大細嘅扶手設計,難度亦從此增加,玩家要慢慢咁爬上頂部,再拍完成鍵就挑戰成功!

親子好去處
攀石賽道設有4個攀石牆,由唔用嘅大細嘅扶手設計,難度亦從此增加

玩家玩之前一定要做好安全措施,職員會為大家裝備好安全帶!

親子好去處
玩家玩之前一定要做好安全措施
親子好去處
職員會為大家裝備好安全帶
親子好去處
親子好去處
親子好去處
親子好去處

親子好去處

親子好去處– SuperPark Hong Kong

網址:superpark.com.hk

地址:香港九龍海輝道18號一號銀海地下 (鄰近奧海城) (地圖

開放時間:星期一至五(上午10時至晚上9時);星期六日、公眾及學校假期(上午9時至晚上9時)

一日門票:$180(平日);$250(星期六、日、公眾假期及學校假期 );3歲以下免費

更多精選內容