張衛健與太太結婚16年恩愛如初 攜手走過破產危機喪子之痛

張衛健與太太結婚16年恩愛如初 攜手走過破產危機喪子之痛

要數圈內嘅「愛妻號」,55歲張衛健可謂係數一數二。張衛健同太太張茜結婚至今已經16年,二人經歷過唔少風雨,包括兩度流產、破產危機、婚變傳聞等,但呢啲事出現反而令佢哋感情變得變好。最近,張衞健攬老婆於網上放閃,雖然兩人膝下無兒,「真正相愛的關係,會讓我們的生命拼圖,由破碎達到完整,由朦朧達到清晰⋯」

撰文:TLY、Kammy|圖片來源:張衛健微博、張茜微博、《熟悉的味道》截圖

張衛健與太太結婚16年恩愛如初

張衞健罕有於網上分享與太太的合照,照中他攬實老婆向鏡頭展露微笑,「每個人的生命,都好似一副拼圖! 真正相愛的關係,會讓我們的生命拼圖,由破碎達到完整,由朦朧達到清晰⋯⋯⋯」

圖片來源:張衛健微博
圖片來源:張衛健微博

網民都大讚甜蜜,「愛情不是數著日子過去,是讓日子都變得有所收穫,甜啊,真的是神仙眷侶」;「隔著屏幕都能感覺到幸福的味道」;「這樣的愛情誰能不羨慕」

 

圖片來源:張衛健微博
圖片來源:張衛健微博

張衛健面破產危機幸得太太支持

張衛健自細就同媽媽及細佬相依為命,17歲就要出嚟做嘢養家。加入演藝圈後,角色由低做起,直到拍攝《巨人》、《我愛牙擦蘇》等戲集開始嶄露頭角,更因拍攝《西遊記》而一炮而紅,變得大紅大紫。不過,後來張衛健因投資失敗而瀕臨破產,當時張茜並冇諗住離棄對方,更義無反顧咁協助張衛健渡過難關。

張衛健
張衛健當年因投資失敗而瀕臨破產,當時張茜更義無反顧咁協助佢渡過難關。(圖片來源:張衛健微博)

與張茜結婚留遺憾

張衛健同張茜喺2004年註冊、2007年舉行婚禮,不過張衛健對婚事原來一直都心存遺憾。張衛健喺節目中透露,當年佢經濟狀況十分緊絀,張茜為咗唔增加佢嘅負擔,自行選擇喺網上買一件二手婚紗,令張衛健十分感動,更心諗:「這個女孩真好。」,認為張茜真係自己嘅真命天女。

張衛健
圖片來源:《熟悉的味道》截圖

不過,原來張衛健一直對此而耿耿於懷。為咗彌補當年嘅遺憾,佢就親自設計同縫製一套結婚頭紗,以及炮製愛心餐畀張茜。張衛健喺15年後為張茜戴上頭紗,又向對方告白:「我們不希冀激情澎湃,但求細水長流。」令太太感動爆喊。

張衛健
張衛健喺15年後為張茜戴上頭紗,又向對方告白:「我們不希冀激情澎湃,但求細水長流。」圖片來源:《熟悉的味道》截圖

其後,二人好似回憶返當年結婚嘅情況咁,張衛健更同太太跳起舞嚟,張衛健更話:「我覺得我們應該可以算是一對老夫老妻,但還是可以一直在談戀愛的。」唔少網民見到呢個畫面,都不禁表示場面好溫馨,令人感動。

張衛健
圖片來源:《熟悉的味道》截圖

無懼分隔兩地

另外,張衛健同太太由拍拖,到婚後都經常分隔於香港和北京兩地,但反而令佢哋更信任彼此,更道出自己所悟出嘅婚姻之道:「每一個人的婚姻都有他自己的活法,這段距離磨練了我們,使我們其實更懂得婚姻的一些真諦。」張衛健又指,佢哋兩公婆每日都會通電話,而且唔會講大話,十分信任對方。

張衛健
圖片來源:《熟悉的味道》截圖

自爆曾結過3次婚

張衛健曾經喺教會分享會中表示,如果冇信仰嘅話,佢可能「比大鬧天宮時期嘅孫悟空失控」、「感情世界比韋小寶複雜混亂」,可能會變成一個不負責任嘅男人,佢更自爆曾結過3次婚,即刻引起全場哄動!其後佢就急忙補鑊話「3次都係同一個新娘」,仲指信仰令佢可以克服種種誘惑。

張衛健
張衛健同太太張茜(圖片來源:張衛健微博)

 

張衛健解釋,同張茜第一次結婚已經係十幾年前嘅事,當時佢有住「偶像包袱」,唔想畀Fans知道,所以就同張茜偷偷到南京註冊,秘密地舉行婚禮。

張衛健
張衛健自爆同陋茜結過3次婚(圖片來源:張衛健微博)

第二次,張衛健因為自己係天主教徒,而想舉行天主教婚禮,剛好太太係菲律賓旅遊大使,就被邀請去當地聖奧古斯丁教堂舉行婚禮。點知婚禮前5日,佢哋被通知由於太太唔係天主教徒,而且未喺香港上婚前輔導課程,所以當地唔畀佢哋如期進行。

張衛健
張衛健因為自己係天主教徒,剛好太太係菲律賓旅遊大使,就被邀請去當地聖奧古斯丁教堂舉行婚禮。

 

最終,當地都願意借出教堂,但唔可以提供神父。張衛健表示:「最後唔知邊個安排一個唔係神父嘅神父,做戲咁做,真係暈低!」

張衛健
張衛健表示:「最後唔知邊個安排一個唔係神父嘅神父,做戲咁做,真係暈低!」

第三次,由於張衛健對菲律賓婚禮耿耿於懷,最終喺修女提議下,喺香港再次舉行婚禮,不過今次就只有自己、太太、媽媽、修女同執事,一共5個人喺教堂內完成。

張衛健
張衛健對菲律賓婚禮耿耿於懷,最終喺修女提議下,喺香港再次舉行婚禮

攜手走過走過喪子之痛

張茜和張衛健曾經歷2次喪子之痛,2007年張茜懷孕,兩人開心地迎接孩子,然而在懷孕8個月時,胎兒心跳停止,不幸流產了。張衛健為讓太太釋懷,2年後為太太在菲律賓補辦盛大婚宴,希望讓太太成最幸福的新娘。

2014年張茜再度懷孕,但胎先依然保不住,懷孕7個月時再度小產。張衛健夫婦飽受喪子之痛,他推掉所有工作,陪伴在老婆身旁做她喜歡的事。

圖片來源:張衛健微博
圖片來源:張衛健微博

更多精選內容